محبوبہ مفتی کا بھارتی فوج سے سرینگر کا چھتہ بل گرائونڈ خالی کرنے کا مطالبہ
اشاعت کی تاریخ: 2nd, October 2025 GMT
ذرائع کے مطابق محبوبہ مفتی نے چھتہ بل کے علاقے تبل گرائونڈ کا دورہ کیا جہاں انہوں نے مقامی نوجوانوں سے بات چیت کی۔ اسلام ٹائمز۔ غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی صدر محبوبہ مفتی نے بھارتی فوج سے مطالبہ کیا ہے کہ وہ سرینگر کا چھتہ بل گرائونڈ خالی کر کے اسے مقامی نوجوانوں کے حوالے کرے۔ ذرائع کے مطابق محبوبہ مفتی نے چھتہ بل کے علاقے تبل گرائونڈ کا دورہ کیا جہاں انہوں نے مقامی نوجوانوں سے بات چیت کی۔ ان کے مطالبے پر ردعمل ظاہر کرتے ہوئے محبوبہ مفتی نے بھارتی فوج پر زور دیا کہ وہ مقامی لوگوں کے گرائونڈ خالی کر دے۔ انہوں نے بھارتی فوج کے کور کمانڈر سے فوری ایکشن لینے کا مطالبہ کرتے ہوئے کہا کہ نوجوان نسل کے لیے میدانوں کی کمی سے نہ صرف ان کی نشوونما متاثر ہوتی ہے بلکہ انہیں منشیات کے استعمال اور ڈپریشن کی طرف لے جاتی ہیں۔ سالہا سال سے بھارتی فوج کے زیراستعمال گرائونڈ کو خالی کرنا مقامی آبادی کا ایک دیرینہ مطالبہ ہے جن کا کہنا ہے کہ اسے کھیل کے میدان اور کمیونٹی مرکز کے طور پر استعمال کیا جا سکتا ہے۔ محبوبہ مفتی کے ساتھ موجود مقامی لوگوں نے اس بات کا اعادہ کیا کہ نوجوانوں کو مثبت سرگرمیوں میں مشغول رکھنے کے لیے کھیل کے میدان ضروری ہیں۔ انہوں نے کہا کہ حکام کو نوجوانوں کے لئے محفوظ اور کھلی جگہوں کو یقینی بنا کر ان کی فلاح و بہبود کو ترجیح دینی چاہیے جہاں وہ اپنی توانائی کو مثبت سرگرمیوں میں استعمال کر سکیں۔ مبصرین کا کہنا ہے کہ مقبوضہ جموں و کشمیر میں بھارتی فورسز کی جانب سے عوامی مقامات پر قبضہ علاقے میں بھاری فوجی جمائو کا نتیجہ ہے اور کشمیری بھارت کے غیر قانونی قبضے کو مسترد کرتے ہیں۔
.ذریعہ: Islam Times
کلیدی لفظ: محبوبہ مفتی نے بھارتی فوج انہوں نے خالی کر
پڑھیں:
حکومت ہنر مند پاکستانیوںکیلئے عالمی منڈیاں تلاش کرنے کیلئے پرعزم: خالد مقبول
اسلام آباد (خبر نگار) وفاقی وزیر تعلیم و تربیت خالد مقبول صدیقی نے کہا ہے حکومت ہنرمند پاکستانیوں کے لیے عالمی منڈیاں تلاش کرنے میں پرعزم ہے۔ پیشہ ورانہ نوجوان اصل سرمایہ ہیں، ان خیالات کا اظہار انہوں نینیشنل ووکیشنل اینڈ ٹینکل ٹرینیگ کمشن قومی کمشن برائے فنی تعلیم و پیشہ ورانہ تربیت کے زیر اہتمام پاکستانی ہنرمند نوجوانوں کو عالمی مارکیٹ تک رسائی دینے کے حوالے سے یورپی یونین، برٹش کونسل، جرمن کوآپریشن و دیگر بین الاقوامی پارٹنرز کے تعاون سے دو روزہ عالمی ڈائیلاگ میں کیا ہے۔ انہوں نے کہاکہ اقوام متحدہ کے اعدادو شمار کے مطابق پاکستان کی 64 فیصد آبادی نوجوانوں پہ مشتمل ہے ہم اپنے نوجوانوں کو ہنرمند بنا کر ملک کو معاشی طاقت میں بدل سکتے ہیں۔ وفاقی وزیر برائے اوورسیز پاکستانی چوہدری سالک حسین نے کہا پچھلے سال 7 لاکھ 35 ہزار لوگ پاکستان سے بیرون ممالک نوکریوں کے لیے گئے ہم پاکستانیوں کے لیے بیرون ممالک میں ترقی کے مزید مواقع تلاش کر رہے ہیں، امید ہے وائٹ کالر اور مینیجمینٹ کی نوکریوں پر بھی لوگوں کو بھجوایا جائے گا۔ لوگوں کو صرف بیلاروس بھیجنا مقصد نہیں ہے وہاں پر ایک محفوظ اور کار آمد ماحول فراہم کرنا اصل ٹاسک ہے۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت