پاکستان نے افغان زلزلہ متاثرین کے لیے 105 ٹن امدادی سامان حوالے کردیا
اشاعت کی تاریخ: 4th, September 2025 GMT
وفاقی وزیر برائے امورِ کشمیر، گلگت بلتستان و سیفران انجینئر امیر مقام نے کہا ہے کہ پاکستان ہر مشکل گھڑی میں افغان عوام کے ساتھ کھڑا ہے۔ یہ بات انہوں نے طورخم بارڈر پر افغانستان کے زلزلہ متاثرین کے لیے امدادی سامان افغان حکام کے حوالے کرنے کے موقع پر میڈیا سے گفتگو کرتے ہوئے کہی۔
وزیراعظم شہباز شریف کی ہدایت پر نیشنل ڈیزاسٹر مینجمنٹ اتھارٹی (این ڈی ایم اے) نے افغانستان کے متاثرہ علاقوں کے لیے 105 ٹن امدادی سامان روانہ کیا۔
سامان 40 فٹ کے پانچ کنٹینر ٹرکوں پر مشتمل تھا، جس میں خوراک، ادویات، خیمے، کمبل اور دیگر ضروری اشیا شامل ہیں۔ یہ امداد 3 ستمبر کو اسلام آباد سے روانہ ہوئی اور 4 ستمبر کو طورخم بارڈر پر افغان حکام کے حوالے کر دی گئی۔
مزید پڑھیں: خیبر پختونخوا حکومت کی جانب سے افغانستان کے زلزلہ متاثرین کے لیےامداد
سامان حوالگی کی تقریب میں وفاقی وزیر امیر مقام مہمان خصوصی تھے جبکہ پاکستان کے قونصل جنرل جلال آباد شفقت اللہ اور افغانستان کے قونصل جنرل پشاور حافظ محب اللہ شاکر بھی شریک ہوئے۔
امیر مقام نے اس موقع پر کہا کہ وزیراعظم شہباز شریف اور وزیرِ خارجہ اسحاق ڈار نے افغان عوام سے تعزیت کی ہے اور پاکستان ان کے غم میں برابر کا شریک ہے۔
انہوں نے مزید کہا کہ پاکستان اور افغانستان میں امن و خوشحالی ایک دوسرے سے جڑے ہیں اور خطے کی ترقی کے لیے دونوں ممالک کو مل کر کام کرنا ہوگا۔
وفاقی وزیر نے افغان مہاجرین کے کیمپ کا بھی دورہ کیا اور سہولیات کا جائزہ لیتے ہوئے نادرا کو خواتین کے لیے علیحدہ کاؤنٹر قائم کرنے اور سہولتوں میں اضافہ، بارڈر پر دوسرا اسکینر لگانے اور نادرا سینٹر ڈبل کرنے کی ہدایات بھی جاری کی گئیں۔
مزید پڑھیں: افغانستان میں تباہ کن زلزلے سے ہلاکتیں 1400 سے متجاوز
امیر مقام نے واضح کیا کہ افغان سرزمین پاکستان کے خلاف استعمال نہیں ہونی چاہیے اور پاکستان میں موجود افغان مہاجرین کی باعزت واپسی اولین ترجیح ہے۔
افغان قونصل جنرل حافظ محب اللہ شاکر اور افغان ایمبیسی کے نمائندگان نے پاکستان کی بروقت امداد پر حکومتِ پاکستان کا شکریہ ادا کیا۔
یاد رہے کہ افغانستان میں 31 اگست 2025 کی رات آنے والے ہولناک زلزلے کے نتیجے میں اب تک 1400 افراد جاں بحق ہو چکے ہیں اور ہزاروں افراد بے گھر ہوئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
105 ٹن امدادی سامان افغانستان زلزلہ انجینئر امیر مقام پاکستان قونصل جنرل پشاور حافظ محب اللہ شاکر قونصل جنرل جلال آباد شفقت اللہ.ذریعہ: WE News
کلیدی لفظ: افغانستان زلزلہ پاکستان قونصل جنرل پشاور حافظ محب اللہ شاکر قونصل جنرل جلال آباد شفقت اللہ افغانستان کے نے افغان کے لیے
پڑھیں:
ٹی ٹی پی اور ’’را‘‘ کی افغانستان میں موجودگی، پاکستان کا طالبان حکومت کو سخت پیغام
اسلام آباد (نیوز ڈیسک) پاکستان نے افغان سفیر کو طلب کر کے طالبان حکومت سے تحریک طالبان پاکستان سے دوری کا مطالبہ کیا ہے اور ٹی ٹی پی اور’’ را‘‘ کی افغانستان میں موجودگی کے خلاف سخت پیغام دیا ہے۔
تفصیلات کے مطابق پاکستان نے افغان طالبان حکومت سے مطالبہ کیا ہے کہ وہ عالمی سطح پر تسلیم شدہ دہشت گرد تنظیم تحریک طالبان پاکستان سے دوری اختیار کرے اور اپنی سرزمین سے انہیں ختم کرنے کے اپنے وعدوں کو پورا کرے۔
اسلام آباد نے یہ پیغام پاکستان میں تعینات افغان عبوری سفیر سردار احمد شکیب کے ذریعے پہنچایا، جنہیں حال ہی میں دفتر خارجہ طلب کیا گیا تھا، انہیں واضح اور دو ٹوک الفاظ میں آگاہ کر دیا گیا ہے کہ افغان طالبان حکومت اس بات کو یقینی بنائے کہ ان کی سرزمین دہشت گردی کی مذموم سرگرمیوں کے لیے استعمال نہ ہو۔
پاکستانی دفتر خارجہ نے سفیر کو فتنہ الخوارج دہشت گردوں کی حالیہ سرگرمیوں میں اضافے کے پیش نظر طلب کیا، یہ دہشت گرد افغانستان کی سرزمین پر پناہ لیے ہوئے ہیں اور انہیں بھارتی خفیہ ایجنسی را کی جانب سے مکمل مالی امداد اور سرپرستی حاصل ہے۔
اعلیٰ سفارتی ذرائع نے جنگ کو بتایا کہ افغان عبوری سفیر سردار احمد شکیب کو دفتر خارجہ میں طلب کیا گیا تھا، ایڈیشنل فارن سیکرٹری سید علی اسد گیلانی نے طالبان کے نمائندے کو پاکستان کا انتباہ پہنچایا۔
دریں اثنا، افغانستان کے لیے پاکستان کے خصوصی نمائندے، محمد صادق خان متحدہ عرب امارات سے واپس آ گئے ہیں، جہاں وہ افغانستان سے متعلق ایک غیر اعلانیہ مشن پر گئے تھے، وہ اپنی کارروائی کے بارے میں ایک تفصیلی رپورٹ وزیراعظم کو پیش کریں گے، امکان ہے کہ وہ اسی ہفتے سینئر حکام کے ایک وفد کی قیادت کرتے ہوئے کابل جائیں گے۔
Post Views: 3
کراچی میں موسلا دھار بارش سے اربن فلڈنگ، گھروں میں پانی داخل، تعلیمی ادارے بند