چین کی شینڈونگ کمپنی کی پاکستان میں میری ٹائم انڈسٹریل کمپلیکس قائم کرنے کی تجویز
اشاعت کی تاریخ: 5th, September 2025 GMT
پاکستان اور چین کے درمیان میری ٹائم اور بندرگاہی شعبے میں تعاون کے ایک نئے باب کا آغاز ہونے جا رہا ہے۔ چین کی معروف کمپنی شینڈونگ شِن شو گروپ کارپوریشن نے پاکستان میں ایک مربوط میری ٹائم انڈسٹریل کمپلیکس کے قیام کی باضابطہ تجویز دی ہے، جس کا مقصد بندرگاہی ترقی، جہاز سازی اور بلیو اکانومی کو فروغ دینا ہے۔
یہ پیشکش وفاقی وزیر برائے میری ٹائم امورمحمد جنید انور چوہدری سے بیجنگ میں ہونے والی ملاقات کے دوران سامنے آئی۔ ملاقات میں پاکستان کے میری ٹائم وژن سے ہم آہنگ مشترکہ منصوبوں پر تبادلہ خیال کیا گیا۔
وفاقی وزیر نے شینڈونگ کمپنی کوگوادر بندرگاہ سے منسلک لیزنگ، فیڈر سروسز، ڈرائی ڈاک، فلوٹنگ ڈاک، مچھلی پروسیسنگ، آبی حیات کی تحقیق اور شپ ریسائیکلنگ کی سہولیات کے شعبوں میں سرمایہ کاری کی دعوت دی۔ انہوں نے کہا کہ حکومت ایسے منصوبوں کو زمین، بنیادی سہولیات اور ریگولیٹری منظوری کی فراہمی میں مکمل تعاون فراہم کرے گی۔
وفاقی وزیر نے واضح کیا کہ شپ ریسائیکلنگ سے متعلق تمام سہولیات کو ہانگ کانگ کنونشن اوریورپی یونین کے ماحولیاتی معیار کے مطابق ہونا چاہیے۔
مزید برآں، وزیر موصوف نے تیانجن ڈونگ جیانگ فری ٹریڈ زون کے حکام سے بھی ملاقات کی، جس میں شپ فنانسنگ، لیزنگ اورپاکستان نیشنل شپنگ کارپوریشن (PNSC)کے فلیٹ میں اضافے کے منصوبوں پر بات چیت کی گئی۔ ان منصوبوں میںافرا میکس ٹینکرز، کنٹینر شپس اور بلک کیریئرز کی شراکتی بنیاد پر خریداری پر غور کیا جا رہا ہے۔
وزیر نے چینی کمپنیوں کو گوادر میں بانڈڈ ویئرہاؤسز، کولڈ چین سہولیات اور بلک کارگو ہینڈلنگ انفراسٹرکچر میں سرمایہ کاری کی دعوت دی، اورگوادر-افریقہ لاجسٹکس کوریڈور کے قیام کی تجویز بھی دی۔ اس کے ساتھ ساتھ، پاکستانی فری زون مینیجرز اور کسٹمز حکام کے لیے تربیتی پروگراموں کی پیشکش کی گئی، جبکہ ڈونگ جیانگ انویسٹمنٹ وفد کو 2025 میں گوادر کے دورے کی دعوت دی گئی۔
وزیر نےفنجیےیون انٹرنیشنل کے ساتھ بات چیت میں گوادر کومنجمد خوراک، گوشت، اور ٹرانس شپمنٹ کوریڈور کے طور پر اجاگر کیا، اور بندرگاہ پرفیڈر ویسل سروسز کی بحالی اورفریٹ ہب آپریشن کے لیے فزیبلٹی اسٹڈی کی تجویز پیش کی۔
یہ دورہ وزیراعظم شہباز شریف کی قیادت میں جاری اعلیٰ سطحی سرکاری دورے کا حصہ ہے، جس کا مقصد چین کے ساتھ سرمایہ کاری، تجارتی اور میری ٹائم تعاون کو فروغ دینا ہے، خاص طور پر گوادر کو ایک علاقائی لاجسٹکس اور تجارتی مرکز میں تبدیل کرنا۔
ذریعہ: Daily Mumtaz
کلیدی لفظ: میری ٹائم
پڑھیں:
کراچی میں انڈسٹریل الیکٹریکل اینڈ الیکٹرونکس انجینئرنگ فیئر کا آغاز
data-id="863a0a8" data-element_type="widget" data-widget_type="theme-post-content.default">
کراچی (رپورٹ:منیر عقیل انصاری)انڈسٹریل الیکٹریکل اینڈ الیکٹرونکس انجینئرنگ پاکستان فیئر کا 14واں ایڈیشن آج ایکسپو سینٹر کراچی میں باضابطہ طور پر شروع ہوگیا، جو 16 سے 18 ستمبر 2025 تک جاری رہے گا۔
یہ ایونٹ آئی ای ای ای پی کراچی سینٹر کی جانب سے، بدر ایکسپو سولیوشنز کے اشتراک سے منعقد کیا جا رہا ہے، جس میں 200 سے زائد مقامی و بین الاقوامی نمائش کنندگان شرکت کر رہے ہیں جو الیکٹریکل، الیکٹرانکس، اور قابلِ تجدید توانائی کے شعبوں کی نمائندگی کر رہے ہیں۔
اس موقع پر کراچی چیمبر آف کامرس اینڈ انڈسٹری (KCCI) کے صدر، جناب جاوید بلوانی، مہمانِ خصوصی کی حیثیت سے شریک ہوئے۔ انہوں نے منتظمین کو ایک اس نوعیت کے اہم اور وسیع پیمانے کے ایونٹ کے انعقاد پر سراہا.
“آئی ای ای ای پی فیئر الیکٹرانکس، الیکٹریکل اور قابلِ تجدید توانائی کے نمائش کنندگان، کنسلٹنٹس اور تجارتی زائرین کے لیے ایک منفرد موقع فراہم کرتا ہے کہ وہ اپنے خیالات کا تبادلہ کریں،
جدید ٹیکنالوجی میں ہونے والی ترقی سے آگاہی حاصل کریں، اور انجینئرنگ کے چیلنجز کے لیے جدید اور کم لاگت حل دریافت کریں۔ میں آئی ای ای ای پی کراچی اور بدر ایکسپو سولیوشنز کو ایک ایسا ایونٹ منعقد کرنے پر خراجِ تحسین پیش کرتا ہوں جس سے پوری صنعت کو فائدہ پہنچے گا۔”
اپنے استقبالیہ خطاب میں، انجینئر نوید اکرم انصاری، چیئرمین آئی ای ای ای پی کراچی سینٹر، نے اس نمائش کی صنعت میں روابط بڑھانے میں اہمیت پر زور دیا۔
“یہ نمائش کاروباری اداروں کو آپس میں رابطے قائم کرنے، پیشہ ورانہ شراکت داری بنانے اور مستقبل میں تعاون کے مواقع تلاش کرنے کے لیے ایک اہم پلیٹ فارم فراہم کرتی ہے۔ یہ فیئر مختلف صنعتی شعبوں کے اسٹیک ہولڈرز کے ایک وسیع میدان کو ایک چھت کے نیچے اکٹھا کرتا ہے۔”
ایونٹ کے دوران ایک اعلیٰ سطحی صنعتی سیمینار بھی منعقد کیا جا رہا ہے، جس میں تعمیرات، ٹیکسٹائل، اور متعلقہ صنعتوں میں توانائی کے حل پر توجہ دی جائے گی۔ اس میں پائیدار توانائی سے متعلق ماہرین کی آراء اور رہنمائی شامل ہوگی۔
آئی ای ای ای پی فیئر 2025 پاکستان کے انجینئرنگ اور ٹیکنالوجی کے شعبوں میں جدت، نیٹ ورکنگ، اور ترقی کے لیے ایک نمایاں پلیٹ فارم کے طور پر خدمات انجام دیتا رہے گا۔
نوشہروفیروز میں المناک حادثہ، ڈمپر کی ٹکر سے 7 افراد جاں بحق