باجوڑ میں وزیراعظم کے معاون خصوصی مبارک زیب کے گھر پر دستی بم حملہ
اشاعت کی تاریخ: 15th, October 2025 GMT
باجوڑ میں وزیراعظم کے معاون خصوصی مبارک زیب کے گھر پر دستی بم حملہ، کوئی جانی نقصان نہیں ہو
باجوڑ میں وزیراعظم شہباز شریف کے معاون خصوصی برائے قبائلی امور اور رکن قومی اسمبلی مبارک زیب کے گھر پر ایک اور دستی بم حملہ ہوا ہے۔ پولیس کے مطابق حملہ نامعلوم افراد کی جانب سے کیا گیا، تاہم خوش قسمتی سے کوئی جانی نقصان نہیں ہوا۔
دستی بم گھر کے باہر پھٹا، جس کے نتیجے میں پارکنگ میں کھڑی ایک گاڑی کو نقصان پہنچا۔ پولیس حکام کا کہنا ہے کہ یہ مبارک زیب کے گھر پر تیسرا حملہ ہے، جو سیکیورٹی کے حوالے سے ایک سنجیدہ خطرے کی نشاندہی کرتا ہے۔
واضح رہے کہ مبارک زیب باجوڑ سے تعلق رکھتے ہیں اور وہ پاکستان تحریک انصاف کے سابق کارکن ریحان زیب کے بھائی ہیں، جو گزشتہ سال فروری میں عام انتخابات کے دوران نامعلوم افراد کی فائرنگ سے جاں بحق ہو گئے تھے۔ ان کی شہادت کے بعد حلقہ این اے باجوڑ 8 میں انتخابات ملتوی کر دیے گئے تھے۔
بعد ازاں، اپریل میں ہونے والے ضمنی انتخابات میںمبارک زیب نے آزاد امیدوار کی حیثیت سے الیکشن میں حصہ لیا اور سنی اتحاد کونسل کے امیدوار کو حیران کن شکست دے کر کامیابی حاصل کی۔
مقامی ذرائع کے مطابق، حالیہ حملے کے بعد علاقے میں سیکیورٹی سخت کر دی گئی ہے جبکہ پولیس نے تحقیقات کا آغاز کر دیا ہے تاکہ حملہ آوروں کا سراغ لگایا جا سکے۔
ذریعہ: Daily Mumtaz
کلیدی لفظ: مبارک زیب کے گھر پر دستی بم
پڑھیں:
بنوں: 3 دہشتگرد ہلاک، باجوڑ میں ایم پی اے کے گھر دھماکہ، ایک شخص زخمی
بنوں؍ پشاور (نامہ نگار+ آئی این پی+ بیورو رپورٹ) بنوں پولیس اور ہاتھی خیل قوم کے دہشتگردوں کے خلاف مشترکہ آپریشن میں 3دہشتگرد مارے گئے جبکہ متعدد زخمی ہو گئے۔ بنوں بمقام ترخے اوبہ حدود تھانہ احمد زئی میں دہشتگردوں اور مقامی شہریوں کے درمیان شدید فائرنگ کا واقعہ پیش آیا۔ پولیس، کیو آر ایف، آر آر ایف، اے پی سیز اور آرمی یونٹ کے طویل فائرنگ کے تبادلے کے نتیجے میں علاقے میں سرچ آپریشن مکمل کیا گیا، جس کے دوران تین دہشتگرد مارے گئے، جن کی نعشیں قانونی کارروائی کے لیے ہسپتال منتقل کر دی گئیں۔ دریں اثناء خیبر پی کے کے ضلع باجوڑ کی تحصیل خار کے علاقے راغگان میں پی ٹی آئی کے ایم پی اے سابق صوبائی وزیر انور زیب خان کی رہائشگاہ پر بم دھماکہ کے نتیجے میں ایک شخص زخمی ہوگیا۔ دھماکہ رات اس وقت ہوا جب نامعلوم افراد نے ایم پی اے انور زیب خان کے گھر کے احاطے میں بم نصب کیا۔ ایم پی اے انور زیب خان گھر میں موجود نہیں تھے۔ وزیراعلی خیبر پی کے سہیل آفریدی نے بم دھماکے کی مذمت کرتے ہوئے پولیس اور متعلقہ اداروں کو فوری تحقیقات کی ہدایت کر دی۔ علاوہ ازیں پشاور کے نواحی علاقہ حسن خیل میں گیس پائپ لائن کو بارودی مواد سے اڑانے کا مقدمہ درج کر لیا گیا۔ سی ٹی ڈی پشاور تھانے میں مقدمہ تھانہ متنی کے ایس ایچ او کی مدعیت میں درج کیا گیا۔
مریم نواز کا ضمنی الیکشن میں (ن) لیگ کی شاندار کامیابی پر اظہار تشکر