کوٹری بیراج پر پانی کی آمد مزید بڑھ گئی، درمیانے درجے کا سیلاب
اشاعت کی تاریخ: 23rd, September 2025 GMT
فائل فوٹو
دریائے سندھ میں کوٹری بیراج پر پانی کی آمد مزید بڑھ گئی، اس وقت پانی کا بہاؤ 3 لاکھ 76 ہزار کیوسک ہو گیا۔
فلڈ فور کاسٹنگ ڈویژن لاہور کے مطابق کوٹری بیراج پر درمیانے درجے کا سیلاب ہے جبکہ سکھر بیراج پر بہاؤ کم ہوکر معمول پر آگیا ہے۔
فلڈ فور کاسٹنگ ڈویژن لاہور کے مطابق گڈو بیراج پر نچلے درجے کا سیلاب ہے مگر پانی کم ہوکر 2 لاکھ 53 ہزار کیوسک پر آگیا ہے۔
اسی طرح دریائے ستلج میں گنڈا سنگھ والا پر بدستور درمیانے درجے کا سیلاب برقرار ہے۔ ہیڈ اسلام اور ہیڈ سلیمانکی پر نچلے درجے کے سیلاب ہیں۔
دوسری جانب سيلاب کے باعث سجاول میں کچے کے 26 دیہات زیرآب آچکے ہیں۔
ڈپٹی کمشنر کے مطابق 500 گھروں کے مکین محفوظ مقامات پر منتقل ہوچکے ہیں اور 4 ہزار سے زائد متاثرین حفاظتی پشتوں پر بیٹھے ہوئے ہیں۔
انتظامیہ کا کہنا ہے کہ پانی کے بہاؤ میں مزید اضافہ ہوتے ہی امدادی کیمپوں کا عمل شروع کیا جائے گا۔
.ذریعہ: Jang News
کلیدی لفظ: درجے کا سیلاب
پڑھیں:
آئی سی سی کی نئی ٹی ٹوئنٹی رینکنگ جاری، پاکستانی کھلاڑیوں کی درجہ بندی میں بہتری
data-id="863a0a8" data-element_type="widget" data-widget_type="theme-post-content.default">
انٹرنیشنل کرکٹ کونسل (آئی سی سی) نے مینز وائٹ بال کرکٹ کی تازہ ترین رینکنگ جاری کردی، جس میں پاکستانی کھلاڑیوں نے نمایاں بہتری حاصل کی ہے۔
جنوبی افریقا کے خلاف ٹی ٹوئنٹی سیریز میں شاندار کارکردگی کے باعث بابر اعظم، صائم ایوب، سلمان آغا اور شاہین شاہ آفریدی کی پوزیشنز میں نمایاں ترقی دیکھی گئی، جبکہ اسپنر ابرار احمد بدستور ٹاپ ٹین بولرز میں شامل ہیں۔
نئی رینکنگ کے مطابق ابرار احمد بولنگ کی فہرست میں آٹھویں نمبر پر موجود ہیں اور وہ واحد پاکستانی بولر ہیں جو عالمی ٹاپ ٹین میں اپنی جگہ برقرار رکھے ہوئے ہیں۔ شاہین شاہ آفریدی تین درجے ترقی کے ساتھ تیرہویں پوزیشن پر پہنچ گئے، جبکہ محمد نواز ایک درجہ اوپر چڑھ کر بتیسویں نمبر پر آگئے۔ دوسری جانب سفیان مقیم چار درجے تنزلی کے بعد چوبیسویں نمبر پر چلے گئے۔
بلے بازوں کی فہرست میں صاحبزادہ فرحان گیارہویں نمبر پر برقرار ہیں، بابر اعظم نو درجے بہتری کے بعد تیسویں، صائم ایوب دس درجے ترقی کے ساتھ انتالیسویں، اور سلمان آغا دس درجے بہتری کے بعد چونیویں نمبر پر آگئے ہیں۔ محمد رضوان دو درجے تنزلی کے بعد بیالیسویں پوزیشن پر ہیں۔
آئی سی سی رینکنگ کے مطابق ٹی ٹوئنٹی بیٹرز میں بھارت کے ابھیشیک شرما بدستور پہلے نمبر پر موجود ہیں، جب کہ بولرز میں بھارتی اسپنر ورون چکروتی نے پہلی پوزیشن سنبھال رکھی ہے۔
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک