باجوڑ، پی ٹی آئی رکن صوبائی اسمبلی کے حجرے میں دھماکا
اشاعت کی تاریخ: 27th, November 2025 GMT
BAJAUR:
خیبرپختون خوا کے علاقے باجوڑ میں پاکستان تحریک انصاف (پی ٹی آئی) کے رکن خیبرپختونخوا انور زیب خان کے حجرے میں بارودی مواد کا دھماکا ہوا جہاں ایک شہری زخمی ہوا۔
ڈی پی او باجوڑ وقاص رفیق نے بتایا کہ پی ٹی آئی رکن صوبائی اسمبلی انور زیب کے حجرے میں دھماکے کے نتیجے میں ایک شخص زخمی ہوا۔
انہوں نے کہا کہ ایم پی اے انور زیب خان حجرے میں موجود نہیں تھے تاہم واقعے کی تحقیقات جاری ہیں۔
ڈی پی او نے بتایا کہ دھماکے میں زخمی ہونے والے شہری کو اسپتال منتقل کیا گیا اور ان کی شناخت محمد زیر کے نام سے ہوئی ہے۔
وزیر اعلی خیبر پختونخوا سہیل آفریدی نے باجوڑ میں پی ٹی آئی کے رکن صوبائی اسمبلی انورزیب خان کی رہائش گاہ پر بم دھماکے کی شدید مذمت کی اور پولیس اور متعلقہ اداروں کو دھماکے کی فوری تحقیقات کی ہدایت کی اور آئی جی پولیس سے واقعے کی فوری رپورٹ طلب کر لی۔
سہیل آفریدی نے کہا کہ امن و امان قائم رکھنا حکومت کی اولین ترجیح ہے، اس قسم کے بزدلانہ حملے ہمارے حوصلے پست نہیں کر سکتے۔
وزیراعلیٰ نے زخمی ہونے والے شہری کو فوری اور بہترین طبی سہولیات فراہم کرنے کی ہدایت کی۔
ٹارگٹ کلنگ میں دو افراد جاں بحق
باجوڑ میں پی ٹی آئی رہنما کے حجرے میں دھماکے کے علاوہ ٹارگٹ کلنگ کے دو مختلف واقعات میں 2 افراد جا ں بحق ہو گئے۔
باجوڑ کی تحصیل خار کے ہیڈ کوارٹر خار بازار کے علاقے کوز سر میں نامعلوم افراد نے فائرنگ کرکے 24 سالہ جلال خان جان رحیم کو قتل کردیا گیا، جن کا تعلق تحصیل چم خار سے تھا۔
ریسکیو کے مطابق مسلح ملزمان واردات کے بعد فرار ہونے میں کامیاب ہوگئے تاہم ریسکیو نے لاش خار اسپتال منتقل کی۔
دوسرا واقعہ تحصیل خار کے علاقے جار بانڈا ملکانہ میں پیش آیا جہاں نامعلوم افراد کی فائرنگ سے قرآن پاک فروخت کرنے والا شخص نذیر حسین ولد مولا بخش دم توڑ گئے اور ان کا تعلق خیبرپختونخوا کے ضلع اٹک سے تھا۔
پولیس نے بتایا کہ دونوں واقعات کی تحقیقات شروع کردی گئی ہیں۔
.
ذریعہ
ذریعہ: Express News
کلیدی لفظ: کے حجرے میں پی ٹی آئی
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار