سیلاب و بارشوں کے پیش نظر: محکمہ ہاؤسنگ پنجاب نے تمام افسران کی چھٹیاں منسوخ کر دیں
اشاعت کی تاریخ: 5th, September 2025 GMT
صوبہ پنجاب میں حالیہ سیلابی صورتحال اور آئندہ متوقع بارشوں کے پیش نظر محکمہ ہاؤسنگ پنجاب نے فوری ایکشن لیتے ہوئے اپنے تمام افسران اور عملے کی چھٹیاں منسوخ کر دی ہیں۔ اس اقدام کا مقصد متاثرہ علاقوں میں ریلیف کے کاموں کو مؤثر اور بلا تعطل جاری رکھنا ہے۔
24 گھنٹے حاضری لازمی
محکمہ کی جانب سے جاری کردہ نوٹیفکیشن میں ہدایت کی گئی ہے کہ تمام متعلقہ اضلاع میں قائم فلڈ ریلیف کیمپس میں 24 گھنٹے افسران کی موجودگی یقینی بنائی جائے۔ یہ احکامات سیکریٹری ہاؤسنگ نورالامین مینگل کی ہدایت پر جاری کیے گئے ہیں۔
پینے کے پانی کی فراہمی اولین ترجیح
ترجمان محکمہ ہاؤسنگ کے مطابق سیلاب متاثرین کے لیے پینے کے صاف پانی کی مسلسل فراہمی کو سب سے اہم ترجیح قرار دیا گیا ہے۔ تمام حکام کو سختی سے ہدایت دی گئی ہے کہ کسی بھی کیمپ میں پانی کی قلت نہ ہو اور متاثرہ خاندانوں کو تمام بنیادی سہولیات بروقت فراہم کی جائیں۔
محکمے کے ترجمان کا کہنا تھا کہ یہ وقت عوام کے ساتھ کھڑے ہونے کا ہے، اور ہمارا ہر افسر و اہلکار اپنی ذمہ داری ایمانداری سے نبھائے گا۔ ہم سیلاب متاثرین کے شانہ بشانہ کھڑے ہیں۔”
سیکریٹری ہاؤسنگ کا مؤقف
سیکریٹری نورالامین مینگل نے یقین دہانی کرائی کہ ہاؤسنگ پنجاب اپنی تمام تر صلاحیتوں اور وسائل کے ساتھ عوام کی خدمت میں مصروف ہے۔ ہم ہر ممکن تعاون فراہم کریں گے۔
پیشگی اقدامات بھی مکمل
محکمہ نے متوقع بارشوں کے پیش نظر بھی تمام حفاظتی انتظامات مکمل کرنے اور تمام دستیاب وسائل کو فعال رکھنے کی ہدایت جاری کر دی ہے، تاکہ کسی بھی ہنگامی صورتحال سے بروقت نمٹا جا سکے۔
ذریعہ
ذریعہ: Daily Mumtaz
کلیدی لفظ: ہاو سنگ
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ