رابطہ عالم اسلامی مسلم اُمہ کے اتحاد، دانائی اور رہنمائی کی علامت ہے، وزیر مذہبی امور
اشاعت کی تاریخ: 14th, October 2025 GMT
اسلام آباد:
وزیر مذہبی امور سردار محمد یوسف کا کہنا ہے کہ رابطہ عالم اسلامی مسلم اُمہ کے اتحاد، دانائی، اور رہنمائی کی علامت ہے۔ مسلم ورلڈ لیگ ہمیشہ اعتدال، مکالمے اور باہمی تعاون کے فروغ میں پیش پیش رہی ہے۔
سیکرٹری جنرل رابطہ عالم اسلامی ڈاکٹر محمد بن عبدالکریم العیسی کے اعزاز میں عشائیہ سے خطاب کرتے ہوئے وفاقی وزیر نے کہا کہ عزت مآب ڈاکٹر محمد بن عبدالکریم العیسی کو پاکستان آمد پر خوش آمدید کہتے ہی، اتحاد، بین المذاہب مکالمے اور انسانی تعاون کے فروغ کے لیے رابطہ عالم اسلامی کے کردار کو سراہتے ہیں۔
وفاقی وزیر مذہبی امور نے کہا کہ معزز مہمان کی پاکستان آمد مشترکہ مقاصد کے لیے عزمِ نو کی تجدید ہے۔ امن، مفاہمت، اور انسانی خدمت کے فروغ میں مسلم ورلڈ لیگ کی خدمات لائقِ تحسین ہیں۔
سیکرٹری جنزرل رابطہ عالم اسلامی ڈاکٹر عبد الکریم العیسی کا کہنا تھا کہ پاکستان آمد پر بے حد مسرت محسوس کرتا ہوں اور مہمان نوازی پر شکر گزار ہوں، نئے چیلنجز سے نمٹنے کے لیے امت مسلمہ کی یکجہتی کی ضرورت پہلے سے کہیں زیادہ ہے۔
اعشائیہ میں چیئرمین سینیٹ یوسف رضا گیلانی، صدر مسلم لیگ ن راجہ ظفر الحق، وزیر مواصلات علیم خان سمیت متعدد سیاسی و مذہبی شخصیات نے شرکت کی۔
سینیٹر حافظ عبدالکریم، وزیر مملکت قانون و انصاف بیرسٹر عقیل، حافظ طاہر اشرفی، شاہ اویس نورانی، مولانا فضل الرحمٰن خلیل اور معتدد سفرا بھی شریک ہوئے۔
قبل ازیں، چیئرمین سینیٹ سید یوسف رضا گیلانی سے مسلم ورلڈ لیگ کے سیکرٹری جنرل کی ملاقات ہوئی۔
.ذریعہ: Express News
کلیدی لفظ: رابطہ عالم اسلامی
پڑھیں:
میانوالی میں بھی تبدیلی آ گئی: وزیرِ اعلیٰ پنجاب مریم نواز
وزیرِ اعلیٰ پنجاب مریم نواز—فوٹو: اسکرین گریبوزیرِ اعلیٰ پنجاب مریم نواز کا کہنا ہے کہ میانوالی میں بھی تبدیلی آ گئی ہے، دھاندلی ہوتی ہے تو پوری دنیا دیکھتی ہے، ڈسکہ میں آپ نے دیکھا تھا۔
نومنتخب ارکانِ اسمبلی سے خطاب میں انہوں نے کہا کہ اللّٰہ تعالیٰ نے مسلم لیگ ن کو اتنی بڑی فتح سے نوازا، تمام حلقوں میں کارکنوں نے سخت محنت کی۔
وزیرِ اعلیٰ پنجاب مریم نوازنے کہا کہ شاندار کامیابی پر تمام عہدے داروں اور کارکنوں کو مبارک باد دیتی ہوں، جتنی بھی مشکلات آئیں مسلم لیگ ن نے بہادری سے مقابلہ کیا۔
نواز شریف نے کہا کہ ضمنی انتخابات میں کامیابی پر شہباز شریف اور مریم نواز کو مبارک باد دیتا ہوں، حکومتی اقدامات سے مہنگائی کی شرح میں کمی ہوئی ہے۔
ان کا کہنا ہے کہ مسلم لیگ ن نے کبھی الیکشن کا بائیکاٹ نہیں کیا، گزشتہ دورِ حکومت میں مخالفین کو جیلوں میں ڈالا گیا، لوگوں کو اصل اور نقل کے فرق کا پتہ چل گیا۔
مریم نواز نے کہا کہ ہمیں موروثی سیاست کا طعنہ دینے والوں نے اپنی بیوی، بھائی، رشتے دار کھڑے کیے، عوام کو سمجھ آ گئی ہے، اب کوئی بہکاوے میں نہیں آئے گا۔
انہوں نے کہا کہ مسلم لیگ ن نے کبھی بھی سیاسی عمل سے انکار نہیں کیا، عوام نعرے اور عملی اقدامات میں فرق جان گئے ہیں، ہری پور میں بھی بھاری لیڈ سے مسلم لیگ ن جیتی۔
وزیرِ اعلیٰ پنجاب کا کہنا ہے کہ گزشتہ دورِ حکومت میں سیاست کو ذاتی دشمنی میں تبدیل کیا گیا، ہر دفعہ سازشیوں کا ایک نیا گروپ سامنے آ جاتا ہے، ہر دفعہ کہا جاتا ہے کہ نواز شریف کی سیاست ختم ہو گئی، جلا وطنی سمیت ہم نے ہر تکلیف برداشت کی۔
ان کا کہنا ہے کہ ہم نہیں جانتے کہ آج وہ تاریخ کے کس کوڑے دان میں پڑے ہیں، ہم نے خدمت کرنا کس سے سیکھا ہے؟ نواز شریف سے سیکھا ہے، آج نواز شریف کہتے ہیں کہ شہباز شریف اور مریم نواز مجھ سے آگے نکل گئے ہیں۔
مریم نواز کا شہروں میں صفائی کی غیر تسلی بخش صورتحال پر شدید برہمی کا اظہار