جامعہ کراچی میں Echo of Palestineطلبہ کا فلسطینی عوام سے والہانہ اظہارِ یکجہتی
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی: اسلامی جمعیت طلبہ جامعہ کراچی کے زیرِ اہتمام Echo of Palestine کے عنوان سے ایک پُروقار اور شاندار پروگرام کا انعقاد کیا گیا، جس میں جامعہ کے اساتذہ، طلبہ و طالبات اور مختلف شعبہ جات سے تعلق رکھنے والے افراد کی بڑی تعداد نے شرکت کی۔
پروگرام کے مہمانِ خصوصی سابق امیر جماعت اسلامی پاکستان محترم سراج الحق تھے، جنہوں نے اپنے خطاب میں کہا کہ فلسطین کا مسئلہ زمین کا نہیں بلکہ عقیدے کا مسئلہ ہے، غزہ کے ملبے میں آج بھی ایمان زندہ ہے، حوصلہ زندہ ہے اور مزاحمت زندہ ہے۔
انہوں نے نوجوانوں کو پیغام دیا کہ وہ مظلوم فلسطینیوں کی حمایت میں اپنی آواز بلند کرتے رہیں کیونکہ یہی امت کے اتحاد اور بیداری کا حقیقی ثبوت ہے۔
اس موقع پر وائس چانسلر جامعہ کراچی پروفیسر ڈاکٹر خالد عراقی نے بھی خطاب کیا اور فلسطینی عوام سے اظہارِ یکجہتی کے جذبے کو سراہا، جامعات میں ہونے والی ایسی علمی و فکری سرگرمیاں نوجوانوں کے شعور کو بیدار کرتی ہیں اور امت میں اتحاد و ذمہ داری کا احساس پیدا کرتی ہیں۔
پروگرام میں شریک دیگر معزز مہمانوں میں ڈاکٹر بلال الاسطل (ڈائریکٹر فرینڈز آف فلسطین، غزہ)، حافظ ازیر علی خان (صدر ای او پی نیٹ ورک و ایگزیکٹو ممبر آئی آئی ایف ایس او)، طارق ابوالحسن (سینیئر صحافی) اور فیض اللہ خان (سینیئر صحافی) شامل تھے۔
تمام مقررین نے فلسطین کی موجودہ صورتحال پر تفصیلی اظہارِ خیال کیا، امریکہ اور مغربی طاقتوں کے دوہرے معیار کو بے نقاب کیا اور اسلامی جمعیت طلبہ کی اس کاوش کو سراہا جس کے ذریعے طلبہ نے فلسطینی عوام کے ساتھ اپنی وابستگی کا ثبوت دیا۔
ناظم اسلامی جمعیت طلبہ کراچی، آبش صدیقی نے کہا کہ اسلامی جمعیت طلبہ ہر فورم پر مظلوم فلسطینیوں کے حق میں آواز بلند کرتی رہے گی، آج کا یہ اجتماع اس بات کی گواہی ہے کہ پاکستانی طلبہ فلسطین کے ساتھ کھڑے ہیں۔
مقررین نے اپنے خطاب میں مزید کہا کہ 78 سال سے فلسطینی جن حالات میں ہیں، ان کے پاس مزاحمت کے سوا کوئی راستہ نہیں بچا۔ فلسطین صرف عربوں کا نہیں بلکہ پوری انسانیت کا مسئلہ ہے، اس لیے امتِ مسلمہ کو متحد ہو کر مظلوم فلسطینیوں کی عملی حمایت کرنی چاہیے۔
پروگرام کے اختتام پر فلسطینی عوام کے لیے خصوصی دعا کی گئی جبکہ شرکاء نے اس عزم کا اظہار کیا کہ وہ حق و انصاف کی اس جدوجہد میں ہمیشہ فلسطین کے ساتھ کھڑے رہیں گے۔
ذریعہ: Jasarat News
کلیدی لفظ: اسلامی جمعیت طلبہ فلسطینی عوام
پڑھیں:
فلسطینی عوام سے یکجہتی کا دن، وزیرِاعظم اور صدرِمملکت کا پیغام
---فائل فوٹوزآج پاکستان سمیت دنیا بھر میں فلسطینی عوام سے یکجہتی کا دن منایا جا رہا ہے۔
فلسطینی عوام سے یکجہتی کے دن کے موقع پر صدرِ مملکت آصف علی زرداری اور وزیرِاعظم شہباز شریف کی جانب سے خصوصی پیغامات جاری کیے گئے ہیں۔
صدرِ مملکت کا کہنا ہے کہ فلسطین کی سیاسی، سفارتی، انسانی اور اخلاقی حمایت جاری رکھیں گے، غزہ امن معاہدے میں پاکستان نے مثبت اور تعمیری کردار ادا کیا، معاہدے میں اس امید کے ساتھ کردار ادا کیا کہ فلسطینیوں کے دکھوں کا خاتمہ ہو سکے گا۔
ایمنسٹی انٹرنیشنل نے حالیہ رپورٹ میں کہا ہے کہ دنیا کو بے وقوف نہیں بنانا چاہیے، اسرائیل کی نسل کشی ختم نہیں ہوئی۔
دوسری جانب فلسطینی عوام سے اظہارِ یکجہتی کرتے ہوئے وزیرِاعظم شہباز شریف نے اپنے پیغام میں کہا کہ فلسطینیوں کی سرزمین سے اسرائیل کے مکمل انخلاء کو یقینی بنانا ناگزیر ہے، اسرائیل کا جنگی جرائم پر عالمی قوانین کے مطابق مواخذہ ہونا چاہیے، فلسطینی عوام نے مثالی، غیر متزلزل اور عزم و ہمت کا مظاہرہ کیا ہے۔
وزیرِاعظم شہباز شریف کا کہنا ہے کہ آزادی، امن و خوشحالی کے لیے فلسطینوں کی جدو جہد کے ساتھ ہیں۔
ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال