سعودی عرب کا پاکستان کے سیلاب متاثرین کے لیے اظہارِ اخوت، امدادی سامان کے 5 ٹرک پہنچ گئے
اشاعت کی تاریخ: 8th, September 2025 GMT
سعودی عرب کی جانب سے پاکستان کے سیلاب متاثرین کے لیے امدادی سامان پر مشتمل 5 ٹرک پنجاب پہنچ گئے۔
کنگ سلمان ایڈ اینڈ ریلیف سینٹر کی جانب سے فراہم کردہ یہ سامان وزیراعلیٰ پنجاب مریم نواز شریف کی موجودگی میں سعودی سفیر نواف بن سعید احمد المالکی نے صوبائی ڈیزاسٹر مینجمنٹ اتھارٹی (پی ڈی ایم اے) کے حوالے کیا۔
یہ بھی پڑھیے: سعودی عرب کا شام کے لیے 50 ٹرکوں پر مشتمل نیا امدادی قافلہ روانہ
امدادی سامان میں 10 ہزار فوڈ پیکجز اور 10 ہزار شیلٹر کٹس شامل ہیں۔ شیلٹر کٹ میں خیمہ، سولر پینل، ایل ای ڈی لائٹس، تھرمل کمبل، کچن سیٹ، واٹر کولر، پلاسٹک میٹ اور اینٹی بیکٹیریل صابن شامل ہیں، جبکہ 95 کلوگرام وزنی فوڈ پیکج میں آٹا، چینی، دال چنا اور کوکنگ آئل دیا گیا ہے۔
یہ امداد قصور، جھنگ، خانیوال، حافظ آباد، چنیوٹ، ملتان اور ٹوبہ ٹیک سنگھ کے سیلاب متاثرین میں تقسیم کی جائے گی۔ تقسیم کا عمل کنگ سلمان ریلیف، پی ڈی ایم اے اور حیات فاؤنڈیشن کے اشتراک سے کیا جائے گا۔
تقریب سے خطاب کرتے ہوئے وزیراعلیٰ پنجاب مریم نواز شریف نے سعودی عرب کی بروقت امداد پر شکریہ ادا کرتے ہوئے کہا کہ سیلابی صورتحال کے دوران سعودی عرب کا تعاون حقیقی بھائی چارے کی علامت ہے۔ 10 ہزار فوڈ باسکٹ اور 10 ہزار شیلٹر کٹس کی فراہمی متاثرہ خاندانوں کے لیے ریلیف ثابت ہوگی۔
انہوں نے کہا کہ یہ امداد پاکستان اور سعودی عرب کے مابین اخوت اور بھائی چارے کے مضبوط رشتے کی عکاسی کرتی ہے۔ وزیراعلیٰ نے خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کو خراجِ تحسین پیش کرتے ہوئے کہا کہ سعودی قیادت کا وژن اور بصیرت مسلم امہ کے اتحاد و ترقی کے لیے مشعلِ راہ ہے۔
یہ بھی پڑھیے: غزہ کے حوالے سے او آئی سی اجلاس میں سعودی عرب کا کردار لائق تحسین ہے: فلسطینی سفیر ڈاکٹر زہیر زید
انہوں نے مزید کہا کہ آزمائش کی گھڑی میں سعودی عرب نے ایک مرتبہ پھر پاکستان کے ساتھ کھڑے ہو کر حقیقی برادر ملک ہونے کا ثبوت دیا ہے اور دونوں ممالک کے درمیان معاشی تعاون بھی بتدریج بڑھ رہا ہے۔
تقریب میں کنٹری ڈائریکٹر کنگ سلمان ایڈ اینڈ ریلیف سینٹر عبداللہ البقمی اور پی ڈی ایم اے پنجاب کے حکام نے بھی شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب سیلاب سعودی امداد کنگ سلمان ایڈ اینڈ ریلیف سینٹر.
ذریعہ
ذریعہ: WE News
کلیدی لفظ: پنجاب سیلاب سعودی عرب کا کے لیے کہا کہ
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب
لاہور(ڈیلی پاکستان آن لائن) دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔
فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔
دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔
اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔
دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھی۔
واضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی