زیادہ استعمال پر زیادہ فیس، اسنیپ چیٹ کی صارفین کے لیے نئی پالیسی
اشاعت کی تاریخ: 2nd, October 2025 GMT
اسنیپ چیٹ نے اعلان کیا ہے کہ اب وہ ان صارفین سے فیس وصول کرے گی جو اپنی تصاویر اور ویڈیوز کو ’میموریز‘ فیچر میں 5 جی بی سے زیادہ ذخیرہ کریں گے، اسنیپ چیٹ یہ پالیسی دنیا بھر میں نافذ کی جارہی ہے جس کے تحت صارفین کو اضافی اسٹوریج کے لیے سبسکرپشن فیس دینی ہوگی۔
یہ بھی پڑھیں:انسٹاگرام کا نیا فیچر ’انسٹاگرام میپ‘، اسنیپ چیٹ کو ٹکر دینے کی کوشش
کمپنی کے مطابق 100 جی بی اسٹوریج کے لیے بیس پیکج 1.
اسنیپ چیٹ کا کہنا ہے 2016 میں میموریز فیچر متعارف ہونے کے بعد اب تک ایک ٹریلین سے زائد یادیں (Memories) محفوظ کی جاچکی ہیں۔ یہ فیچر صارفین کو 24 گھنٹے بعد غائب ہونے والے پوسٹس کو مستقل محفوظ رکھنے اور بعد میں دوبارہ شیئر کرنے کی سہولت دیتا ہے، کمپنی کا کہنا ہے کہ پے ماڈل پر منتقلی سے اس فیچر میں مزید سرمایہ کاری ممکن ہوگی۔
یہ بھی پڑھیں: اسنیپ چیٹ کا اہم فیچر، صارف بحفاظت گھر پہنچنے کی اطلاع دوستوں کو دے سکے گا
کمپنی نے تسلیم کیا کہ مفت سے فیس والے ماڈل میں تبدیلی آسان نہیں، مگر اس نے کہا کہ ہیوی یوزرز کے لیے یہ اخراجات ’قابلِ قدر‘ ثابت ہوں گے۔ اسنیپ کا کہنا ہے کہ زیادہ تر صارفین متاثر نہیں ہوں گے کیونکہ ان کی میموریز کا ڈیٹا 5 جی بی سے کم ہے۔
اسنیپ چیٹ کے اس فیصلے پر آن لائن تنقید بھی سامنے آئی ہے۔ کئی صارفین نے کہا کہ ان کے پاس سالوں کا ڈیٹا محفوظ ہے اور نئی پالیسی سے انہیں بھاری اخراجات برداشت کرنا پڑیں گے۔ ناقدین نے اسنیپ پر ’لالچ‘ کا الزام بھی عائد کیا ہے۔
یہ بھی پڑھیں: خودکشی اور نقصان دہ مواد کی روک تھام: میٹا کا ٹک ٹاک اور اسنیپ چیٹ سے تعاون کا اعلان
یہ قدم اسنیپ چیٹ کی جانب سے مزید پے سروسز متعارف کرانے کی حکمتِ عملی کا حصہ ہے۔ حال ہی میں کمپنی نے لینز پلس سبسکرپشن 9 ڈالر ماہانہ پر متعارف کرائی تھی۔ ماہرین کے مطابق سوشل میڈیا پلیٹ فارمز میں اسٹوریج کے لیے فیس لینے کا رجحان ناگزیر ہے کیونکہ آج کل صارفین پوسٹ کم مگر ڈیٹا زیادہ محفوظ کرتے ہیں۔
اسنیپ چیٹ نے اپریل میں بتایا تھا کہ اس کے ماہانہ ایکٹو صارفین کی تعداد 900 ملین سے زیادہ ہو چکی ہے جبکہ انسٹاگرام اور ٹک ٹاک اربوں صارفین کے ساتھ اس میدان میں آگے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسنیپ چیٹ ڈیٹا زیادہ فیس سبسکرپشن فیس میموریذریعہ: WE News
کلیدی لفظ: اسنیپ چیٹ ڈیٹا زیادہ فیس سبسکرپشن فیس
پڑھیں:
سعودی عرب میں آئی ٹی اور سائبر سیکیورٹی پر پاک سعودی تعاون پر اتفاق
وفاقی وزیر مملکت برائے انفارمیشن ٹیکنالوجی و ٹیلی کمیونیکیشن شزا فاطمہ خواجہ نے ریاض میں ڈیٹا، مصنوعی ذہانت اور سائبر سیکیورٹی کے شعبے میں تعاون کے حوالے سے دو اہم ملاقاتیں اور شرکتیں کیں۔
SDAIA کے صدر سے ملاقاتانہوں نے سعودی ڈیٹا اینڈ آرٹیفیشل انٹیلیجنس اتھارٹی (SDAIA) کے صدر سے اتھارٹی کے ہیڈکوارٹرز میں ملاقات کی، جس میں دنیا بھر میں ڈیٹا اور اے آئی کے شعبے میں ہونے والی جدید پیش رفت کا جائزہ لیا گیا۔
یہ بھی پڑھیں:ڈیجیٹل انفراسٹرکچر زرعی شعبے کی ترقی اور برآمدات میں اضافہ کرے گا، شزا فاطمہ
اس دوران پاکستان کی نیشنل اے آئی پالیسی 2025 کے تحت تعاون کے امکانات پر بھی گفتگو ہوئی۔ دونوں فریقین نے طلبہ کی تربیت اور پاکستان میں مصنوعی ذہانت کی تعلیم کو فروغ دینے کے لیے اقدامات پر اتفاق کیا تاکہ مستقبل میں دونوں ممالک کے تعلیمی اور تکنیکی تعلقات مزید مستحکم ہوسکیں۔
گلوبل سائبر سیکیورٹی فورم 2025 میں خطابشزا فاطمہ خواجہ نے ریاض میں منعقدہ گلوبل سائبر سیکیورٹی فورم 2025 میں بھی شرکت کی، جس میں دنیا بھر سے حکومتی نمائندے، ماہرین اور ٹیکنالوجی لیڈرز شریک ہوئے۔
https://x.com/MoitOfficial/status/1973658582873940129
اپنے خطاب میں انہوں نے کہا کہ شہریوں کے اعتماد کو عملی اقدامات سے مضبوط بنانا وقت کی اہم ضرورت ہے، شہری خدمات کے تحفظ کے لیے مؤثر سائبر سیکیورٹی انتظامات ناگزیر ہیں اور عالمی سطح پر مربوط ترقی کو سائبر اسپیس میں فروغ دینا بھی وقت کا تقاضا ہے۔
انہوں نے زور دیا کہ سائبر سیکیورٹی کو ’ڈیماکریٹائز‘ کیا جانا چاہیے، یعنی حکومتی انوویشن میں پرائیویسی، شفافیت، آگاہی اور عوامی فیڈبیک کو شامل کیا جانا لازمی ہے، بصورت دیگر ڈیجیٹل ترقی کے ثمرات عوام تک مؤثر انداز میں نہیں پہنچ سکیں گے۔
انہوں نے یہ بھی کہا کہ سائبر سیکیورٹی کسی ایک ملک یا ادارے کا مسئلہ نہیں بلکہ یہ عالمی سطح کی مشترکہ ذمہ داری ہے جس کے لیے بین الاقوامی تعاون، پالیسی سازی اور آگاہی ناگزیر ہے۔ ان کا کہنا تھا کہ پاکستان جدید ڈیجیٹل سیکیورٹی نظام اپنانے اور عالمی اداروں کے ساتھ تعاون بڑھانے کے لیے سرگرم عمل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انفارمیشن ٹیکنالوجی و ٹیلی کمیونیکیشن ریاض سعودی ڈیٹا اینڈ آرٹیفیشل انٹیلیجنس اتھارٹی سعودی عرب شزا فاطمہ وفاقی وزیر
اٹلی کی ضد اور فلسطین