سید جاوید شاہ جیلانی پر جھوٹے مقدمات ختم کیے جائیں، جماعت اسلامی
اشاعت کی تاریخ: 21st, September 2025 GMT
data-id="863a0a8" data-element_type="widget" data-widget_type="theme-post-content.default">
خیرپورمیرس (نمائندہ جسارت) صوبائی ڈپٹی سیکرٹری جنرل جماعت اسلامی پاکستان ممتاز حسین سہتو نے چونڈکو پریس کلب میں پریس کانفرنس کرتے ہوئے کہنا تھا کہ جماعت اسلامی کے سید جاوید شاہ جیلانی کے خلاف درج جھوٹے مقدمات ختم کئے جائیں، ایس ایچ او سوراہ چونڈکو وڈیروں کی خدمت و خوشامد میں غریب عوام ظلم کرنا بند کرے، جاوید شاہ اور اس کے رشتہ داروں پر جھوٹا مقدمہ درج کیا ضمانت کے بعد بھی ان کو حوالات میں بند کیا اور تین افراد کو مبینہ ڈیڑھ لاکھ روپے رشوت لے کر آزاد کیا لیکن سید جاوید شاہ کو ضمانت کے باوجود پانچ گھنٹے لاک اپ میں رکھا ان کے خلاف دوسرا جھوٹا مقدمہ درج کیا، منظور شدہ ضمانت ردی کی ٹوکری میں ڈال دیے۔ ہم اس غیر اخلاقی، غیر قانونی حرکت کی مذمت کرتے ہیں۔ تھانے دار کا ایسا عمل توہیں قانون اور توہینِ عدالت کے زمرے میں آتا ہے ایسے عمل سے خود پولیس کا وقار مجروح ہوا ہے ہم آئی جی سندھ پولیس سے مطالبہ کرتے ہیں کہ ایس ایچ او سوراہ کو فوری بری طرف کیا جائے، مبینہ رشوت کے طور پر لی گئی رقم ڈیڑھ لاکھ روپے واپس کیے جائیں، تھانے دار کے خلاف توہینِ عدالت کا مقدمہ درج کیا جائے، جاوید شاہ اور ان کے رشتے داروں کے خلاف درج جھوٹے مقدمات ختم کیے جائیں، شریف شہریوں کو حراساں کرنے پر ہتک عزت کی ایف آئی آر درج کی جائے۔
.
ذریعہ
ذریعہ: Jasarat News
کلیدی لفظ: جاوید شاہ کے خلاف درج کی
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار