ٹرمپ کو سنبھالنے کا ہنر صرف شہباز شریف کے پاس ہے، برطانوی اخبار کی رپورٹ
اشاعت کی تاریخ: 16th, October 2025 GMT
data-id="863a0a8" data-element_type="widget" data-widget_type="theme-post-content.default">
لندن: برطانوی جریدے دی گارڈین نے اپنی تازہ رپورٹ میں پاکستانی وزیرِاعظم شہباز شریف کی غیر معمولی سفارتی مہارت اور بردباری کی کھل کر تعریف کی ہے۔
رپورٹ کے مطابق غزہ امن سربراہ اجلاس میں امریکی صدر ڈونلڈ ٹرمپ کے غیر متوقع اور بعض اوقات بے ساختہ رویے نے کئی عالمی رہنماؤں کو مشکل میں ڈال دیا، لیکن صرف شہباز شریف وہ رہنما ثابت ہوئے جنہوں نے صورتِ حال کو نہ صرف سنبھالا بلکہ ماحول کو خوشگوار بھی بنا دیا۔
دی گارڈین نے لکھا کہ اجلاس کے دوران ٹرمپ نے بعض مواقع پر غیر رسمی حرکات کیں۔ اطالوی وزیراعظم کی تعریف کرتے ہوئے تقریر روک دی، برطانوی وزیراعظم کئیر اسٹارمر کا مائیک خود سنبھال لیا اور کینیڈا کے وزیراعظم کو مذاق میں “گورنر” کہہ دیا۔ اس دوران اجلاس کا نظم متاثر ہوتا نظر آیا، مگر شہباز شریف کی سفارتی حاضر دماغی نے سب کچھ سنبھال لیا۔
رپورٹ کے مطابق وزیراعظم پاکستان نے اپنی تقریر کے آغاز میں ٹرمپ کی تعریفوں کے چند جملے شامل کیے جس سے امریکی صدر فوری طور پر خوشگوار موڈ میں آ گئے۔ جب ٹرمپ دوبارہ اسٹیج کی طرف بڑھے تو شہباز شریف نے مسکراتے ہوئے نہایت شائستگی سے انہیں روکا اور اپنی تقریر مکمل کی، جس پر ٹرمپ بھی قہقہہ لگانے پر مجبور ہوگئے۔
دی گارڈین کے مطابق یہ منظر اس بات کا ثبوت تھا کہ شہباز شریف نے نہ صرف ڈپلومیسی اور اخلاقی فہم کا مظاہرہ کیا بلکہ امریکا جیسے طاقتور رہنما کے غیر متوقع رویے کو بھی اعتماد اور مہارت سے قابو میں رکھا۔
رپورٹ میں مزید کہا گیا ہے کہ ان کا یہ رویہ پاکستان کے لیے ایک مثبت سفارتی تاثر بن گیا ہے، جس نے عالمی سطح پر پاکستان کی پراعتماد، متوازن اور بردبار قیادت کی چھاپ چھوڑ دی ہے۔
.ذریعہ: Jasarat News
کلیدی لفظ: شہباز شریف
پڑھیں:
مشرق وسطیٰ کے امن معاہدے پر دستخط، پاکستان کا نام بار بار گونجتا رہا
اسلام آباد (نیوز ڈیسک) صدر ٹرمپ نے شرم الشیخ کے عالمی رہنماؤں کے جھرمٹ میں فیلڈ مارشل سید عاصم منیر کو یاد کرکے پاکستان کے دشمنوں کے دلوں پر دھاک بٹھا دی،امریکی صدر نے اپنی تقریر سے پہلے وزیر اعظم شہباز شریف کو اظہار خیال کی دعوت دیدی ،مشرق وسطیٰ کے امن معاہدے پر دستخط پاکستان کا نام بار بار گونجتا رہا،شہباز شریف نے صدر ٹرمپ کو مرد امن قرار دیدیا،پاکستان کے وزیراعظم نے سب کچھ تو کہہ دیا ہے میں اس میں کیا اضافہ کروں،شہباز شریف نے قدآور عالمی رہنما ہونے کا باردگر ثبوت دیدیا،فیلڈ مارشل سید عاصم منیر کے لئے صدر ٹرمپ کی خیر سگالی سے مودی سٹپٹا یا ہوگا جس نے گزشتہ ہفتے جلسہ عام سے خطاب کرتے ہوئے ان سے اپنی فوج پر حملے کا بدلہ لینے کا ارادہ ظاہر کیا تھا۔ پیر کی شب بحیرہ احمر کی ساحلی تفریح گاہ شرم الشیخ میں مشرق وسطیٰ میں امن معاہدے پر دستخطوں کی تقریب کے بعد جب امریکی صدر ڈونلڈ ٹرمپ نے عالمی رہنمائوں کے جھرمٹ میں کھڑے ہو کر پاکستان کی مسلح افواج کے سربراہ فیلڈ مارشل سید عاصم منیر کی عدم موجودگی کا ذکر کرتے ہوئے اپنی تقریر میں انہیں توصیفی طور پر یاد کیا تو نہ صرف شرکا جن میں پاکستان کے وزیراعظم شہباز شریف بھی شامل تھے داد دی بلکہ یہ باور کرادیا کہ وہ پاکستان کی مسلح افواج کی حکمت عملی اور بہادر سپہ سالار کے قرار واقعی طور پر گرویدہ ہیں۔ امریکی صدر ٹرمپ جو برطانوی وزیراعظم سراسٹارمر، اٹلی کی خاتون وزیراعظم جارجیا سیلون، کینیڈا کے وزیراعظم مارک کارنی، فرانس کے صدر ایمنوئل میکرون، جرمنی کے چانسلر فریڈرک مرک، انڈونیشا کے صدر ابو سو بیانتو، ہالینڈ کے وزیراعظم ڈک اسکوف، ترکی کے صدر طیب اردوان قطر کے امیر تمیم حماد الثانی سمیت متعدد عالمی رہنمائوں کے جلو میں کھڑے تھے کہ انہوں نے اچانک پاکستان کے وزیراعظم شہباز شریف کو اپنی تقریر سے پہلے دعوت خطاب دیدیا جو ان کے عقب میں کھڑے تھے۔ شہباز شریف نے اپنے فی البدیہہ خطاب کے ذریعے امریکی صدر کو مرد امن قرار دیا اور کہا کہ انہوں نے نہ صرف پاکستان اور بھارت کی جنگ کو رکوا کر کروڑوں کی زندگی بچائی بلکہ دوسری سات جنگوں کواپنے انجام تک پہنچایا۔ امریکی صدر پاکستان کے وزیراعظم کے خطاب سے واضح طور پر متاثر ہوئے انہوں نے ایک سے زیادہ مرتبہ ان کا شکریہ ادا کیا اور اپنی تقریر کا آغاز اس بات سے کیا کہ وہ (شہباز شریف) سب کچھ تو کہہ گئے ہیں۔ امریکی صدر نے فیلڈ مارشل سید عاصم منیر کے لئے خیرسگالی کے جذبات بھی پہنچانے کے لئے پاکستان کے وزیراعظم سے کہا۔
سندھ ہائیکورٹ میں طلبہ یونین انتخابات کیس کی سماعت، سرکاری وکلا نے مہلت مانگ لی