باجوڑ: وزیراعظم کے معاون خصوصی مبارک زیب کے گھر پر حملہ، اسپیکر ایاز صادق کی مذمت
اشاعت کی تاریخ: 15th, October 2025 GMT
وزیراعظم شہباز شریف کے معاون خصوصی اور رکن قومی اسمبلی مبارک زیب خان کے باجوڑ میں واقع گھر پر نامعلوم افراد نے دستی بم سے حملہ کردیا، حملے میں گاڑی کو نقصان پہنچا تاہم خوش قسمتی سے کوئی جانی نقصان نہیں ہوا۔
ڈی پی او باجوڑ وقاص رفیق پولیس اسکواڈ کے ہمراہ موقع پر پہنچ گئے اور ابتدائی تحقیقات کا آغاز کر دیا، حکام کے مطابق یہ مبارک زیب خان کے گھر پر تیسرا حملہ ہے۔
یہ بھی پڑھیں: سابق ایم پی اے لیاقت علی پر حملہ آور ملزمان گرفتار، سی ٹی ڈی خیبرپختونخوا
دوسری جانب اسپیکر قومی اسمبلی سردار ایاز صادق نے اس واقعے کی شدید الفاظ میں مذمت کی اور مبارک زیب خان سمیت ان کے اہل خانہ کی خیریت پر اطمینان کا اظہار کیا۔
انہوں نے کہا کہ عوامی نمائندوں پر حملے جمہوریت اور آئین کی روح کے منافی ہیں۔
ایاز صادق نے قانون نافذ کرنے والے اداروں کو ہدایت کی کہ واقعے میں ملوث عناصر کو فوری گرفتار کیا جائے اور شفاف و غیر جانبدارانہ تحقیقات یقینی بنائی جائیں۔
یہ بھی پڑھیں: نوشکی: پولیو ٹیم پر نامعلوم افراد کی فائرنگ، ایک پولیس اہلکار شہید
انہوں نے متاثرہ خاندان کو مکمل سیکیورٹی فراہم کرنے کی ضرورت پر بھی زور دیا، اسپیکر نے کہا کہ عوامی نمائندوں اور ان کے اہل خانہ کی سیکیورٹی ریاست کی ذمہ داری ہے۔
ہمیں معاشرے میں برداشت، رواداری اور جمہوری اقدار کو فروغ دینا ہوگا، ریاست ایسے عناصر کو قانون کے کٹہرے میں لائے جو انتشار اور عدم استحکام پیدا کرنا چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news باجوڑ خیبرپختونخوا مبارک زیب معاون خصوصی وزیراعظم شہباز شریف.ذریعہ: WE News
کلیدی لفظ: باجوڑ خیبرپختونخوا معاون خصوصی وزیراعظم شہباز شریف
پڑھیں:
اسپیکر قومی اسمبلی سے اپوزیشن کے سینیٹرز اور اراکینِ قومی اسمبلی کی ملاقات
اسلام آباد:اپوزیشن کے سینیٹرز اور اراکین قومی اسمبلی نے اسپیکر قومی اسمبلی سردار ایاز صادق سے ملاقات کی ہے۔
قومی اسمبلی سیکرٹریٹ سے جاری بیان کے مطابق اپوزیشن سینیٹرز اور اراکین قومی اسمبلی کی اس اہم ملاقات میں شریک اراکین میں سینیٹر علامہ راجا ناصر عبّاس، فیصل جاوید، سابق اسپیکر قومی اسمبلی اسد قیصر اور اراکینِ قومی اسمبلی بیرسٹر گوہر علی خان، اقبال آفریدی، عاطف خان، ڈاکٹر امجد علی خان، سردار لطیف کھوسہ اور محمد جمال احسن خان شامل تھے۔
اسپیکر قومی اسمبلی سردار ایاز صادق نے اپوزیشن کے اراکین کو اپنے چیمبر میں خوش آمدید کہا۔ انہوں نے کہا کہ ہمارا سیاست سے بڑا آپس میں بھائی چارے اور رواداری کا رشتہ ہے۔ 2014ء سے آپ بھائیوں سے رابطے میں ہوں۔ سیاست ساری عمر نہیں ہوتی، یہ ختم ہو جاتی ہے لیکن اراکینِ اسمبلی کا ایسا رشتہ ہونا چاہیے جو ساری زندگی قائم رہے۔
سردار ایاز صادق نے کہا کہ میں نے ہر موقع پر مذاکرات کی بات کی ہے۔ مذاکرات سے ہی سارے مسائل حل ہوں گے۔ بیرسٹر گوہر علی خان نے بانی پی ٹی آئی سے اُن کے خاندان کے افراد کو ملنے کی اجازت دینے کا معاملہ اُٹھایا۔
اپوزیشن وفد کے اراکین نے اسپیکر کی اپوزیشن اور حکومت کے درمیان سہولت کاری کو سراہا۔
امریکی ویزا مسترد ہونے کی وجہ سے خاتون ڈاکٹر نے خودکشی کر لی