مدینہ منورہ: مسجد قبلتین 24 گھنٹے نمازیوں کے لیے کھول دی گئی
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
مدینہ منورہ (انٹرنیشنل ڈیسک) شاہ سلمان بن عبدالعزیز نے ہدایت کی ہے کہ مدینہ منورہ میں مسجد قبلتین کو 24 گھنٹے کھلا رکھا جائے تاکہ نمازیوں کی سہولت میسر ہو۔ اسی تناظر میں مدینہ کے گورنر اور ریجن ڈویلپمنٹ اتھارٹی کے بورڈ کے چیئرمین شہزادہ سلمان بن سلطان نے کہا کہ مسجد قبلتیں کو خدمات فراہم کرنے اور اس کے زائرین کو اس کی مذہبی اور تاریخی اہمیت کی بنیاد پر سہولت فراہم کرنے کے لیے زیادہ سے زیادہ کوششیں کی جا رہی ہیں۔ مسجد کو نمازیوں کو آسانی اور ذہنی سکون کے ساتھ نماز ادا کرنے کے قابل بنایا جا رہا ہے۔انہوں نے کہا کہ وزارت وژن 2030 کے اہداف کے مطابق معیاری منصوبوں پر عمل کررہی ہے۔
ذریعہ: Jasarat News
پڑھیں:
سندھ حکومت کا فیصلہ: خواتین کی سہولت کے لیے مزید پنک بسیں چلانے کی تیاری
کراچی: صوبائی وزیر اطلاعات و ٹرانسپورٹ شرجیل انعام میمن نے کہا ہے کہ سندھ حکومت صوبے کے ٹرانسپورٹ نظام کو جدید اور مؤثر بنانے کے لیے مسلسل کام کر رہی ہے، اور اس سلسلے میں خواتین کے لیے مزید پنک بسوں کا آغاز کیا جا رہا ہے جو بی آر ٹی کے مختلف روٹس پر جلد نظر آئیں گی۔
گرین لائن منصوبے کے مقام پر پریس کانفرنس کرتے ہوئے شرجیل میمن کا کہنا تھا کہ پاکستان کی پہلی بی آر ٹی میں خواتین کے لیے مخصوص پنک بسیں پہلے ہی چل رہی ہیں، جبکہ بی آر ٹی گرین لائن میں بھی خواتین کے لیے علیحدہ اسپیس مختص کی جائے گی تاکہ انہیں محفوظ اور باوقار سفری سہولت فراہم کی جا سکے۔
سینیئر وزیر کے مطابق نمائش سے سرجانی تک پنک بی آر ٹی سروس شروع ہو چکی ہے، جب کہ ایدھی اورنج لائن بی آر ٹی پر بھی جلد پنک بسیں چلائی جائیں گی۔ انہوں نے مزید بتایا کہ ڈبل ڈیکر بسوں کی ایک نئی کھیپ اگلے ہفتے کراچی پہنچنے والی ہے۔ اس کے ساتھ ساتھ محکمہ ٹرانسپورٹ خصوصی ضروریات کے حامل بچوں کے لیے خصوصی بائیکس تیار کر رہا ہے، جو انہیں مفت فراہم کی جائیں گی۔
شرجیل انعام میمن نے کہا کہ سندھ حکومت خواتین کو بااختیار بنانے کے لیے اہم اقدامات اٹھا رہی ہے اور ٹرانسپورٹ سیکٹر میں مزید مثبت اعلانات جلد سامنے آئیں گے۔
انہوں نے بتایا کہ صوبہ بھر کے 21 لاکھ سیلاب متاثرہ خاندانوں کے گھروں کے مالکانہ حقوق خواتین کے نام کرنے کا فیصلہ انہی کوششوں کا تسلسل ہے، جب کہ بینظیر انکم سپورٹ پروگرام کا آغاز بھی سابق صدر آصف علی زرداری نے خواتین کی معاشی خودمختاری کے لیے ہی کیا تھا۔
وزیر اطلاعات نے یہ بھی بتایا کہ سندھ حکومت کسانوں کو مفت کھاد فراہم کر رہی ہے، جس سے گندم کی پیداوار میں نمایاں اضافہ متوقع ہے، ساتھ ہی انہوں نے کہا کہ ایشیائی ترقیاتی بینک کے ساتھ بعض تکنیکی معاملات حل طلب ہیں، جنہیں جلد نمٹایا جا رہا ہے۔
انہوں نے کراچی کے تمام اسٹیک ہولڈرز اور سیاسی جماعتوں کے لیے اوپن بریفنگ جاری رکھنے کا اعلان کیا اور کہا کہ معاشرے کے ہر طبقے اور فرد کو اپنی ذمہ داری نبھانا ہوگی۔
پریس کانفرنس کے اختتام پر انہوں نے وزیراعظم اور صوبہ پنجاب و خیبر پختونخوا کے وزرائے اعلیٰ سے درخواست کی کہ اپنے اپنے صوبوں میں بھی خواتین کے لیے پنک بس سروس شروع کریں، کیونکہ یہ اقدام خواتین کے محفوظ سفر اور بااختیار بنانے کے لیے انتہائی اہم ہے۔
قابض صہیونی رژیم خطے پر تسلط قائم رکھنے کیلئے امریکہ کا آلہ ہے، حزب اللہ لبنان