میر پور ماتھیلو: صحافی فائرنگ سے جان بحق، بھتیجی خوف سے دم توڑ گئی
اشاعت کی تاریخ: 8th, October 2025 GMT
میرپورماتھیلو پریس کلب کے جنرل سیکرٹری طفیل رند قاتلانہ حملے میں شہید ہوگئے جب کہ ان کے ہمراہ موجود بھتیجی خوف سے دم توڑ گئی۔
پولیس کے مطابق طفیل رند پر جروار روڈ، مسواہ میں فائرنگ کی گئی۔ اطلاعات کے مطابق وہ بچوں کو اسکول چھوڑنے کے لیے جا رہے تھے کہ نامعلوم ملزمان نے ان پر اندھا دھند فائرنگ کردی۔
یہ بھی پڑھیں:نوشہرہ میں نامعلوم موٹرسائیکل سواروں کی فائرنگ سے صحافی قتل
لاش کو فوری طور پر ڈی ایچ کیو اسپتال میرپورماتھیلو منتقل کیا گیا اور پولیس نے تحقیقات کا آغاز کر دیا ہے۔
پولیس کے مطابق حملے میں طفیل رند کی بھتیجی بھی زخمی ہوئی، جو 8 سالہ بچی تھی اور فائرنگ کے دوران موٹر سائیکل سے گر کر زخمی ہوئی تھی۔
بچی کو اسپتال منتقل کیا گیا تھا اور ایم ایس ڈاکٹر سرفراز شاہ کے مطابق اس کے زخم معمولی نوعیت کے تھے، طبی امداد کے بعد اسے گھر بھیج دیا گیا۔ طفیل رند اپنے 2 بچوں اور بھتیجی کو اسکول چھوڑنے جا رہے تھے۔
اس واقعے پر وزیراعلیٰ سندھ نے غم و افسوس کا اظہار کیا اور کہا کہ صحافیوں پر حملے آزادی صحافت پر حملے ہیں۔ وزیراعلیٰ سندھ نے آئی جی سے واقعے کی مکمل رپورٹ طلب کرلی ہے۔
یہ بھی پڑھیں:خضدار: یوم صحافت پر صحافی قتل، کیا مولانا صدیق مینگل کو کوئی تھریٹ تھا؟
سینیئر وزیر سندھ شرجیل میمن نے بھی صحافی طفیل رند کے قتل کی شدید مذمت کرتے ہوئے کہا کہ یہ حملہ افسوسناک اور قابل مذمت ہے اور ایسے واقعات برداشت نہیں کیے جا سکتے جو اظہار رائے کی آزادی پر حملہ ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شرجیل میمن صحافی طفیل رند فائرنگ میرپور ماتھیلو.ذریعہ: WE News
کلیدی لفظ: شرجیل میمن صحافی طفیل رند فائرنگ میرپور ماتھیلو طفیل رند کے مطابق
پڑھیں:
امریکا میں فٹ بال میچ کے بعد فائرنگ سے خاتون اور لڑکا ہلاک، 14 افراد زخمی
امریکا کی ریاست الاباما کے شہر مونٹگمری میں فٹ بال میچ کے بعد فائرنگ سے دو افراد ہلاک اور 14 زخمی ہوگئے۔
پولیس حکام کے مطابق ہلاک افراد میں ایک 43 سالہ خاتون اور ایک 17 سالہ لڑکا شامل ہے۔ زخمیوں میں پانچ افراد کی حالت تشویشناک بتائی گئی ہے۔
پولیس کے مطابق دو یونیورسٹیوں کی فٹبال ٹیموں کے درمیان میچ کے بعد ہونے والا جھگڑا شدید فائرنگ میں تبدیل ہوگیا۔ پولیس کو رات 11 بج کر 30 منٹ پر اس واقعے کی اطلاع ملی تھی، جسے پولیس چیف جیمز گریبوئس نے اجتماعی فائرنگ قرار دیا۔
پولیس کے مطابق فائرنگ کا واقعہ ہفتہ اور اتوار کی درمیانی شب شہر کے نائٹ لائف ڈسٹرکٹ میں پیش آیا تھا۔
پولیس چیف نے مزید بتایا کہ ہجوم میں اچانک ایک شخص کو نشانہ بنایا گیا جس کے بعد متعدد افراد نے اپنے ہتھیار نکال کر فائرنگ شروع کر دی۔
چیف گریبوئس کا کہنا تھا کہ تفتیشی ٹیم شواہد اکٹھے کر رہی ہے اور ممکنہ مشتبہ افراد سے پوچھ گچھ جاری ہے، تاہم اتوار کی صبح تک کسی پر فردِ جرم عائد نہیں کی گئی تھی۔
پولیس واقعے کی مکمل چھان بین کر رہی ہے، اور حکام کا کہنا ہے کہ شہریوں کی سلامتی کو یقینی بنانے کے لیے ہر ممکن اقدام کیا جائے گا۔
کراچی، آٹزم سینٹر میں خصوصی بچے پر تشدد، خاتون اسسٹنٹ برطرف، مقدمہ درج