26نومبراحتجاج کیس‘ سابق چیئرمین کی ہمشیرہ علیمہ خانم پر فرد جرم عائد
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی:۔ انسداد دہشت گردی راولپنڈی کی خصوصی عدالت میں تحریک انصاف کے 26 نومبر کے احتجاج پر تھانہ صادق آباد کے مقدمہ میں نامزد سابق چیئرمین کی ہمشیرہ علیمہ خانم سمیت 10 ملزمان پر فرد جرم عائد کر دی گئی ہے، عدالت نے آئندہ تاریخ پر استغاثہ کے 5 گواہوں کو طلب کرتے ہوئے سماعت 17 اکتوبر تک ملتوی کردی ہے۔
علیمہ خانم کی طرف سے عدالتی دائرہ اختیار چیلنج کرنے کی درخواست پر پراسیکیوشن کے دلائل مکمل کر لئے گئے، عدالت نے تھانہ صادق آباد اور تھانہ نیو ٹائون کے 2 مقدمات میں نامزد قومی اسمبلی کی سابق امیدوار سیمابیہ طاہر کی مسلسل عدم حاضری پر ضمانت خارج کردی ہے اور ملزمہ کو گرفتار کر کے عدالت میں پیش کرنے کا حکم دیا ہے۔
گزشتہ روز تھانہ صادق آباد کے مقدمہ نمبر 3393 میں نامزد علیمہ خانم اپنے وکیل فیصل ملک کے ہمراہ عدالت پیش ہو گئیں۔ اس موقع پر اسپیشل پراسیکیوٹر ظہیر شاہ بھی عدالت میں موجود تھے سماعت کے آغاز پر علیمہ خانم نے انسداد دہشت گردی ایکٹ کی دفعہ 23 کے تحت عدالت کے دائرہ اختیار کو چیلنج کرتے ہوئے نئی درخواست دائر کردی جس میں موقف اختیار کیا گیا کہ ان پر انسداد دہشت گردی ایکٹ لاگو نہیں ہوتا کیونکہ درخواست گزار نے میڈیا کے ذریعے سابق چیئرمین کا پیغام عوام تک پہنچایا جس پر اسپیشل پراسیکیوٹر ظہیر شاہ نے درخواست کی مخالفت میں موقف اختیار کیا کہ یہ درخواست عدالت کے ٹرائل کے عمل کو روک نہیں سکتی۔ پراسیکیوشن کے دلائل مکمل ہونے کے بعد درخواست گزار کے وکیل آئندہ تاریخ پر درخواست پر دلائل دیں گے
پراسیکیوشن کے دلائل مکمل ہونے کے بعد عدالت نے علیمہ خانم، ساجد قریشی، عاطف ریاض، فہیم رزاق، عدالت خان قریشی، مرسلین کیانی، طیب عباس شاہ، عمر شاہ محمد حنیف اور علی رضا پر مشتمل 10 ملزمان پر فرد جرم عائد کردی، ملزمان کو فرد جرم پڑھ کر سنائی گئی تاہم ملزمان نے فرد جرم کی صحت سے انکار کردیا ہے جس پر عدالت نے باقاعدہ ٹرائل کے لئے سب انسپکٹر ظہیر اور اقبال، اسسٹنٹ سب انسپکٹر کاظم رضا اور طارق محمود کے علاوہ کانسٹیبل بابر پر مشتمل 5 گواہان کو 17 اکتوبر کو طلب کرلیا ہے آئندہ تاریخ پر استغاثہ کے گواہوں کے بیانات قلمبند کئے جائیں گے۔
دریں اثنا عدالت نے تحریک انصاف کی مقامی رہنما سمابیہ طاہر کے خلاف تھانہ نیو ٹائون اور صادق آباد میں درج دو مقدمات میں عبوری ضمانت عدم پیروی پر خارج کر دی ہے، اسپیشل پراسیکیوٹر ظہیر شاہ نے عدالت کو بتایا کہ ملزمہ جان بوجھ کر عدالت میں پیش نہیں ہو رہی، ملزمان کے عدم تعاون پر تفتیش بھی آگے نہیں بڑھ رہی جس پر سمابیہ طاہر کی عدم حاضری پر عدالت نے عبوری ضمانت کی درخواست خارج کر دی سمابیہ طاہر کے خلاف 26نومبر احتجاج کے دو مقدمات درج ہیں اسی طرح عدالت نے سانحہ 9 مئی کے 11 مقدمات میں عوامی مسلم لیگ کے سربراہ شیخ رشید سمیت دیگر موجود ملزمان میں چالان کی نقول تقسیم کر دی ہیں جس کے بعد سماعت 29 اکتوبر تک ملتوی کر دی گئی۔
ذریعہ: Jasarat News
کلیدی لفظ: علیمہ خانم عدالت میں عدالت نے
پڑھیں:
عمران خان سے جیل میں ملاقات سے متعلق درخواستوں پر سماعت مکمل،فیصلہ محفوظ
بانی چیئرمین پی ٹی آئی عمران خان سے جیل میں ملاقات سے متعلق درخواستوں پر سماعت مکمل ہونے کے بعد فیصلہ محفوظ کرلیا گیا۔
انسداد دہشت گردی عدالت جج امجد علی شاہ نے سماعت کی، وکیل نے کہا کہ بانی چیئرمین میرے کلائنٹ ہیں ملاقات میرا استحقاق ہے، بانی سے جی ایچ کیو حملہ کیس ویڈیو لنک پر مشاورت کرنا ہے، آج ہفتہ کو ہی ملاقات کرانے کا سپرنٹینڈنٹ کو حکم دیا جائے۔
وکلاء سلمان اکرم راجہ،فیصل ملک ایڈووکیٹس سے ملاقات اجازت دی جائے، گزشتہ 37 روز سے بانی سے کسی کی ملاقات نہیں کرائی جارہی، بہن علیمہ خان کو بھی ملاقات کی اجازت کا حکم دیا جائے، بانی کی ہیلتھ بابت افواہوں پر تشویش ہے ملاقات لازم ہے۔
حکام نے کہا کہ ملاقات کرانا جیل حکام کا کام ہے، جیل مینوئل مطابق کے ملاقات ہوتی ہے، شوکت خانم ہسپتال اکاؤنٹس بحالی کی درخواست علیمہ خان کیس ساتھ منسلک کر دی گئی۔
علیمہ خان کے وکیل فیصل ملک نے اے ٹی سی کے باہر میڈیا سے گفتگو میں کہا کہ آج انسداد دہشت گردی عدالت میں عمران خان کی سات ضمانتیں تھیں، پراسکیوشن نے بہانہ بنایا ریکارڈ موجود نہیں ہے 6 دسمبر تک سماعت ملتوی۔
عمران خان کا میڈیکل بورڈ کی درخواست میں چھ دسمبر ہوگئی ہے، عمران خان سے ملاقات کے لیے درخواست دائر کی تھی کہ کیسز میں ان سے رہنمائی لینی اسکی تاریخ یکم دسمبر ہوگئی ہے،
علیمہ خانم کیس میں عدالتوں میں پیش نہیں ہوئی انکے ذاتی اکاؤنٹ منجمد کرنے کا حکم دیا۔
شوکت خانم کے اکاؤنٹ فریز کر دیے گئے ہیں جہاں سے میڈیسن لی جاتیں ہیں مریضوں کو ادویات نہیں مل رہی ہیں، مریضوں کی زندگیاں خطرے میں اگر ادویات نہ ملنے کی وجہ کسی کی موت ہوتی اسکی جوابدہ حکومت ہے۔
کینسر کے مریضوں کو ادویات نہ ملنے کی وجہ شوکت خانم کے اکاؤنٹ فریز کرنا ہے، عدالت سے استدعا کی ہے انکو فی الفور کھولا جائے، امید کرتے ہیں آج یہ اکاؤنٹ کھولے جائینگے۔
انتخابات پرامن‘ ٹرن آؤٹ کم رہا: چیف الیکشن کمشنر