ایف بی آر نے ریٹرن فارم 2025 میں تبدیلی کی وضاحت جاری کردی
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد سے جاری اس خبر میں ایف بی آر کی جانب سے انکم ٹیکس گوشوارے جمع کرانے کے فارم میں تبدیلی کی وضاحت سامنے آئی ہے۔
چند روز قبل یہ خبر سامنے آئی تھی کہ آخری تاریخ سے پہلے ٹیکس فارم میں ایک نیا کالم شامل کیا گیا ہے جس میں اثاثوں کی مارکیٹ ویلیو ظاہر کرنا لازمی قرار دیا گیا ہے۔ اس تبدیلی پر سوشل میڈیا پر بھی کافی بحث ہوئی اور ٹیکس دہندگان نے تحفظات کا اظہار کیا۔
ایف بی آر نے وضاحت دیتے ہوئے کہا ہے کہ کوئی نیا ایس آر او جاری نہیں کیا گیا بلکہ یہ کالم 18 اگست کو ہی شامل کر دیا گیا تھا۔ ادارے کے مطابق اس کا مقصد صرف اثاثوں کی مارکیٹ ویلیو کے تعین سے مستند ڈیٹا اکٹھا کرنا اور بہتر پالیسی سازی ہے۔ اس کا ٹیکس کے حساب یا کسی کارروائی سے براہ راست کوئی تعلق نہیں ہوگا۔
ادارے کا مزید کہنا ہے کہ اثاثہ جات کی مارکیٹ ویلیو کے اندراج کو بنیاد بنا کر کسی ٹیکس دہندہ کے خلاف کوئی کارروائی نہیں ہوگی۔ تاہم ٹیکس دہندگان کی جانب سے یہ اعتراض سامنے آیا ہے کہ جو لوگ پہلے ہی گوشوارے جمع کروا چکے ہیں، انہیں اب دوبارہ فارم بھرنے کی زحمت کرنا پڑے گی کیونکہ اضافی کالم کو مکمل کیے بغیر فارم جمع نہیں ہو پائے گا۔
واضح رہے کہ انکم ٹیکس گوشوارے جمع کرانے کی آخری تاریخ 30 ستمبر مقرر ہے اور ایف بی آر نے ٹیکس دہندگان پر زور دیا ہے کہ وقت پر اپنے ریٹرن جمع کروائیں تاکہ کسی مشکل کا سامنا نہ ہو۔
ذریعہ
ذریعہ: Jasarat News
کلیدی لفظ: ایف بی آر
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ