کراچی، رینجرز اور ڈاکوؤں میں مقابلے کے دوران گولی لگنے سے بزرگ جاں بحق
اشاعت کی تاریخ: 14th, October 2025 GMT
رواں سال شہر قائد میں دوران ڈکیتی ڈاکوؤں کی فائرنگ جاں بحق ہونے والے شہریوں کی تعداد 70 ہوگئی ہے۔ اسلام ٹائمز۔ شہر قائد رینجرز اہلکاروں سے مقابلے میں ڈاکوؤں کی فائرنگ سے موٹر سائیکل سوار بزرگ شہری جاں بحق اور ایک نوجوان شدید زخمی ہوگیا، اس سال کراچی میں دوران ڈکیتی جاں بحق شہریوں کی تعداد 70 ہوگئی۔ تفصیلات کے مطابق راشد منہاس روڈ شفیق موڑ پی ایس او پمپ کے قریب فائرنگ سے موٹر سائیکل سوار بزرگ شہری پیٹ میں ایک گولی لگنے سے موقع پر جاں بحق ہوگیا اور ایک نوجوان دو گولیاں لگنے سے شدید زخمی ہوگیا، دونوں کو چھیپا ایمبولینس کے ذریعے عباسی شہید اسپتال منتقل کر دیا گیا، بعد ازاں نوجوان کو تشویش ناک حالت میں عباسی سے جناح اسپتال منتقل کر دیا گیا۔ فائرنگ سے جاں بحق مقتول بزرگ شہری کی شناخت 60 سالہ اعجاز اور زخمی نوجوان کی شناخت 26 سالہ حماد کے نام سے کی گئی۔
مقتول بزرگ شہری اعجاز نارتھ کراچی سیکٹر فائیو اے سی فور کے رہائشی اور پیشے کے لحاظ سے کارپینٹر تھے اور گھر کے واحد کفیل تھے، جبکہ زخمی نوجوان مقتول بزرگ شہری کا ہیلپر تھا۔ فائرنگ کے واقعے کی اطلاع پر پولیس اور رینجرز افسران و اہلکار بھی موقع پر پہنچ گئے اور پولیس نے کرائم سین ڈیپارٹمنٹ کو بھی شواہد اکٹھا کرنے کے لیے طلب کرلیا۔ ڈاکو فرار ہونے کی کوشش کر رہے تھے کہ رینجرز اہلکاروں نے ایک ملزم کو تعاقب کے بعد گرفتار کر لیا، جبکہ دوسرا فرار ہوگیا، گرفتار ملزم سے چھینی ہوئی موٹر سائیکل قبضے میں کرلی گئی ہے۔ واضح رہے کہ رواں سال شہر قائد میں دوران ڈکیتی ڈاکوؤں کی فائرنگ جاں بحق ہونے والے شہریوں کی تعداد 70 ہوگئی ہے۔
ذریعہ: Islam Times
پڑھیں:
ہوٹل جل کر راکھ
مانسہرہ کے سیاحتی مقام کاغان کے بازار میں آتشزدگی کے نتیجے میں 50 کمروں پر مشتمل ہوٹل جل کر خاکستر ہوگیا۔ذرائع کے مطابق کاغان بازار میں واقع ہوٹل میں لگنے والی آگ نے دیکھتے ہی دیکھتے پورے ہوٹل کو اپنی لپیٹ میں لےلیا، فائر بریگیڈ کی دو گاڑیوں اور مقامی لوگوں نے ایک گھنٹے کی جدوجہد کے بعد آگ پر قابو پایا۔ریسکیو ترجمان کے مطابق آگ لگنے سے 50 کمروں پر مشتمل ہوٹل جل کر خاکستر ہوگیا جبکہ کوئی جانی نقصان نہیں ہوا۔حکام کے مطابق فوری طور پر آگ لگنے کی وجوہات معلوم نہ ہوسکی۔
بابر اعظم کے ساتھ کھیل کر مزہ آتا ہے: اوپنر بیٹر صاحبزادہ فرحان