سیلاب متاثرہ علاقوں میں بجلی کی بحالی، 17 لاکھ میں سے 14 لاکھ 46 ہزار صارفین کو بجلی فراہم
اشاعت کی تاریخ: 11th, September 2025 GMT
اسلام آباد (نیوز ڈیسک) پاور ڈویژن نے سیلاب متاثرہ علاقوں میں بجلی کی بحالی سے متعلق تازہ رپورٹ جاری کر دی ہے، جس کے مطابق مجموعی طور پر 51 گرڈ اور 537 فیڈرز متاثر ہوئے، تاہم اب تک 14 لاکھ 46 ہزار 604 متاثرہ صارفین کے لیے بجلی بحال کر دی گئی ہے۔
رپورٹ کے مطابق سیلاب سے مختلف ڈسکوز کے 17 لاکھ 30 ہزار 100 صارفین متاثر ہوئے تھے، جن میں سے باقی 2 لاکھ 83 ہزار 496 صارفین کے لیے بجلی کی بحالی ترجیحی بنیادوں پر جاری ہے۔
فیسکو (فیصل آباد الیکٹرک کمپنی)
فیسکو کے زیرِ انتظام ٹوبہ ٹیک سنگھ، فیصل آباد، چنیوٹ، جھنگ، سرگودھا، میانوالی اور ڈیرہ اسماعیل خان میں 28 گرڈ اور 81 فیڈرز متاثر ہوئے۔ اب تک 27 فیڈرز مکمل اور 53 جزوی طور پر بحال کیے جا چکے ہیں۔ فیسکو کے 2 لاکھ 2 ہزار 436 متاثرہ صارفین میں سے ایک لاکھ 11 ہزار 812 کو بجلی بحال کر دی گئی ہے، باقی 90 ہزار 624 صارفین کے لیے بحالی کا عمل 14 ستمبر تک مکمل ہونے کی توقع ہے۔
لیسکو (لاہور الیکٹرک کمپنی)
لاہور، اوکاڑہ، شیخوپورہ، قصور اور ننکانہ کے 67 متاثرہ فیڈرز میں سے 60 مکمل اور 7 جزوی بحال ہو گئے۔ لیسکو کے 73 ہزار 734 متاثرہ صارفین میں سے 67 ہزار 203 کو بجلی فراہم کر دی گئی ہے، جبکہ باقی 6 ہزار 531 صارفین کے لیے بحالی کا عمل 12 ستمبر تک مکمل ہونے کی توقع ہے۔ لاہور اور شیخوپورہ میں بحالی مکمل کر لی گئی ہے۔
میپکو (ملتان الیکٹرک کمپنی)
میپکو کے زیرِ انتظام علاقوں میں 174 فیڈرز متاثر ہوئے جن میں سے 5 مکمل اور 165 جزوی طور پر بحال ہو چکے ہیں۔ 1 لاکھ 99 ہزار 129 متاثرہ صارفین میں سے 18 ہزار 243 کو بجلی فراہم کر دی گئی ہے۔ پانی اترنے کے ساتھ ہی مزید بحالی کا عمل شروع کیا جائے گا۔
گیپکو (گوجرانوالہ الیکٹرک کمپنی)
گیپکو کے 11 گرڈز اور 103 متاثرہ فیڈرز میں سے 96 مکمل اور 7 جزوی بحال ہو چکے ہیں۔ 7 لاکھ 35 ہزار 987 متاثرہ صارفین میں سے 7 لاکھ 34 ہزار 457 کو بجلی فراہم کر دی گئی ہے۔ باقی 1 ہزار 531 صارفین کے لیے بجلی پانی کی سطح کم ہونے پر بحال کر دی جائے گی۔
پیسکو (پشاور الیکٹرک کمپنی)
سوات، بنوں، شانگلہ، صوابی اور ڈیرہ اسماعیل خان میں 12 گرڈز اور 91 فیڈرز متاثر ہوئے۔ 87 فیڈرز مکمل اور 4 جزوی طور پر بحال کیے گئے۔ 4 لاکھ 63 ہزار 375 متاثرہ صارفین میں سے 4 لاکھ 61 ہزار 247 کو بجلی فراہم کی جا چکی ہے۔ باقی 2 ہزار 128 صارفین کے لیے بحالی 11 سے 12 ستمبر تک مکمل ہونے کی توقع ہے۔ سوات، صوابی اور ڈیرہ اسماعیل خان میں بحالی مکمل ہو گئی ہے۔
ٹیسکو (ٹریبل ایریاز الیکٹرک کمپنی)
شمالی وزیرستان اور خیبر کے 18 متاثرہ فیڈرز میں سے 16 مکمل اور 2 جزوی طور پر بحال کیے جا چکے ہیں۔ 31 ہزار 774 متاثرہ صارفین میں سے 29 ہزار 978 کو بجلی فراہم کر دی گئی ہے۔ باقی ایک ہزار 796 صارفین کے لیے بحالی کا کام 15 ستمبر کی شام تک مکمل کر دیا جائے گا۔
ہیزیکو (ہزارہ الیکٹرک کمپنی)
ہیزیکو کے زیرِ انتظام مانسہرہ میں متاثرہ تینوں فیڈرز مکمل طور پر بحال ہو گئے ہیں۔
پاور ڈویژن کے مطابق تمام ڈسکوز میں متاثرہ علاقوں کے صارفین کے لیے بحالی کے کام جاری ہیں اور پانی کی سطح کم ہونے پر باقی علاقوں میں بھی بجلی فوری طور پر بحال کر دی جائے گی۔
Post Views: 2.
ذریعہ
ذریعہ: Daily Mumtaz
کلیدی لفظ: کو بجلی فراہم کر دی گئی ہے متاثرہ صارفین میں سے صارفین کے لیے بحالی فیڈرز متاثر ہوئے جزوی طور پر بحال الیکٹرک کمپنی علاقوں میں بحال کر دی مکمل اور بحالی کا مکمل ہو تک مکمل چکے ہیں بحال ہو
پڑھیں:
ماہانہ فیول ایڈجسٹمنٹ؛ بجلی کی فی یونٹ قیمت میں اضافے کا امکان
اسلام آباد: ملک میں ماہانہ فیول ایڈجسٹمنٹ کے تحت بجلی کی فی یونٹ قیمت میں اضافے کا امکان ہے۔بجلی صارفین کے لیے ایک بار پھر قیمتوں میں اضافے کا امکان پیدا ہوگیا ہے، کیونکہ نیپرا میں اپریل کی ماہانہ فیول ایڈجسٹمنٹ کی درخواست پر سماعت کے دوران بجلی ایک روپے 73 پیسے فی یونٹ مہنگی کرنے کی درخواست کی گئی ہے۔سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے مہینے میں خطے میں جاری جنگ کے اثرات بھی سامنے آئے تھے. جس کے باعث توانائی کے شعبے کو مختلف چیلنجز کا سامنا رہا۔سی پی پی اے کے مطابق اس عرصے کے دوران درآمدی ایل این جی بالکل دستیاب نہیں تھی، تاہم مئی میں ایل این جی کے کنٹریکٹ اور سپاٹ کارگوز موصول ہوئے، جس کے بعد ایل این جی پر چلنے والے پاور پلانٹس کو فعال کیا گیا۔حکام نے نیپرا کو بتایا کہ صنعتی شعبے کے علاوہ تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ ساتھ آئندہ 2 ماہ کے لیے ایل این جی کی یومیہ بنیادوں پر پلاننگ مکمل کر لی گئی ہے .تاکہ بجلی کی پیداوار اور ایندھن کی دستیابی کو مؤثر انداز میں برقرار رکھا جا سکے۔سی پی پی اے حکام کا کہنا تھا کہ مئی، جون اور جولائی کی ماہانہ فیول ایڈجسٹمنٹ میں صارفین کو زیادہ بڑے جھٹکوں کا سامنا نہیں کرنا پڑے گا کیونکہ ایندھن کی فراہمی اور بجلی کی پیداوار کے حوالے سے ضروری منصوبہ بندی کر لی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ