شاہ رخ خان اور آریان خان میں حیران کن مماثلت ہے،کرن جوہر
اشاعت کی تاریخ: 5th, October 2025 GMT
ممبئی (شوبز ڈیسک) بالی ووڈ کے معروف فلم ساز کرن جوہر نے حال ہی میں اپنے قریبی دوست اور سپر اسٹار شاہ رخ خان اور ان کے بیٹے آریان خان کے درمیان پائی جانے والی مماثلتوں پر بات کی ہے۔
کرن جوہر، جو آریان خان کی ہدایت کاری میں بننے والی پہلی فلم *Ba***ds of Bollywood* میں بھی نظر آئے، کئی بار شاہ رخ خان کو اپنا “بھائی” اور آریان کو “پہلا بیٹا” قرار دے چکے ہیں۔
مشہور یوٹیوب شو *گیم چینجرز* پر کومل نہٹا سے گفتگو کرتے ہوئے جب ان سے پوچھا گیا کہ شاہ رخ اور آریان میں ایک جیسی اور ایک مختلف خوبی کیا ہے، تو کرن جوہر نے کہا:
“دونوں ہی ہر شاٹ اور ہر سین کو لے کر بے حد جذباتی اور جنونی ہیں۔ آریان اس وقت بے چین ہو جاتے ہیں جب انہیں اپنی پسند کے مطابق چیز نہ ملے۔ لیکن ان میں فرق یہ ہے کہ آریان کیمرے کے پیچھے ہیں جبکہ شاہ رخ کیمرے کے سامنے۔”
انہوں نے اپنے انٹرویو میں شاہ رخ خان کے ساتھ دوستی پر بھی روشنی ڈالی اور بتایا کہ انہوں نے کبھی بھی کرن سے فلموں کے معاوضے پر بات نہیں کی۔
“میں شاہ رخ خان کے بارے میں بہت گہرا محسوس کرتا ہوں۔ وہ میرے دوست، استاد، بھائی اور سب کچھ ہیں۔ وہ واحد شخص ہیں جنہوں نے مجھ سے کبھی پیسوں کی بات نہیں کی۔ ہمیشہ یہی کہا کہ جو بھی تمہیں چاہیے، کاغذ بھیج دو، میں سائن کر دوں گا۔ آج تک انہوں نے میرے ساتھ کسی فلم کے معاوضے یا اسکرپٹ پر بات نہیں کی،” کرن جوہر نے انکشاف کیا۔
یاد رہے کہ کرن جوہر اور شاہ رخ خان کی دوستی کا آغاز 1995ء میں سپرہٹ فلم *دل والے دلہنیا لے جائیں گے* کے دوران ہوا تھا۔
واضح رہے کہ کرن جوہر آخری بار آریان خان کی فلم *Ba***ds of Bollywood* میں نظر آئے، جس میں لکشے، ساہر بمبا، بوبی دیول، رگھو جویال، منوج پاہوا، انیا سنگھ اور مونا سنگھ بھی اہم کرداروں میں شامل تھے۔
.ذریعہ: Daily Mumtaz
کلیدی لفظ: شاہ رخ خان آریان خان کرن جوہر
پڑھیں:
سعودی شہروں میں’مدینہ‘ مہمان نوازی میں سرفہرست، قیام کی شرح میں حیران کُن اضافہ
سعودی وزارتِ سیاحت کی تازہ رپورٹ کے مطابق مدینہ منورہ نے رواں سال کی پہلی ششماہی (2025ء) میں سیاحتی مہمان نوازی کے اداروں میں قیام کی شرح 74.7 فیصد کے ساتھ تمام سعودی شہروں کو پیچھے چھوڑ دیا۔
یہ بھی پڑھیں:ایکسٹریم ای: سعودی عرب میں الیکٹرک آف روڈ ریسنگ سیریز کا آغاز
رپورٹ میں بتایا گیا ہے کہ مدینہ میں لائسنس یافتہ سیاحتی و رہائشی اداروں کی کل تعداد 538 تک پہنچ گئی، جن میں 69 نئے لائسنس شامل ہیں۔
اسی عرصے میں ہوٹل کمروں کی مجموعی تعداد 64,569 رہی، جن میں 6,628 نئے کمرے حال ہی میں شامل کیے گئے ہیں۔
ماہرین کے مطابق مدینہ منورہ میں اس تیز رفتار ترقی سے شہر کی حیثیت بطور بڑی مذہبی و روحانی سیاحتی منزل مزید مستحکم ہوئی ہے۔
یہ بھی پڑھیں:مدینہ ایئرپورٹ کی مرکزی شاہراہ کا نام ولی عہد محمد بن سلمان سے منسوب کرنے کا فیصلہ
رپورٹ میں کہا گیا ہے کہ بڑے ترقیاتی منصوبے اور اعلیٰ معیار کی رہائش و خدمات کی فراہمی نے مدینہ کی سیاحتی صلاحیت میں نمایاں اضافہ کیا ہے، جو سعودی وژن 2030 کے اہداف سے ہم آہنگ ہے۔
وزارتِ سیاحت کے مطابق مدینہ میں قیام کی بڑھتی ہوئی طلب نہ صرف مذہبی زائرین کی آمد کو ظاہر کرتی ہے بلکہ مقامی و بین الاقوامی سرمایہ کاری کے لیے بھی نئے مواقع پیدا کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب سعودی وزارتِ سیاحت سعودیہ مدینہ مدینہ منورہ مہمان نوازی
اشرافیہ دو فیصد، مگر وہ پاکستان کی 70 فیصد دولت کھا جاتی ہے، اعتزاز احسن