کے پی اسمبلی میں نئے قائد ایوان کے باوجود علی امین کی کابینہ برقرار
اشاعت کی تاریخ: 14th, October 2025 GMT
پشاور:
خیبر پختونخوا اسمبلی میں نئے قائد ایوان کے انتخاب کے باوجود علی امین گنڈاپور کی کابینہ تاحال برقرار ہے۔
علی امین گنڈاپور کی جانب سے تشکیل کردہ کابینہ کی تحلیل نہ ہو سکی جبکہ انکے مستعفی ہونے پر ان کی کابینہ کو تحلیل کرنے کا نوٹیفکیشن بھی جاری نہیں کیا گیا۔
نوٹیفکیشن جاری نہ ہونے سے کابینہ ارکان برقرار ہیں۔
سرکاری ذرائع کے مطابق حکومت سے ہدایات ملتیں تو نوٹیفکیشن بھی جاری کر دیا جاتا، ممکنہ طور پر موجودہ صورت حال کی وجہ سے ہدایات جاری نہیں کی گئیں ہوں۔
معاملہ الجھنے سے صوبہ خیبر پختونخوا 24 گھنٹے سے چیف ایگزیکٹو سے محروم ہے۔
علی امین کے مستعفی ہونے کے بعد نئے وزیراعلیٰ کا انتخاب گزشتہ روز کیا گیا لیکن حلف نہ ہونے کے باعث سہیل آفریدی وزارت اعلیٰ کا منصب نہیں سنبھال سکے۔
تحریک انصاف نے حلف کے لیے ہائیکورٹ سے رابطہ کر رکھا ہے جبکہ گورنر خیبر پختونخوا کے علی امین کے استعفے پر اعتراضات نے آئینی بحران کھڑا کیا۔
.ذریعہ: Express News
کلیدی لفظ: علی امین
پڑھیں:
ضمنی انتخابات؛ قومی و صوبائی اسمبلی کے کامیاب امیدواروں کے نوٹیفکیشن جاری
الیکشن کمیشن آف پاکستان نے قومی اور صوبائی اسمبلی کے ضمنی انتخابات میں کامیاب امیدواروں کے نوٹیفکیشن جاری کر دیے ہیں۔
قومی اسمبلی کے پانچ اور پنجاب اسمبلی کے سات حلقوں سے کامیاب امیدواروں کے نوٹیفکیشن جاری کیے گئے۔ تاہم این اے 96 فیصل آباد سے بلال چوہدری کا نوٹیفکیشن ابھی جاری نہیں کیا گیا، کیونکہ الیکشن کمیشن نے ضابطہ اخلاق کی خلاف ورزی کے کیس کی وجہ سے انہیں روکا ہوا ہے۔
قومی اسمبلی کے دیگر کامیاب امیدوار یہ ہیں:
این اے 18 ہری پور: بابر نواز خان
این اے 104 فیصل آباد: دانیال احمد
این اے 129 لاہور: محمد نعمان
این اے 143 ساہیوال: محمد طفیل
این اے 185 ڈیرہ غازی خان: محمود قادر خان
صوبائی اسمبلی کے حلقوں میں کامیاب امیدواروں میں شامل ہیں:
پی پی 73 سرگودھا: میاں سلطان علی رانجھا
پی پی 87 میانوالی: علی حیدر نور خان نیازی
پی پی 98 فیصل آباد: اعزاز علی تبسم
پی پی 115 فیصل آباد: محمد طاہر پرویز
پی پی 116 فیصل آباد: احمد شہریار
پی پی 203 ساہیوال: محمد حنیف
پی پی 269 مظفرگڑھ: میاں عالمدار عباس قریشی
الیکشن کمیشن نے ہدایت کی ہے کہ یہ نوٹیفکیشن گزیٹ آف پاکستان میں بھی شائع کیا جائے تاکہ عوامی ریکارڈ میں شامل ہو جائے۔
ٹیلر سوئفٹ عالمی سطح پر اے آئی ڈیپ فیک کا سب سے بڑا ہدف قرار