سینٹرل جیل سے رہا شخص چند لمحوں بعد ہی قتل
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی( اسٹاف رپورٹر ) شہر میں سنگین جرائم کی ایک اور لرزہ خیز واردات سامنے آگئی۔ سینٹرل جیل سے رہائی پانے والے شخص کو رہائی کے چند ہی لمحوں بعد قتل کردیا گیا۔پولیس کے مطابق جمشید کواٹرز تھانے کی حدود میں چھری کے وار کرکے مقتول امیر بخش جو اپنی سزا مکمل کرنے کے بعد سینٹرل جیل کراچی سے باہر نکلا ہی تھا کہ مسلح افراد نے فائرنگ اور چھری کے وار کرکے اسے موت کے گھاٹ اتار دیا۔ مقتول کی شناخت امیر بخش کے نام سے ہوئی ہے جو لاڑکانہ کا رہائشی تھا۔ اور اس نے پسند کی شادی کی تھی، جس کے باعث خاندانی دشمنی پیدا ہوگئی تھی۔ مقتول کو غیر قانونی اسلحہ رکھنے کے الزام میں گلستان جوہر سے گرفتار کیا گیا تھا۔ مقتول جیل سے رہائی حاصل کر کے باہر آیا تھا کہ گھاٹ لگائے ملزمان کا نشانہ بن گیا۔ پولیس کا کہنا ہے کہ امیر بخش کی رہائی کی اطلاع پہلے ہی مخالف گروہ تک پہنچ چکی تھی، جو گھات لگا کر اس کا انتظار کر رہے تھے۔قتل میں ملوث ایک ملزم گلشن ابڑو کو رنگے ہاتھوں گرفتار کرلیا جبکہ اس کے دو ساتھی فرار ہوگئے ۔
ذریعہ: Jasarat News
پڑھیں:
یاسین ملک کی رہائی کے لئے ترک پروڈیوسر نے گیت ریلیز کر دیا
لاہور (نوائے وقت رپورٹ) رہنما یاسین ملک کی اہلیہ مشعال ملک نے شوہر کی رہائی کیلئے تحریک چلانے کا اعلان کردیا۔ میڈیا سے گفتگو کرتے انہوں نے کہا کہ یاسین ملک کو پھانسی سے بچانے کے لئے چند دن رہ گئے۔ انہیں کسی قسم کی دوائی نہیںدی جا رہی۔ حریت رہنما یاسین ملک نے کہا میں اپنا کیس خود لڑوں گا۔ یاسین ملک کی زندگی جیل میں بھی خطرے میں ہے۔ تحریک چلانے میں عوام میرا ساتھ دیں اور دست و بازو بنیں۔ لاہور سے شروع ہونے والی ہر تحریک فتح سے ہمکنار ہوئی پہلگام واقعہ کے بعد بھارتی دہشتگردی سب کے سامنے ہے۔ مودی پاگل اور دہشتگرد ہے جو کشمیر کو ٹارگٹ کر رہا ہے۔ بھارت کلبھوشن یادیو کا مقدمہ عالمی عدالت انصاف میں لیکر گیا کیا وجہ ہے یاسین ملک کا مقدمہ عالمی عدالت انصاف میں نہیں لے جایا جارہا ؟ ہمیں اپنے عظیم حریت رہنماؤں کو بچانا ہے بھارت حریت رہنماؤں کو قتل کرنا چاہتا ہے۔یاسین ملک کی رہائی ترکیہ کے عالمی شہرت یافتہ پروڈیوسر ایوان نے خصوصی گیت ریلیز کر دیا۔ ایوان نے کہا کہ گیت سے مسئلہ کشمیر کے متعلق دنیا کو آگاہ کرنا ہو گا۔ یاسین ملک کی رہائی کے لئے دباؤ بڑھانا ہو گا۔
ضمنی الیکشن میں جیت نوازشریف کے نام کرتی ہوں: مریم نواز