400 روپے ڈیلی الاؤنس، ہماری توہین ہے، پاکستان ہاکی ٹیم کے کھلاڑیوں کا احتجاج
اشاعت کی تاریخ: 4th, September 2025 GMT
پاکستان ہاکی ٹیم کے کھلاڑیوں نے کہا ہے کہ قومی کھلاڑیوں کو 400 روپے جیسی معمولی رقم پر کھیلنے کی پیشکش ان کی توہین ہے۔
پاکستان ہاکی ٹیم کے کھلاڑیوں نے حکام کی جانب سے ملنے والے الاؤنس پر شدید تحفظات کا اظہار کرتے ہوئے کہا ہے کہ 400 روپے کا ڈیلی الاؤنس زخموں پر نمک چھڑکنے کے مترادف ہے۔
یہ بھی پڑھیے پاکستان ہاکی ٹیم کی جانب سے ملائیشیا میں ہوٹل بلز کی عدم ادائیگی کا انکشاف
کھلاڑیوں کا کہنا ہے کہ 400 روپے تو ایک مزدور کی یومیہ دیہاڑی بھی نہیں بنتی، اور قومی کھلاڑیوں کو اس معمولی رقم پر کھیلنے کی پیشکش ان کی بے قدری اور توہین ہے۔ ان کے مطابق پہلے بھی ڈیلی الاؤنس وقت پر نہیں دیا جاتا اور اب جب یہ رقم مزید کم کر دی گئی ہے تو کھلاڑی مجبوراً ہاکی چھوڑنے پر مجبور ہو جائیں گے۔
ایک کھلاڑی نے کہا کہ ’ملک نے ہمیں بہت کچھ دیا ہے، لیکن یہ حالات دیکھ کر دکھ ہوتا ہے، ہمارے گھروں کے چولہے ٹھنڈے پڑ رہے ہیں اور ہمیں صرف 400 روپے کی بات سننے کو مل رہی ہے۔‘
یہ بھی پڑھیے ایف آئی ایچ ہاکی نیشنز کپ ختم ہوئے دو ہفتے گزر گئے، قومی کھلاڑی تاحال ڈیلی الاؤنس سے محروم
دوسری جانب پاکستان ہاکی فیڈریشن (پی ایچ ایف) کے سیکرٹری رانا مجاہد نے وضاحت دیتے ہوئے کہا کہ پاکستان اسپورٹس بورڈ (پی ایس بی) نے کھلاڑیوں کو 400 روپے ڈیلی الاؤنس دینے کا کہا ہے، جبکہ فیڈریشن کی جانب سے کھلاڑیوں کو 100 ڈالر یومیہ دیا جاتا ہے۔ انہوں نے سوال اٹھایا کہ ’اگر کھلاڑی 100 ڈالر پر مطمئن نہیں تو 400 روپے پر کیسے کھیلیں گے؟‘
کھلاڑیوں کے مطابق یہ صورتحال نہ صرف ان کے کیریئر بلکہ پاکستان ہاکی کے مستقبل پر بھی سوالیہ نشان کھڑا کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ہاکی ٹیم پاکستان ہاکی فیڈریشن رانا مجاہد کھیل.
ذریعہ
ذریعہ: WE News
کلیدی لفظ: پاکستان ہاکی ٹیم پاکستان ہاکی فیڈریشن رانا مجاہد کھیل پاکستان ہاکی ٹیم کھلاڑیوں کو ڈیلی الاؤنس
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار