کیماڑی، ڈاکس تھانے کی حدود منشیات فروشوں کی آماجگاہ بن گئے
اشاعت کی تاریخ: 10th, October 2025 GMT
پولیس کی سرپرستی میںماما یعقوب کا منشیات کا اڈہ عرصہ دراز سے مچھر کالونی میں کھلے عام جاری
ایس ایچ او ڈاکس اور ایس ایس پی کیماڑی ماما یعقوب کیخلاف کارروائی کرنے سے گریزاں
(رپوٹ؍ ایم جے کے)ضلع کیماڑی’ تھانہ ڈاکس کی حدود میں منشیات فروشوں کے لیے بہترین آماجگاہ، ماما یعقوب کا منشیات کا اڈہ عرصہ دراز سے مچھر کالونی میں کھلے عام جاری ہے، ایس ایچ او ڈاکس اور ایس ایس پی کیماڑی منشیات ڈیلر ماما یعقوب کے خلاف کاروائی کرنے
میں دلچسپی نہیں لے رہے، علاقہ مکین۔ باوثوق علاقہ ذرائع کے مطابق ضلع کیماڑی’ تھانہ ڈاکس کی حدود میں منشیات فروشوں کے لیے بہترین آماجگاہ بن گئ، ماما یعقوب نامی منشیات ڈیلر کا منشیات کا اڈہ عرصہ دراز سے مچھر کالونی میں کھلے عام طریقے سے جاری ہے، شہری بغیر کسی ڈر و خوف کے ماما یعقوب کے اڈے سے منشیات خریدتے ہیں اور آزادنہ استعمال کرتے ہیں، یہی وجہ ہے کہ مچھر کالونی میں خاص طور پر بنگالی پاڑہ میں منشیات کے عادی افراد کی تعداد بہت ذیادہ نظر آئیگی، دوسری جانب مچھر کالونی کے رہائشی اپنے بچوں کی مستقبل کو لیکر کافی پریشان اور ذہنی اذیت میں مبتلا ہیں کہتے ہیں کہ ہمارے سامنے نوجوان نسل اور بچے منشیات کے لت میں مبتلا ہورہے ہیں ہمیں ڈر ہے کہ کہیں ہمارے بچے بھی کل کو منشیات کی عادی اور فروخت کرنے والوں میں شامل نہ ہوجائیں، دوسری جانب تھانہ ڈاکس ایس ایچ او نند لال منشیات ڈیلر ماما یعقوب کے منشیات کے اڈے کے خلاف کاروائی کرنے میں دلچسپی نہیں لے رہے جبکہ ایس ایس پی کیماڑی کیپٹن ( ر ) فیضان علی کو بار ہا ماما یعقوب کے منشیات کے اڈے کے بارے میں اور معصوم بچوں کی تباہی کے حوالے سے أگاہ کیا جاچکا ہے اور ماما یعقوب کے اڈے کے خلاف فوری کاروائی کی اپیل بھی کی جاچکی ہے مگر افسوس کا مقام ہے کہ ایس ایچ او ڈاکس اور ایس ایس پی کیماڑی کے علم میں ہونے کے باوجود مچھر کالونی کے نوجوان نسل اور بچے تباہی کے دہانے پر موجود ہیں، مگر ایس ایس پی کیماڑی بھی اس حوالے سے کوئی دلچسپی نہیں لے رہے، جس وجہ سے منشیات ڈیلر ماما یعقوب کا مچھر کالونی(بنگالی پاڑہ) میں منشیات کا اڈہ خوب زور و شور سے جاری ہے اور منشیات کی ترسیل بھی بڑے پیمانے پر ہورہی ہے جس میں پوڈر، آئس، چرس اور دیگر شامل ہیں، بنگالی پاڑہ نالے پر سینکڑوں منشیات کے عادی افراد ٹولیوں کی شکل میں بیٹھے ہوتے ہیں اور نشہ کرتے ہیں جبکہ منشیات کے عادی افراد مچھر کالونی میں چوری چکاری میں مصروف ہوتے ہیں اور پورے مچھر کالونی کو پریشان کررکھا ہے، علاقہ مکین کا مزید کہنا ہے کہ بڑے پیمانے پر مچھر کالونی کے نوجوان تباہ ہوچکے ہیں جبکہ مزید کا مستقبل مکمل طور پر تباہی کے دہانے پر کھڑا ہے جسکا ذمہ دار صرف اور صرف کیماڑی تھانہ ڈاکس اور ایس ایس پی کیماڑی ہیں۔
ذریعہ
ذریعہ: Juraat
کلیدی لفظ: مچھر کالونی میں ماما یعقوب کے منشیات ڈیلر تھانہ ڈاکس میں منشیات ایس ایچ او منشیات کے کے اڈے
پڑھیں:
لاہور کی رہائشی خاتون کی منشیات برآمدگی کیس میں ضمانت منظور
سپریم کورٹ نے لاہور کی رہائشی خاتون کی منشیات برآمدگی کے کیس میں 5 لاکھ روپے کے مچلکوں کے عوض ضمانت منظور کر لی۔
جسٹس ہاشم کاکڑ کی سربراہی میں 3 رکنی بینچ نے لاہور کی رہائشی خاتون کے خلاف منشیات برآمدگی کے کیس کی سماعت کی۔
دوران سماعت ملزمہ کے وکیل نے اے این ایف ریڈ کی سی سی ٹی وی فوٹیج چلائی، عدالت نے ملزمہ کے گھر کی سی سی ٹی وی فوٹیج کا فرانزک کرانے کا حکم دے دیا۔
پولیس کے مطابق ایک کیس میں ملزمہ کے قبضے سے دستی بم بھی برآمد ہوا تھا۔
ملزمہ کے وکیل احسن بھون نے کہا ہے کہ واضح دیکھا جاسکتا ہے کہ اے این ایف اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرۂ عدالت میں موجود ہے۔
اے این ایف کے اہلکار نے فوٹیج میں موجودگی کی تردید کر دی۔
جس پر جسٹس اشتیاق ابراہیم نے کہا کہ اے این ایف کے اسلحہ بردار اہلکار تشدد کرتے نظر آرہے ہیں۔
اے این ایف کے وکیل نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے کہا کہ اے این ایف کے 10 اہلکار تھے مگر 2 لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
ملزمہ کے وکیل احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے اے این ایف کے وکیل سے کہا کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرۂ عدالت میں جھوٹ نہ بولیں۔
جسٹس ہاشم کاکڑ نے کہا کہ اے این ایف کیا کر رہا ہے، ملزمان تحویل میں ہوتے مار دیے جاتے ہیں، ایک کیس میں ملزم کی ہتھ کڑیوں کے ساتھ تصویر تھی جو اگلے روز مار دیا گیا، جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف کے اہلکار سے استفسار کیا کہ آپ نے کبھی چرس پی ہے؟ جس پر اہلکار نے کہا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے، جس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ