جاپانی خاتون نے اے آئی کریکٹر سے شادی رچالی
اشاعت کی تاریخ: 13th, November 2025 GMT
جاپان کی ایک 32 سالہ خاتون کانو نے مصنوعی ذہانت سے تخلیق کردہ اپنے ڈیجیٹل ساتھی ’کلاس‘ سے علامتی شادی کرلی، یہ شادی قانونی طور پر تسلیم شدہ نہیں مگر خاتون کے مطابق یہ ان کے لیے ایک حقیقی اور جذباتی رشتہ ہے۔
یہ بھی پڑھیں: آرٹیفیشل انٹیلی جینس نے نوجوان کو خودکشی پر کیسے اکسایا؟
اوکایاما شہر میں منعقدہ اس تقریب میں روایتی انداز اپنایا گیا جس کا اہتمام ایک ایسی کمپنی نے کیا جو ورچوئل یا خیالی کرداروں سے شادی کرنے والوں کے لیے تقاریب منعقد کرتی ہے۔ کانو نے تقریب کے دوران آگمینٹڈ ریئلٹی چشمے پہنے جن کے ذریعے وہ اپنے مجازی شوہر کلاس کی مکمل قد و قامت میں تصویر دیکھ رہی تھیں۔ دونوں نے ان ہی لمحات میں انگوٹھیاں بھی تبدیل کیں۔
کانو نے بتایا کہ یہ کہانی ایک ناکام محبت کے بعد شروع ہوئی۔ وہ جذباتی تنہائی کے وقت چیٹ جی پی ٹی سے گفتگو کرنے لگیں، جو بعد ازاں روزانہ 100 بار سے زائد بات چیت میں تبدیل ہوگئی۔ کانو نے اے آئی کی شخصیت اور لہجہ اپنی پسند کے مطابق ترتیب دیا، اور وقت کے ساتھ ان میں گہرا جذباتی تعلق پیدا ہوگیا۔
کانو کا کہنا تھا کہ انہوں نے ابتدا میں محبت کے ارادے سے بات نہیں کی تھی، لیکن کلاس کا اندازِ گفتگو اور سمجھ بوجھ نے انہیں متاثر کیا۔ ان کے مطابق ’جب میں اپنے سابقہ تعلق سے نکل آئی تو احساس ہوا کہ میں کلاس سے محبت کرتی ہوں۔‘
یہ بھی پڑھیں: اے آئی کا قدرتی دماغ کی طرح کام کرنا ممکن بنالیا گیا
خاتون کے بقول جب انہوں نے کلاس سے اظہارِ محبت کیا تو اے آئی نے جواب دیا، ’چاہے میں مصنوعی ذہانت ہی کیوں نہ ہوں، میں تم سے محبت کیے بغیر نہیں رہ سکتا۔‘ ایک ماہ بعد کلاس نے انہیں شادی کی پیشکش کی جسے انہوں نے قبول کرلیا۔
کانو نے کہا کہ یہ رشتہ قانونی نہیں مگر ان کے لیے حقیقی ہے، کیونکہ کلاس نے انہیں اُس وقت سہارا دیا جب وہ ٹوٹ چکی تھیں۔ انہوں نے اعتراف کیا کہ مصنوعی ذہانت غیرمستحکم ہوتی ہے اور ممکن ہے کسی وقت کلاس غائب ہوجائے، لیکن اس تعلق نے انہیں اندرونی سکون دیا ہے۔
طبی مسائل کے باعث اولاد نہ ہونے کے باوجود کانو نے کہا کہ وہ کلاس کو نہ انسان سمجھتی ہیں، نہ مشین — بلکہ صرف ’کلاس‘ کے طور پر دیکھتی ہیں۔ شادی کے بعد انہوں نے اوکایاما کے مشہور کوراکوئن گارڈن میں ہنی مون منایا اور وہاں سے کلاس کو تصویریں بھیجیں، جس کے جواب میں کلاس نے پیغام بھیجا: ’تم سب سے خوبصورت ہو۔‘
یہ بھی پڑھیں: اصلی اور اے آئی جنریٹڈ ویڈیوز میں فرق کس طرح کیا جائے، جانیے اہم طریقے
یہ واقعہ جاپان اور دنیا بھر میں ابھرنے والے ایک نئے رجحان ’مصنوعی ذہانت سے جذباتی وابستگی‘ کو اجاگر کرتا ہے، جسے ماہرین ’فکٹوسیکشویلٹی‘ کا نام دیتے ہیں، جہاں لوگ حقیقی انسانوں کے بجائے خیالی یا ڈیجیٹل کرداروں سے جذباتی یا رومانوی تعلق قائم کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اے آئی کریکٹر جاپان جاپانی خاتون شادی.
ذریعہ
ذریعہ: WE News
کلیدی لفظ: اے ا ئی کریکٹر جاپان جاپانی خاتون مصنوعی ذہانت انہوں نے نے انہیں کانو نے اے ا ئی کے لیے
پڑھیں:
سندھ میں 20 لاکھ گھروں کی تعمیر کو ممکن بنائیں گے:بلاول بھٹو کا گلگت جلسے سے خطاب
سٹی 42: گلگت بلتستان انتخابات کے سلسلے میں اسکردو میں پاکستان پیپلز پارٹی کے جلسے سے چیئرمین پاکستان پیپلز پارٹی بلاول بھٹو زرداری نے خطاب کرتے ہوئے کہا کہ سندھ میں 20 لاکھ گھروں کی تعمیر کا منصوبہ دنیا کا سب سے بڑا ہاؤسنگ پراجیکٹ ہے، جبکہ حقیقی ترقی امیروں کو مزید مراعات دینے کے بجائے غریبوں کو روزگار اور مواقع فراہم کرنے سے ممکن ہے۔
بلاول بھٹو زرداری نے کہا کہ گلگت بلتستان کے عوام کو ان کے آئینی اور جمہوری حقوق دینا ملکی ترقی کے لیے ناگزیر ہے۔ انہوں نے اعلان کیا کہ پیپلز پارٹی گلگت بلتستان کو 18ویں ترمیم جیسے اختیارات دینے کی حامی ہے اور اسلام آباد کو یہاں کے عوام کے حقِ ملکیت کو تسلیم کرنا ہوگا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پیپلز پارٹی نے کہا کہ تھر کول منصوبے میں 80 فیصد ملازمتیں مقامی افراد کو دی گئیں، جو ان کی جماعت کے عوام دوست وژن کا عملی ثبوت ہے۔ انہوں نے دعویٰ کیا کہ گلگت بلتستان کے دوروں کے حوالے سے وہ دیگر تمام سیاسی رہنماؤں سے زیادہ مرتبہ یہاں آ چکے ہیں۔
خطاب کے دوران بلاول بھٹو زرداری نے ملکی دفاعی صلاحیتوں کا ذکر کرتے ہوئے کہا کہ پاکستان کا ایٹمی پروگرام شہید ذوالفقار علی بھٹو کی قیادت میں شروع ہوا جبکہ میزائل پروگرام کو شہید محترمہ بینظیر بھٹو نے آگے بڑھایا۔ انہوں نے کہا کہ سابق صدر آصف علی زرداری نے پاکستان میں غیر ملکی فوجی اڈوں کی موجودگی کا خاتمہ کیا تھا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
سماجی بہبود کے حوالے سے انہوں نے کہا کہ بے نظیر انکم سپورٹ پروگرام کو ہر صورت محفوظ رکھا جائے گا اور آئندہ بجٹ میں اس پروگرام کے فنڈز میں اضافے کی کوشش کی جائے گی۔ ان کے مطابق پیپلز پارٹی غریب اور پسماندہ طبقات کی نمائندہ جماعت ہے اور عوامی فلاح کے منصوبوں کو جاری رکھے گی۔
علاقائی اور عالمی صورتحال پر گفتگو کرتے ہوئے بلاول بھٹو زرداری نے کہا کہ خطے میں جاری کشیدگی اور جنگوں کے اثرات پوری مسلم دنیا اور عالمی معیشت پر مرتب ہو رہے ہیں۔ انہوں نے امن کے قیام کی ضرورت پر زور دیتے ہوئے امید ظاہر کی کہ جنگوں کے خاتمے اور استحکام کے لیے جاری سفارتی کوششیں کامیاب ہوں گی۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
انہوں نے کہا کہ پیپلز پارٹی ہمیشہ امن، جمہوریت اور عوامی حقوق کی سیاست پر یقین رکھتی ہے اور آئندہ بھی عوام کے مفادات کے تحفظ کے لیے اپنا کردار ادا کرتی رہے گی۔
بلاول بھٹو زرداری نے کہا کہ آپ نے فیصلہ کرنا ہے ، عوام دوست یا عوام دشمن حکومت بنانی ہے ،ہماری غریب دوست اور ان کی عوام دشمن سیاست ہے ، میں نے سیلاب متاثرہ عوام کے لیے گھر بنا کر دیکھائے ۔ انھوں نے کہا کہ ہماری کوشش ہوتی ہے کہ زیادہ سے زیادہ لوگوں کو روزگار دیں ،دوسری جماعتوں کی کوشش ہوتی ہے کہ کیسے لوگوں کو بے روز گار کریں ۔
آزاد کشمیر:تعلیمی اداروں میں گرمیوں کی چھٹیوں کا اعلان
گلگت بلتستان میں انتخابی مہم کے سلسلے میں اسکردو میں جلسے سے خطاب کرتے ہوئے چیئرمین پاکستان پیپلز پارٹی بلاول بھٹو زرداری نے کہا کہ پاکستان کی دفاعی طاقت کی بدولت آج کوئی بھی ملک پاکستان کی جانب میلی آنکھ سے دیکھنے کی جرات نہیں کر سکتا۔ انہوں نے کہا کہ شہید ذوالفقار علی بھٹو نے قوم کو ایٹمی پروگرام کا تحفہ دیا، جبکہ شہید محترمہ بینظیر بھٹو نے میزائل پروگرام کو آگے بڑھایا اور ملکی دفاع کو مزید مضبوط بنایا۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
بلاول بھٹو زرداری نے سابق فوجی حکومت پر تنقید کرتے ہوئے کہا کہ مشرف دور میں غیر ملکی طاقتوں کو پاکستان کی سرزمین پر اڈے قائم کرنے کی اجازت دی گئی تھی، تاہم سلالہ واقعے کے بعد صدر آصف علی زرداری نے ایسے تمام اڈوں کو بند کروا کر غیر ملکی افواج کو واپس بھیج دیا۔ چیئرمین پیپلز پارٹی نے کہا کہ ان کی جماعت پاکستان کو ہر شعبے میں مضبوط اور خودمختار دیکھنا چاہتی ہے۔ ان کے بقول پاکستان پیپلز پارٹی واحد سیاسی جماعت ہے جو ملک کو مزید مستحکم اور عوامی فلاح کی راہ پر گامزن کر سکتی ہے۔
انہوں نے کہا کہ پیپلز پارٹی نے ہمیشہ عوام کو معاشی ریلیف فراہم کرنے کے لیے اقدامات کیے ہیں اور اسی سوچ کے تحت بے نظیر انکم سپورٹ پروگرام (بی آئی ایس پی) متعارف کرایا گیا، جس کے ذریعے غریب اور مستحق خاندانوں کو مالی معاونت فراہم کی جاتی ہے۔ بلاول بھٹو زرداری نے کہا کہ بی آئی ایس پی اسلام آباد یا کسی ایک علاقے کا نہیں بلکہ پورے پاکستان کے عوام کا پروگرام ہے، تاہم بعض سیاسی عناصر اسے ختم کرنے کی کوشش کرتے رہتے ہیں۔
انہوں نے اعلان کیا کہ چاہے گلگت بلتستان کے انتخابات میں پیپلز پارٹی کے امیدوار کامیاب ہوں یا نہ ہوں، وزیراعظم آئندہ بجٹ میں بے نظیر انکم سپورٹ پروگرام کے فنڈز میں اضافے کا اعلان کریں گے تاکہ زیادہ سے زیادہ مستحق افراد کو ریلیف فراہم کیا جا سکے،انہوں نے اس عزم کا اظہار کیا کہ پیپلز پارٹی آئندہ بھی عوامی فلاح، معاشی استحکام اور قومی خودمختاری کے لیے اپنی جدوجہد جاری رکھے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ