بھارت نے کھیل کی ساکھ متاثر اور گودی میڈیا نے لوگوں کو بیوقوف بنایا: محسن نقوی
اشاعت کی تاریخ: 2nd, October 2025 GMT
چیئرمین ایشین کرکٹ کونسل (اے سی سی ) محسن نقوی نے بھارتی میڈیا کے پروپیگنڈے پر کرارا جواب دے دیا۔سماجی رابطے کی ویب سائٹ ایکس پر اپنے جاری کردہ پیغام میں محسن نقوی نے لکھا کہ بھارتی میڈیا حقائق پر نہیں بلکہ جھوٹ پر پروان چڑھتا ہے، بھارتی کرکٹ بورڈ سے معافی مانگنے سے متعلق زیر گردش خبریں بے بنیاد اور جعلی ہیں۔انہوں نے لکھا کہ میں نے بی سی سی آئی سے کبھی معافی نہیں مانگی اور نہ ہی کبھی ایسا کروں گا، میں نے کچھ غلط نہیں کیا۔چیئرمین اے سی سی نے کہا کہ بھارتی میڈیا کا کام صرف اپنے لوگوں کو بیوقوف بنانا ہے، بھارتی میڈیا غلط اور جھوٹی خبریں چلا رہا ہے، بدقسمتی سے بھارت کرکٹ میں سیاست لے کر آیا، بھارتی بورڈ کے رویے سے کھیل کی روح کو نقصان پہنچ رہا ہے۔محسن نقوی نے مزید لکھا کہ ایشین کرکٹ کونسل کے چیئرمین کی حیثیت سے بھارت کو ٹرافی دینے کو تیار تھا، اگر وہ چاہتے ہیں تو اے سی سی کے دفتر آئیں اور ٹرافی وصول کریں، بھارتی ٹیم کو خوش آمدید کہنے کے لئے تیار ہوں۔
.ذریعہ: Nawaiwaqt
کلیدی لفظ: بھارتی میڈیا محسن نقوی
پڑھیں:
سیاسی وجوہات کی بنا پر بنگلادیش ویمن کرکٹ ٹیم کا دورہ بھارت ملتوی
data-id="863a0a8" data-element_type="widget" data-widget_type="theme-post-content.default">
بنگلادیش ویمن کرکٹ ٹیم کا بھارت کا دورہ ملتوی کر دیا گیا ہے۔
بنگلادیش کرکٹ بورڈ (بی سی بی) نے تصدیق کی ہے کہ ان کی ویمن کرکٹ ٹیم کا بھارت کا متوقع دورہ مؤخر کر دیا گیا ہے۔
بورڈ کے ترجمان کے مطابق بھارتی کرکٹ بورڈ (بی سی سی آئی) نے خط کے ذریعے بی سی بی کو آگاہ کیا ہے کہ دورے کو بعد میں ری شیڈول کیا جائے گا۔
بی سی بی کے ترجمان نے بتایا کہ دورے کے مؤخر ہونے کی کوئی ٹھوس اور واضح وجہ سامنے نہیں آئی، تاہم بھارتی میڈیا رپورٹس کے مطابق دونوں ممالک کے درمیان سیاسی کشیدگی اس اقدام کے پیچھے بنیادی وجہ ہے۔
واضح رہے کہ بنگلادیش ویمن ٹیم کو دسمبر میں بھارت میں تین ون ڈے اور تین ٹی ٹوئنٹی میچز کھیلنے تھے۔ یہ سیریز عالمی کرکٹ کونسل (آئی سی سی) کے فیوچر ٹور پروگرام (FTP) کا حصہ تھی اور دونوں ٹیموں کے درمیان باقاعدہ مقابلے کا موقع فراہم کرنا تھی۔
بھارت اور بنگلادیش کے درمیان کرکٹ شیڈول پر سیاسی حالات کا اثر پچھلے ماہ بھی دیکھا گیا، جب بھارتی بورڈ نے اگست میں اپنی مینز ٹیم کا دورۂ بنگلادیش ملتوی کر دیا تھا۔ اب بھارتی مینز ٹیم اگلے سال ستمبر میں بنگلادیش کا دورہ کرے گی، جس سے دونوں ممالک کے درمیان کرکٹ کیلنڈر پر اثرات مرتب ہو رہے ہیں۔
ویب ڈیسک
دانیال عدنان
بھارت کو ایک اور ناکامی، آئی سی سی کا ورلڈ ٹیسٹ چیمپئن شپ سے متعلق اہم فیصلہ