کشمیری حریت رہنما یاسین ملک کو پھانسی کی سزا کلی دہشت گردی ہے، ساجدہ احمد
اشاعت کی تاریخ: 9th, October 2025 GMT
سماجی رہنما نے بھارت کی جانب سے حریت رہنما کو سنائی گئی سزا کی مذمت کرتے ہوئے کہا کہ مقبوضہ کشمیر گزشتہ کئی دہائیوں سے بھارتی افواج کے ظلم و ستم کا شکار ہے، وہاں چھبیس ہزار سے زائد خواتین کی عصمت دری اور ڈھائی لاکھ سے زیادہ نوجوانوں کی شہادت انسانیت کے ماتھے پر سیاہ دھبہ ہے۔ اسلام ٹائمز۔ سماجی رہنما ساجدہ احمد نے بھارتی زیرِ قبضہ کشمیر کے حریت رہنما یاسین ملک کو سنائی گئی سزائے موت کو ریاستی دہشتگردی اور انسانی حقوق کی کھلی خلاف ورزی قرار دیتے ہوئے کہا ہے کہ بھارت ایک منظم منصوبے کے تحت کشمیری عوام کی آواز دبانے کی کوشش کر رہا ہے۔ انہوں نے اپنے سخت ردِعمل میں کہا کہ مقبوضہ کشمیر گزشتہ کئی دہائیوں سے بھارتی افواج کے ظلم و ستم کا شکار ہے۔ وہاں چھبیس ہزار سے زائد خواتین کی عصمت دری اور ڈھائی لاکھ سے زیادہ نوجوانوں کی شہادت انسانیت کے ماتھے پر سیاہ دھبہ ہے۔ ساجدہ احمد نے کہا کہ بھارت خود کو جمہوریت کا چیمپئن ظاہر کرتا ہے مگر درحقیقت وہ ایک جارح اور ظالم ریاست ہے جو اقوامِ متحدہ کی قراردادوں کو مسلسل پامال کر رہا ہے۔ انہوں نے عالمی برادری پر زور دیا کہ وہ بھارتی مظالم پر اپنی مجرمانہ خاموشی توڑے اور کشمیری عوام کے حقِ خودارادیت کے لیے عملی اقدامات کرے۔ ان کا کہنا تھا کہ بھارت کے دوغلے چہرے کو اب دنیا کے سامنے بے نقاب کرنے کا وقت آ چکا ہے۔ عالمی انسانی حقوق کے ادارے، اسلامی تعاون تنظیم (OIC) اور اقوامِ متحدہ کو چاہیے کہ وہ بھارت کے خلاف فوری کارروائی کریں اور کشمیری عوام کو انصاف دلانے میں اپنا کردار ادا کریں۔
.
ذریعہ
ذریعہ: Islam Times
پڑھیں:
پاکستان کی لبنان پر اسرائیلی حملوں کی مذمت
پاکستان نے لبنان پر اسرائیلی حملوں کی مذمت کی ہے۔ مستقل مندوب عاصم افتخار نے اقوام متحدہ کی سلامتی کونسل سے خطاب میں کہا کہ لبنان پر اسرائیل کے حملے عالمی قوانین کی خلاف ورزی ہیں۔
عاصم افتخار نے کہا کہ اسرائیل حملے خطے میں امن کی کوششوں کو متاثر کررہے ہیں۔ پائیدار امن صرف بات چیت سے ہی ممکن ہے۔
ان کا کہنا تھا کہ پاکستان لبنان کی حکومت اور عوام سے یکجہتی کا اظہار کرتا ہے۔
اقوام متحدہ میں پاکستان کے مستقل مندوب نے مزید کہا کہ پاکستان تناؤ میں کمی کے لیے سفارتی کوششیں جاری رکھے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ