مون سون کے دوران کتنی اموات اور کیا کیا نقصانات ہوئے؟ این ڈی ایم اے نے تفصیلات جاری کردیں
اشاعت کی تاریخ: 7th, September 2025 GMT
نیشنل ڈیزاسٹر مینجمنٹ اتھارٹی (این ڈی ایم اے) نے کہا ہے کہ مون سون سیزن کے دوران اب تک 910 افراد جان کی بازی ہار چکے ہیں جبکہ 1044 افراد زخمی ہوئے، صرف گزشتہ 24 گھنٹوں میں 3 اموات ریکارڈ کی گئیں۔
این ڈی ایم اے نے بارشوں، سیلاب اور ان سے جڑے حادثات کے تازہ ترین اعدادوشمار جاری کیے ہیں جن میں بتایا گیا ہے کہ 26 جون سے اب تک ملک بھر میں 910 اموات اور 1044 زخمیوں کے واقعات پیش آچکے ہیں۔
یہ بھی پڑھیں: مون سون 2025: بارشیں، اموات اور بڑھتے خطرات، حل کیا ہے؟
تفصیلات میں بتایا گیا ہے کہ 442 افراد دریائی سیلاب میں بہہ گئے، 252 گھروں کے گرنے سے، 65 ڈوبنے سے جبکہ 57 شدید بارشوں اور سیلابی ریلوں سے جاں بحق ہوئے۔
اسی طرح لینڈ سلائیڈنگ سے 25، کرنٹ لگنے سے 23 اور آسمانی بجلی گرنے سے 26 افراد کی جانیں گئیں۔ مزید 7 افراد مختلف وجوہات کے باعث بارشوں اور سیلاب کی نذر ہوئے۔
صوبائی اور علاقائی اعدادوشمار کے مطابق پنجاب میں 234، خیبرپختونخوا میں 504، سندھ میں 58 اور بلوچستان میں 26 افراد جاں بحق ہوئے۔ گلگت بلتستان میں 41، آزاد کشمیر میں 38 جبکہ وفاقی دارالحکومت اسلام آباد میں 9 اموات ہوئیں۔
زخمیوں کی تعداد کے لحاظ سے پنجاب میں 654، خیبرپختونخوا میں 218، سندھ میں 78، بلوچستان میں 5، گلگت بلتستان میں 52، آزاد کشمیر میں 34 اور اسلام آباد میں 3 افراد متاثر ہوئے۔
این ڈی ایم اے کے مطابق بارشوں اور سیلاب سے 7850 گھر متاثر ہوئے، جن میں سے 5905 کو جزوی نقصان پہنچا جبکہ 1945 مکمل طور پر تباہ ہوگئے۔ اسی دوران 6180 مویشی بھی ہلاک ہوئے۔
یہ بھی پڑھیں: پنجاب میں مون سون کی شدت برقرار، مختلف شہروں میں موسلا دھار بارشیں، انتظامیہ الرٹ
گزشتہ 24 گھنٹوں کی صورتحال کے مطابق 3 مزید افراد جاں بحق ہوئے، جن میں 2 کا تعلق خیبرپختونخوا کے علاقے ملاکنڈ اور ایک کا پنجاب کے ضلع منڈی بہاؤالدین سے تھا۔ اس دوران 2 گھروں کو بھی نقصان پہنچا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اموات این ڈی ایم اے بارش تفصیلات جاری سیلاب نیشنل ڈیزاسٹر مینجمنٹ اتھارٹی وی نیوز.
ذریعہ
ذریعہ: WE News
کلیدی لفظ: اموات این ڈی ایم اے تفصیلات جاری سیلاب نیشنل ڈیزاسٹر مینجمنٹ اتھارٹی وی نیوز ڈی ایم اے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار