جنوبی افریقہ کی ٹیسٹ کرکٹ کے ساتھ پاکستان واپسی، مجوزہ شیڈول جاری
اشاعت کی تاریخ: 4th, September 2025 GMT
لاہور(سپورٹس ڈیسک) چار سال سے زائد عرصے بعد جنوبی افریقی کرکٹ ٹیم پاکستان میں ٹیسٹ میچز کھیلے گی۔ تمام فارمیٹس کی سیریز کا ابتدائی شیڈول سامنے آگیا ہے، جس کے تحت لاہور، راولپنڈی اور فیصل آباد انٹرنیشنل کرکٹ کی میزبانی کریں گے۔
ٹیسٹ سیریز
پہلا ٹیسٹ 12 سے 16 اکتوبر تک قذافی اسٹیڈیم لاہور میں کھیلا جائے گا، جبکہ دوسرا ٹیسٹ 20 سے 24 اکتوبر تک راولپنڈی کرکٹ اسٹیڈیم میں شیڈول ہے۔
ون ڈے سیریز
راولپنڈی میں ہی 28 اکتوبر کو ون ڈے سیریز کا آغاز ہوگا، جب کہ باقی دو میچز 31 اکتوبر اور 2 نومبر کو فیصل آباد کے اقبال اسٹیڈیم میں ہوں گے۔ اس سے شہر میں طویل عرصے بعد انٹرنیشنل کرکٹ کی واپسی ہوگی۔
ٹی ٹوئنٹی سیریز
ٹی ٹوئنٹی سیریز کا آغاز 5 نومبر کو متوقع طور پر ملتان میں ہوگا، تاہم وفد کے دورہ نہ کرنے کے باعث امکانات کم ہیں۔ سیریز کے دیگر دو میچز 8 اور 9 نومبر کو لاہور میں کھیلے جانے کا امکان ہے۔
شیڈول فائنل نہیں
ذرائع کا کہنا ہے کہ یہ صرف مجوزہ شیڈول ہے اور دونوں بورڈز کی حتمی منظوری کے بعد ہی تاریخوں اور وینیوز کو فائنل کیا جائے گا۔ ردوبدل کے امکانات بھی موجود ہیں۔
یاد رہے کہ پروٹیز نے آخری بار جنوری-فروری 2021 میں پاکستان کا دورہ کیا تھا، جہاں ٹیسٹ سیریز میں انہیں وائٹ واش اور ٹی ٹوئنٹی سیریز میں 1-2 سے شکست ہوئی تھی۔
اس سے قبل اقبال اسٹیڈیم فیصل آباد کو 17 سال بعد انٹرنیشنل کرکٹ کی میزبانی کا موقع ملنے والا تھا، لیکن پی ایس ایل میچز ری شیڈول ہونے کے باعث وہ سیریز صرف لاہور میں کرائی گئی تھی۔
Post Views: 5.
ذریعہ
ذریعہ: Daily Mumtaz
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ