پنجاب میں کام پر تنقید، اپنے صوبوں میں تو کرلیں،مریم نواز
اشاعت کی تاریخ: 28th, September 2025 GMT
دفتر میں بیٹھ کر اسکرین سامنے رکھ کر تصویر بنوانا آسان ہے اور کہنا وزیراعلیٰ کام کر رہا ہے، وزیراعلیٰ پنجاب
دوسرے صوبوں سے آوازیں آرہی ہیں، کاش ہماری حکومت بھی پنجاب جیسی ہو، تنقید کرنیوالوں کو جواب
پنجاب کی وزیراعلیٰ مریم نواز نے ان کی حکومت پر تنقید کرنے والوں کو جواب دیتے ہوئے کہا کہ آپ بھی کام کریں تاکہ لوگوں کو سہولیات ملیں، کہتے ہیں ہمارا وزیراعلیٰ کیمرے کے سامنے نہیں آتا اور چپ کرکے کام کرتا ہے لیکن جب کام ہوتا ہے تو سرچڑھ کر بولتا ہے۔ دوسرے صوبوں سے آوازیں آرہی ہیں، کاش ہماری حکومت بھی پنجاب جیسی ہو، لاہور میں تقریب سے خطاب کرتے ہوئے مریم نواز نے کہا کہ پنجاب میں سیلاب سروے مہم کا آغاز کرتے ہوئے صوبائی ڈیزاسٹر منیجمنٹ اتھارٹی (پی ڈی ایم اے) کے رضاکاروں سے حلف لیا جو سیلاب متاثرین کے نقصانات کا تخمینہ لگائیں گے۔مریم نواز نے کہا کہ دکھی انسانیت کی خدمت کرنے وال یاللہ کے بہترین دوست ہیں، سیلاب متاثرہ علاقوں میں رضاکاروں کی امدادی سرگرمیاں لائق تحسین ہیں، مشکل کی گھڑی میں دکھی انسانیت کی خدمت بڑی عبادت ہے۔انہوں نے کہا کہ وزیراعلیٰ پنجاب سیلاب متاثرین کو ہم تنہا نہیں چھوڑیں گے، سیلاب متاثرہ علاقوں میں نقصانات کاازالہ کریں گے، عوام کی خدمت ہی اصل سیاست ہے۔مریم نواز نے کہا کہ عوام کی خدمت کرنا بطور وزیراعلیٰ میری ذمہ داری ہے، دریائے ستلج، راوی اور چناب میں بدترین سیلاب آیا، اس قدر بدترین سیلاب پاکستان کی تاریخ میں کبھی نہیں آیا۔ان کا کہنا تھا کہ پنجاب بھر میں ریکارڈ بارشیں ہوئی ہیں، بارشوں اور سیلاب سے پنجاب کے 25 اضلاع متاثر ہوئے ہیں، مریم اورنگزیب نے18،18گھنٹے سیلاب متاثرہ علاقوں میں کام کیا، پنجاب کابینہ سمیت تمام ارکان سیلاب متاثرین کی بحالی کے لیے کام کر رہے ہیں۔انہوں نے کہا کہ سیلاب متاثرین کو محفوظ مقامات پرمنتقل کرنے کے لییکابینہ سمیت ارکان نیبہت کام کیا، پنجاب میں 25 لاکھ لوگوں کو سیلاب سے پہلے محفوظ مقام پر منتقل کیا گیا، سیلاب متاثرین کو مہمانوں کی طرح 3 وقت کا کھانا فراہم کیا گیا ہے۔مریم نواز نے کہا کہ پولیس، ریسکیو اور انتظامیہ نے ریلیف کے کاموں میں بڑھ چڑھ کر حصہ لیا، بچوں کے لیے دودھ، پھل اور دیگر سہولتیں فراہم کی گئیں، سیلاب متاثرہ علاقوں میں کلینک آن وہیلز کی سہولت فراہم کی گئی۔انہوں نے کہا کہ کلینک آن وہیلز کے ذریعے متاثرین کو بہترین طبی سہولتیں فراہم کی گئیں، متاثرہ علاقوں میں بیماریوں سے بچاؤ کے لیے احتیاطی تدابیر اختیار کی گئیں۔وزیراعلیٰ پنجاب نے کہا کہ تنقیدکرنے والے لوگ بھی کام کرلیں، کہتے ہیں ہمارا وزیراعلیٰ کیمرے کے سامنے نہیں آتا، کام کریگا تو سامنے آئیگا، چپ کرکے کام نہیں ہوتا ہے وہ آرام ہوتا ہے، جب کام ہوتا ہے تو سرچڑھ کر بولتا ہے، پنجاب کام کر رہا ہے، باقی لوگ صرف تنقید کر رہے ہیں۔ان کا کہنا تھا کہ دفتر میں بیٹھ کر اسکرین سامنے رکھ کر تصویر بنوانا آسان ہے اور کہنا وزیراعلیٰ کام کر رہا ہے، وزیراعلیٰ کیمرے کے سامنے نہیں آتا، کام کرے گا تو کیمرے کے سامنے آئے گا، جب میدان میں آؤ گے تو کیمرا بھی ہوگا، کیمرا بتاتا ہے وزیراعلیٰ کیا کر رہا ہے اور کابینہ کیا کام کر رہی ہے، اس سے عوام کو پتا چلتا ہے کہ ان کے وزیراعلیٰ اور وزیر ان کے ساتھ ہیں۔انہوں نے کہا کہ پنجاب پر تنقید سے بہترہے اپنے صوبے میں بھی کام کریں تاکہ لوگوں کو سہولیات ملیں۔مریم نواز نے کہا کہ تنقید اس لیے ہو رہی ہے کہ کام صرف پنجاب میں ہو رہا ہے، میرا ایک طریقہ ہے، تنقید پر کام بند کرکے اپنے کام پر نظر رکھو۔انہوں نے کہا کہ پیرپگارا کا شکریہ، انہوں نے پنجاب حکومت کیکام کی تعریف کی، پیرپگارا نے کہا کہ پنجاب حکومت قابل ہے، دو تین مہینے بعد لگے گا بھی نہیں کہ سیلاب آیا تھا۔مریم نواز نے کہا کہ دوسرے صوبوں سیآوازیں آرہی ہیں، کاش ہماری حکومت بھی پنجاب جیسی ہو، مسلم لیگ(ن)کی حکومت نے دن رات کام کیا۔انہوں نے کہا کہ سیلاب کے باوجود ترقیاتی کام نہیں روکے کیونکہ عوام کو دیگر کام بھی کرنے ہیں، میں گرین بسیں لے کر شہر شہر جا رہی ہوں، سیلاب متاثرین کا ایک ایک پائی کا نقصان پورا کریں گے۔
ذریعہ: Juraat
کلیدی لفظ: سیلاب متاثرہ علاقوں میں مریم نواز نے کہا کہ انہوں نے کہا کہ کیمرے کے سامنے سیلاب متاثرین متاثرین کو کر رہا ہے فراہم کی کہ پنجاب ہوتا ہے کی خدمت نہیں ا کام کر
پڑھیں:
ایکو ٹورزم منصوبے فطری مقامات کو جدید سیاحتی مراکز میں بدل رہے ہیں، مریم نواز
وزیراعلیٰ پنجاب مریم نواز نے کہا ہے کہ پنجاب میں وائلڈ لائف کا سب سے بڑا اسپتال قائم کیا جارہا ہے، 8.7 ارب روپے سے زائد مالیت کے ایکو ٹورزم منصوبے فطری مقامات کو جدید سیاحتی مراکز میں بدل رہے ہیں،
وزیراعلیٰ پنجاب مریم نواز نے برازیل میں منعقدہ تقریب سے خطاب کرتے ہوئے کہا کہ پنجاب نے حیوانات اور ماحولیاتی نظام کی بحالی کے لیے پاکستان کی تاریخ کی سب سے بڑی مہم شروع کی ہے، جو ہمدردی، اختراع اور انسانیت کی تجدید کا مظہر ہے۔
یہ بھی پڑھیں: مریم نواز کے ماحولیاتی آلودگی کے لیے اقدامات: ’عثمان بزدار کی حکومت میں ایسا کچھ دیکھنے کو ملا ہے؟‘
انہوں نے بتایا کہ پنجاب وائلڈ لائف اینڈ بایو ڈائیورسٹی ری وائیول پروگرام کے تحت مارچ 2024 سے اب تک 35 ہزار سے زائد نایاب پرندوں اور 700 جانوروں کو بچایا جا چکا ہے، جب کہ لاہور سفاری پارک میں 23 ریچھوں کے لیے خصوصی محفوظ مقام قائم کیا گیا ہے۔
Once, the cry of the wild in Punjab was fading. The rivers had grown silent, forests were shrinking, and the flight of our birds had become a rare sight. But today, the wilderness breathes again. Under the Punjab Wildlife and Biodiversity Revival Programme, we have launched the… pic.twitter.com/BZaIZ59vHv
— PMLN (@pmln_org) November 11, 2025
مریم نواز نے کہا کہ پہلی بار مصنوعی ذہانت سے چلنے والے ڈرون سروے صوبے بھر میں جنگلی حیات کے مسکنوں کا نقشہ بنا رہے ہیں، جب کہ بلیک بَک پرندوں کی عالمی سطح پر پہلی ڈرون مردم شماری نے تحفظِ ماحول کے میدان میں نیا عالمی معیار قائم کیا ہے۔
انہوں نے بتایا کہ پنجاب میں وائلڈ لائف ریسکیو رینجرز فورس قائم کی گئی ہے جو جدید ریسکیو گاڑیوں، الیکٹرک بائیکس اور جی پی ایس کالرز سے لیس ہے، جب کہ تین جدید ریسکیو سینٹرز اور ایک 24 گھنٹے فعال وائلڈ لائف ہیلپ لائن بھی قائم کی جا چکی ہے۔
یہ بھی پڑھیں: گرین اسکواڈ ماحولیاتی قوانین کی خلاف ورزی پر نظر رکھے گا، مریم نواز
وزیراعلیٰ نے مزید کہا کہ جنوبی ایشیا کا سب سے بڑا اور جدید ترین وائلڈ لائف اسپتال پنجاب میں زیرِ تعمیر ہے تاکہ زخمی یا خطرے میں پڑی انواع کے علاج و نگہداشت کے معیار کو عالمی سطح تک پہنچایا جا سکے۔
Let it also be known as the moment when the Global South found its voice not in protest, but in purpose. The time has come to redefine the balance between the Global North and the Global South, not built on aid, but on accountability, not on pity, but on partnership.… pic.twitter.com/1NLlDn24mi
— PMLN (@pmln_org) November 11, 2025
انہوں نے بتایا کہ 8.7 ارب روپے سے زائد مالیت کے ایکو ٹورزم منصوبے فطری مقامات کو جدید سیاحتی مراکز میں بدل رہے ہیں، جب کہ نئے بایو ڈائیورسٹی پارکس اور زولوجیکل پارکس فطرت سے ذمہ دارانہ تعلق کو فروغ دے رہے ہیں۔
پنجاب وائلڈ لائف ایکٹ اور پروٹیکٹڈ ایریاز ایکٹ میں خصوصی عدالتیں، وِسل بلوور تحفظ، اور 7 سال تک قید و 50 لاکھ روپے تک جرمانے کی سزائیں شامل کی گئی ہیں۔ نئی وائلڈ لائف فورس میں 600 افسران خدمات انجام دے رہے ہیں، جن میں 25 فیصد خواتین شامل ہیں۔
یہ بھی پڑھیں: کاپ 30: وزیراعلیٰ پنجاب مریم نواز کا جاسنڈا آرڈن کے ہمراہ پاکستان پویلین کا افتتاح
مریم نواز نے کہا کہ پنجاب میں جنگلات اور جھیلیں دوبارہ زندگی پا رہی ہیں، کیونکہ ہر بچائے گئے ہرن، ہر پرندے اور ہر بچے کی آنکھوں میں فطرت کی تجدید کا عکس جھلکتا ہے۔
انہوں نے زور دیا کہ حقیقی لچکدار معاشرے کی بنیاد شفاف طرزِ حکمرانی اور انصاف پر ہوتی ہے۔ پنجاب کلائمیٹ کونسل تمام محکموں کو ایک مربوط فریم ورک کے تحت اکٹھا کر رہی ہے، جب کہ اسپیشل انویسٹمنٹ فسیلیٹیشن کونسل کے ذریعے عالمی شراکت داروں کے ساتھ مل کر گرین اکانومی، ویسٹ ٹو انرجی، ای موبیلٹی اور بلیو اکانومی منصوبوں پر کام جاری ہے۔
وزیراعلیٰ نے کہا کہ زمین کو بچانے کی ضرورت نہیں، بلکہ ہمیں اپنی بقا کے لیے فطرت کے ساتھ شراکت داری کی ضرورت ہے۔ انہوں نے کہا کہ دنیا کے شمالی اور جنوبی حصے امداد کے نہیں بلکہ شراکت کے تعلق سے جڑے رہیں، تاکہ موسمی انصاف کے لیے حقیقی قیادت سامنے آئے۔
یہ بھی پڑھیں: وزیراعلیٰ مریم نواز شریف کوپ 30 اجلاس میں شرکت کے لیے برازیل روانہ
مریم نواز نے اپنے خطاب کے اختتام پر کہا کہ اب وقت آ گیا ہے کہ عالمی جنوب مظلوم نہیں بلکہ موسمی انصاف کے قائد کی حیثیت سے ابھرے۔ کلائمیٹ ایکشن خیرات نہیں بلکہ انصاف ہے، اور یہی انسانیت کی بقا کی واحد راہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news ایکو ٹورزم بایو ڈائیورسٹی پارکس برازیل پرندے جاپان جنگلی حیات زولوجیکل پارکس مریم نواز وزیراعلٰی پنجاب
تین ماہ کے لیے بجلی کی قیمت میں 45پیسے اضافے کا امکان