الیکشن کمیشن کا پنجاب میں بلدیاتی انتخابات کی تاریخ کا اعلان
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: الیکشن کمیشن آف پاکستان نے پنجاب میں بلدیاتی الیکشن نہ کرانے کے خلاف کیس کا محفوظ فیصلہ سنا دیا۔
الیکشن کمیشن نے پنجاب بلدیاتی انتخابات کیس کا 6 صفحات پر مشتمل تحریری فیصلہ جاری کر دیا، فیصلہ چیف الیکشن کمشنر سکندر سلطان راجہ، ممبران نثار درانی، شاہ محمد جتوئی اور بابر حسن بھروانہ نے جاری کیا۔
الیکشن کمیشن کی جانب سے فیصلے میں کہا گیا ہے کہ پنجاب میں بلدیاتی انتخابات دسمبر 2025 کے آخری ہفتے میں ہوں گے، صوبے میں کل سے حلقہ بندیوں کا آغاز کر دیا جائے، الیکشن کمیشن 2022 کے قانون کے تحت پنجاب میں بلدیاتی انتخابات کرائے گا۔
تحریری فیصلے میں الیکشن کمیشن نے 2 ماہ میں حلقہ بندیاں کرانے کا حکم دیا۔
ذریعہ: Jasarat News
کلیدی لفظ: پنجاب میں بلدیاتی بلدیاتی انتخابات الیکشن کمیشن
پڑھیں:
پنجاب میں بلدیاتی انتخابات دسمبر کے آخری ہفتے میں ہوں گے، الیکشن کمیشن
data-id="863a0a8" data-element_type="widget" data-widget_type="theme-post-content.default">
اسلام آباد: الیکشن کمیشن آف پاکستان نے پنجاب میں بلدیاتی انتخابات میں تاخیر سے متعلق درخواستوں پر اپنا محفوظ شدہ فیصلہ جاری کرتے ہوئے اعلان کیا ہے کہ صوبے میں بلدیاتی انتخابات دسمبر کے آخری ہفتے میں کرائے جائیں گے۔
میڈیا رپورٹس کےمطابق محفوظ فیصلہ چیف الیکشن کمشنر سکندر سلطان راجہ، ممبران نثار درانی، شاہ محمد جتوئی اور بابر حسن بھروانہ نے جاری کیا۔
فیصلے میں کہا گیا ہے کہ پنجاب میں بلدیاتی انتخابات الیکشن ایکٹ 2022 کے تحت کرائے جائیں گے اور اس مقصد کے لیے صوبے میں کل سے حلقہ بندیوں کا باضابطہ آغاز کیا جا رہا ہے۔
الیکشن کمیشن کے مطابق پنجاب میں بلدیاتی انتخابات کے انعقاد میں بار بار تاخیر صوبائی حکومت کی جانب سے قوانین میں مسلسل ترامیم کے باعث ہوئی۔
سماعت کے دوران ای سی پی کو بتایا گیا کہ پنجاب کے بلدیاتی قوانین میں اب تک پانچ مرتبہ ترامیم کی جا چکی ہیں، جب کہ چھٹی ترمیم بھی زیرِ غور ہے ، موجودہ فریم ورک کے تحت انتخابات کا انعقاد ممکن ہے۔
سماعت کے دوران چیف الیکشن کمشنر سکندر سلطان راجہ نے سخت ریمارکس دیتے ہوئے کہا کہ پنجاب میں بلدیاتی انتخابات میں تاخیر کا کیس شرمندگی کا باعث بنتا جا رہا ہے کیونکہ ملک کے باقی تینوں صوبوں اور کنٹونمنٹ بورڈز میں بلدیاتی الیکشن ہو چکے ہیں۔
انہوں نے کہا کہ الیکشن کمیشن مزید تاخیر برداشت نہیں کرے گا اور آج ہی فیصلہ سنایا جائے گا۔
واضح رہے کہ حال ہی میں جماعت اسلامی کی جانب سے دائر درخواست پر لاہور ہائیکورٹ نے پنجاب میں بلدیاتی انتخابات نہ کروانے پر ایڈووکیٹ جنرل اور چیف سیکرٹری پنجاب کو طلب کیا تھا۔ عدالت نے صوبائی حکومت سے وضاحت طلب کی تھی کہ بلدیاتی انتخابات کے عمل میں مسلسل تاخیر کی وجوہات کیا ہیں۔
الیکشن کمیشن کے فیصلے کے بعد اب پنجاب میں بلدیاتی عمل بحال ہونے جا رہا ہے، جس کے تحت صوبے کے تمام اضلاع میں نئی حلقہ بندیاں مکمل ہونے کے بعد دسمبر کے آخری ہفتے میں بلدیاتی انتخابات منعقد کیے جائیں گے۔
سندھ ہائیکورٹ نے جسٹس طارق جہانگیری کی ڈگری منسوخی کا حکم معطل کردیا