چیئرمین سی ڈی اے کی زیر صدارت اجلاس، پنڈوریاں ،ہمک اور ملپور میں نئے قبرستانوں کیلئے ایک ہزار کنال سے زائد اراضی مختص
اشاعت کی تاریخ: 3rd, September 2025 GMT
چیئرمین سی ڈی اے کی زیر صدارت اجلاس، پنڈوریاں ،ہمک اور ملپور میں نئے قبرستانوں کیلئے ایک ہزار کنال سے زائد اراضی مختص WhatsAppFacebookTwitter 0 3 September, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت سی ڈی اے ہیڈکوارٹرز میں ایک اہم اجلاس ہوا۔ اجلاس میں سی ڈی اے بورڈ کے ممبر انجنئیرنگ سید نفاست رضا، ممبر پلاننگ ڈاکٹر خالد حفیظ سمیت دیگر سنئیر افسران نے شرکت کی۔اجلاس میں وفاقی وزیر داخلہ محسن نقوی کی ہدایت پر اسلام آباد شہر میں نئے قبرستانوں کے قیام کیلئے اراضی مختص کرنے کے حوالے سے متعدد فیصلے کئے گئے۔اس سلسلے میں وفاقی وزیر داخلہ کی ہدایت پر اسلام آباد میں تین نئی مختص کردہ جگہوں پر قبرستانوں تیار کرنے کا فیصلہ کیا گیا۔
چیئرمین سی ڈی اے نے کہا کہ نئے قبرستانوں کو اسلام آباد شہر کی بڑھتی ہوئی آبادی کی ضروریات کو مدنظر رکھتے ہوئے تیار کیا جائے۔اجلاس کو بریفننگ دیتے ہوئے بتایا گیا کہ پنڈوریاں کے مقام پر نئے قبرستان بنانے کیلئے تقریبا 800 کنال اراضی مختص کی گئی ہے۔ اسی طرح ہمک اور ملپور کے مقامات پر بھی نئے قبرستانوں کیلئے اراضی مختص کی گئی ہے۔ اجلاس کو بتایا گیا کہ ملپور میں بنائے جانے والے نئے قبرستان کیلئے 200 کنال اراضی مختص کی گئی ہے۔ اسی طرح ہمک میں بنائے جانے والے نئے قبرستان کیلئے 10 کنال سے زائد اراضی مختص ہے۔ اجلاس کو بتایا گیا کہ نئے قبرستانوں سے اسلام آباد کے شہری و دیہی علاقوں کی آبادی کو آسانی میسر آئے گی۔ چیئرمین سی ڈی اے نے ان تمام مقامات پر ماڈل قبرستانوں کی تعمیر کے منصوبوں پر تیزی سے کام کا آغاز کرنے کی ہدایت کی۔ انہوں نے ہدایت کی کہ قبرستان کی تعمیر میں شہرِ خاموشاں لاہور اور بین الاقوامی ماڈل و معیارات کو مدنظر رکھا جائے۔چیئرمین سی ڈی اے نے نئے قبرستانوں میں جنازہ و تدفین کے حوالے سے تمام سہولیات کی فراہمی کو یقینی بنانے کی ہدایت کے ساتھ ساتھ سی ڈی اے کی نئے قبرستانوں کی بانڈری وال اور واک ویز کی تعمیر کرنے کی ہدایت کی۔
انہوں نے نئے قبرستانوں میں جنازہ گاہ، میت کو غسل دینے کی سہولت، مسجد، وضو خانے سمیت تمام سہولیات کی فراہمی کی کو یقینی بنانے کی ہدایت کی۔ اسی طرح نئے قبرستانوں میں پارکنگ، مستقل بنیادوں پر ایل ای ڈی لائٹس کی تنصیب سمیت پانی کی فراہمی کو یقینی بنانے کی ہدایت بھی کی۔ واضح رہے نئے قبرستانوں کی تعمیر کے ساتھ دارالحکومت اسلام آباد میں موجودہ قبرستانوں کو جدید خطوط پر اپ گریڈ کیا جارہا ہے۔ چئیرمین سی ڈی اے نے ہدایت کی کہ موجودہ قبرستانوں میں بائونڈری والز، سیکورٹی، مستقل بنیادوں پر روشنی کے انتظامات سمیت واک ویز کی اپ لفٹنگ کی جائے۔ انہوں نے عوام کی سہولت کے پیش نظر نئے اور پرانے قبرستانوں میں تدفین کیلئے خصوصی الیکٹرک میت بسیں مہیا کرنے کی ہدایت کی۔چیئرمین سی ڈی اے نے کہا کہ مفت الیکٹرک میت بس کے ذریعے میت کو قبرستان تک پہنچانے میں آسانی ہوگی۔ انہوں نے ہدایت کی کہ دکھ اور مشکل کی گھڑی میں شہریوں کو بہتر سے بہترین سہولیات کی فراہمی کو یقینی بنانے کیلئے تمام وسائل بروئے کار لائے جائیں۔ چیئرمین سی ڈی اے نے کہا کہ نئے قبرستانوں کی تکمیل سے نہ صرف دارالحکومت کے شہریوں کو بہترین سہولیات میسر آئیں گی بلکہ اسلام آباد شہر کی قبرستان کی ضروریات بھی پوری کی جاسکیں گی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرجاپانی جارحیت کے خلاف چینی عوام کی مزاحمتی جنگ اور فسطائیت مخالف عالمی جنگ کی فتح کی 80ویں سالگرہ کے موقع پر ثقافتی شام کا بیجنگ میں انعقاد سیلاب متاثرین کی امداد اجتماعی کام، نمبر بنانے کی ضرورت نہیں، چیئرمین سینیٹ وزیراعظم کی چیئرمین این ڈی ایم اے کو ریسکیو اور امدادی کارروائیاں تیز کرنے کی ہدایت عمران خان کی بہن علیمہ خان کے بیٹے کی درخواست ضمانت میں بڑی پیشرفت، فیصلہ محفوظ عالمی بینک پاکستان کو رواں سال مختلف منصوبوں کیلئے 2ارب ڈالر سے زائد قرض دیگا لوئر کرم میں مسافر گاڑی پر نامعلوم افراد کی اندھا دھند فائرنگ، 7افراد جاں بحق بھارت نے دریاوں میں مزید پانی چھوڑ دیا، مرالہ سے 5لاکھ کیوسک کا بڑا ریلہ چناب میں داخل، فلڈ الرٹ جاریCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: چیئرمین سی ڈی اے نے کو یقینی بنانے کی نئے قبرستانوں کی قبرستانوں میں کرنے کی ہدایت نئے قبرستان کی ہدایت کی اسلام آباد قبرستان کی کی فراہمی انہوں نے کی تعمیر
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا