حکومت کا پٹرول 5 روپے 66 پیسے سستا کرنے کا اعلان
اشاعت کی تاریخ: 15th, October 2025 GMT
اسلام آباد ( اُردو پوائنٹ اخبارتازہ ترین۔ 15 اکتوبر2025ء ) حکومت کا پٹرول 5 روپے 66 پیسے سستا کرنے کا اعلان۔ تفصیلات کے مطابق وفاقی حکومت نے رواں ماہ کے اگلے 16 ایام کیلئے پٹرول اور ڈیزل کی قیمتوں میں کمی کرنے کا فیصلہ کیا ہے۔ اس حوالے وزارت خزانہ کی جانب سے 16 اکتوبر سے 31 اکتوبر تک کیلئے پٹرولیم مصنوعات کی نئی قیمتوں کا نوٹیفیکیشن جاری کر دیا گیا۔
جاری نوٹیفیکیشن کے مطابق پٹرول کی فی لیٹر قیمت میں 5 روپے 66 پیسے جبکہ ہائی اسپیڈ ڈیزل کی فی لیٹر قیمت میں 1 روپے 39 پیسے کمی کر دی گئی۔ یوں پٹرول کی نئی فی لیٹر قیمت 263 روپے 2 پیسے مقرر کر دی گئی۔ جبکہ ہائی اسپیڈ ڈیزل کی نئی فی لیٹر قیمت 275 روپے 41 پیسے مقرر کر دی گئی۔ پٹرولیم مصنوعات کی نئی قیمتوں کا اطلاق آج رات 12 بجے سے ہو گا۔(جاری ہے)
دوسری جانب سردیوں کے باقاعدہ آغاز سے قبل عوام کیلئے مہنگائی کا ایک اور تحفہ، ایل این جی مزید مہنگی کر دی گئی۔
آئل اینڈ گیس ریگولیٹری اتھارٹی (اوگرا)نے وفاقی حکومت کی پالیسی گائیڈ لائنز کے مطابق گیس کمپنیوں کی اکتوبر 2025ء کے لئے ری گیسیفائیڈ لیکوئڈ نیچرل گیس (آر ایل این جی) کی قیمتوں کا تعین کر کے اضافہ کیا ہے جس کا اطلاق یکم اکتوبر 2025ء سے ہوگا۔ بدھ کو اوگرا کی جانب سے جاری نوٹیفکیشن کے مطابق سوئی ناردرن گیس پائپ لائن لمیٹڈ (ایس این جی پی ایل)کے صارفین کے لیے قیمتوں میں گزشتہ ماہ (ستمبر2025ء)کے مقابلے میں آر ایل این جی کی قیمت میں 1.81فیصد یا 0.2173ڈالر فی ایم ایم بی ٹی یو کا اضافہ ہوا ہے جبکہ سوئی سدرن گیس کمپنی لمیٹڈ (ایس ایس جی سی ایل)کے صارفین کے لیے قیمتوں میں ستمبر 2025ء کے مقابلے میں0.2198 ڈالر فی ایم ایم بی ٹی یو یا2فیصد کا اضافہ کیا گیا ہے۔ترجمان اوگرا عمران غزنوی کے بیان کے مطابق آر ایل این جی کی قیمتوں میں اضافہ بین الاقوامی مارکیٹ میں درآمدی قیمتوں (ڈیلیوری ایکس شپ ) کی قیمت میں اضافے کی وجہ سے ہے۔ نوٹیفکیشن کے مطابق ایس این جی پی ایل صارفین کے لیے آر ایل این جی کی اوسط فروخت کی قیمت 12.2300ڈالرفی ایم ایم بی ٹی یو اور ایس ایس جی سی ایل صارفین کے لئے 11.2304 ڈالر فی ایم ایم بی ٹی یو مقرر کی ہے۔
ذریعہ: UrduPoint
کلیدی لفظ: تلاش کیجئے آر ایل این جی فی لیٹر قیمت قیمتوں میں صارفین کے کے مطابق کی قیمت کی نئی
پڑھیں:
پاکستان میں پٹرولیم مصنوعات کی قیمتوں میں بڑی کمی کا امکان، وجہ کیا بنی؟
عالمی سپلائی میں بہتری اور کویت کی الزور ریفائنری کے یونٹس کی بحالی کے باعث قیمتوں میں کمی متوقع ہے۔
میڈیا رپورٹس کے مطابق پٹرولیم مصنوعات کی قیمتوں میں یکم دسمبر 2025 سے اگلے 15 دنوں کے لیے نمایاں کمی کا امکان ہے، جہاں پٹرول اور ڈیزل کی فی لیٹر قیمت میں بالترتیب 3.70 روپے اور 4.28 روپے تک کمی کی توقع ظاہر کی جا رہی ہے۔
رپورٹس کے مطابق عالمی منڈی میں سپلائی کی صورتحال بہتر ہونے کے بعد یہ ریلیف متوقع ہے۔ کویت کی بڑی الزور ریفائنری کے کئی یونٹس کی بحالی نے عالمی سطح پر تیل کی فراہمی میں اضافہ کیا ہے جس کا اثر خطے کی منڈیوں تک پہنچا ہے۔
متوقع نئی قیمتیں پٹرول:45 روپے → 261.75 روپے (کمی 3.70 روپے) ہائی اسپیڈ ڈیزل:44 روپے → 280.16 روپے (کمی 4.28 روپے) مٹی کا تیل:34 روپے → 193.61 روپے (کمی 0.73 روپے) لائٹ ڈیزل آئل:80 روپے → 164.45 روپے (کمی 6.35 روپے)لائٹ ڈیزل آئل کی قیمت میں سب سے زیادہ کمی متوقع ہے۔
گزشتہ 15 روزہ جائزے میں حکومت نے اوگرا کی سفارشات پر پٹرول کی قیمت برقرار رکھی تھی، تاہم ڈیزل کی قیمت میں 6 روپے اضافہ کیا گیا تھا۔ اس اضافے کی وجہ ڈیزل کی عالمی سپلائی کا متاثر ہونا تھا، کیونکہ کویت کی کوٹیس ریفائنری کی مرمت اور الزور ریفائنری کے دو یونٹس کی عارضی بندش نے مارکیٹ میں قلت پیدا کر دی تھی۔
اب یہ یونٹس دوبارہ فعال ہو چکے ہیں جس سے سپلائی بہتر ہوئی ہے اور بین الاقوامی منڈی میں مصنوعات کی قیمتوں پر دباؤ کم ہوا ہے۔
عالمی منڈی کی صورتحال برینٹ کروڈ: 1.44% کمی کے ساتھ 47 ڈالر فی بیرل ڈبلیو ٹی آئی کروڈ: 1.68% کمی کے ساتھ 83 ڈالر فی بیرلحکام کے مطابق خام تیل کی قیمتوں میں کمی اور ریفائنریوں کی بحالی سے پاکستان میں صارفین تک یہ ریلیف منتقل کیے جانے کی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پیٹرول ڈیزل قیمت
ضمنی انتخابات: ن لیگ نے میدان مار لیا، کارکنوں کا جشن، بھنگڑے، مٹھائیاں تقسیم