عمران کا بال بھی بیکا ہوا تو دیکھنا عوام ان کا کیا حال کرے گی، علیمہ خان فاتحہ پڑھنے والی بات پر برہم
اشاعت کی تاریخ: 29th, November 2025 GMT
data-id="863a0a8" data-element_type="widget" data-widget_type="theme-post-content.default">
251129-01-21
اسلام آباد /راولپنڈی (مانیٹرنگ ڈیسک)بانی پی ٹی آئی کی بہن علیمہ خان نے کہا ہے کہ عمران خان پر فاتحہ پڑھنے والی بات کرنے والوں کو شرم نہیں آتی؟ کس نے کہا فاتحہ پڑھ لو! اگر عمران خان کا بال بھی ٹوٹا تو پھر دیکھیں عوام ان کا کیا حال کرے گی۔ اسلام آباد ہائی کورٹ میں میڈیا سے گفتگو کرتے ہوئے علیمہ خان نے کہا کہ بدمزگی ہم نے نہیں پولیس اہل کاروں نے کی تھی، پولیس سے کہا آپ بھی ہمارے بچے ہو، ہم کسی طرح بدنظمی نہیں چاہتے، پورے پاکستان کی پولیس، بیورو کریسی اور اداروں کے اندر لوگ دل سے ہمارے ساتھ ہیں۔علیمہ خان نے کہا کہ جوان بچوں کا غصہ دیکھ کر مجھے ڈر لگ رہا ہے، پاکستان کو اس طرح نہ دھکیلیں جہاں عوام کا غصہ کنٹرول میں نہ رہے، چور ڈاکو کو اوپر بیٹھا دیا جائے تو انتشار ہوتا ہے، حکمران انتشار چاہتے ہیں انہیں شرم آنی چاہیے جو کہتے ہیں فاتحہ پڑھ لیں۔ انہوں نے کہا کہ چیف جسٹس سرفراز ڈوگر کی عدالت آج (جمعے کو) صرف 15 منٹ چلی ہے، 3 رکنی بنچ کے حکم کو پولیس مان نہیں رہی یہ توہین عدالت ہے، چیف جسٹس کو اوپن کورٹ میں بات چیت کرنے کا بھی کہا، چیف جسٹس سپریم کورٹ نے کہا کچھ طے کرلو کیا طے کرلیں؟عمران خان کی صحت پر تشویش کے حوالے سے علیمہ خان نے صوبائی محکمہ داخلہ اور آئی جی جیل خانہ جات پنجاب کو خط لکھ دیا۔ بانی پی ٹی آئی کی بہن علیمہ خان نے پنجاب ہوم ڈپارٹمنٹ اور آئی جی جیل خانہ جات پنجاب کو خط لکھا، جس میں عمران خان کی صحت اور حفاظت پر شدید خدشات کا اظہار کیا گیا ہے۔خط میں علیمہ خان نے کہا کہ 4 نومبر کے بعد اہل خانہ کی عمران خان سے کوئی ملاقات نہیں ہوئی‘ ان سے اہل خانہ اور وکلا کی فوری ملاقات کرائی جائے‘ عمران خان کی صحت اور حفاظت کے حوالے سے شفافیت یقینی بنائی جائے کیوں کہ عوام میں شدید تشویش پیدا ہو رہی ہے۔عمران خان سے ملاقات نہ کروانے پر علیمہ خان نے توہین عدالت کی درخواست دائر کردی۔ علیمہ خان نے بانی پی ٹی آئی عمران خان سے ملاقات نہ کروائے جانے پر اسلام آباد ہائی کورٹ میں توہین عدالت کی درخواست دائر کی اور مؤقف اختیار کیا کہ عدالت کے 24 مارچ کے حکم پر عمل درآمد نہیں کیا گیا۔ استدعا کی گئی کہ اسلام آباد ہائی کورٹ کے حکم پر عمل نہ کرنے پر ذمہ داران کو توہین عدالت کی سزا دی جائے۔ درخواست میں سپرنٹنڈنٹ اڈیالہ جیل ، وفاقی سیکرٹری داخلہ و سیکرٹری ہوم ڈپارٹمنٹ پنجاب کو فریق بنایا گیا ہے۔ دوسری جانب، علیمہ خان اور سلمان اکرم راجا کی بانی چیئرمین سے ملاقات کی درخواست پر انسداد دہشت گردی عدالت نے سپرنٹنڈنٹ جیل سے آج (ہفتہ کو) جواب مانگ لیا ہے۔درخواست میں موقف تھا کہ بانی چیئرمین سے جی ایچ کیو حملہ کیس بابت مشاورت کرنی ہے۔
اسلام آباد:عمران خان کی ہمیشرہ علیمہ خان اور وزیراعلیٰ پختونخواسہیل آفریدی پریس کانفرنس کررہے ہیں
ذریعہ: Jasarat News
کلیدی لفظ: علیمہ خان نے کہا عمران خان کی توہین عدالت اسلام ا باد نے کہا کہ
پڑھیں:
سال نو پر بل گیٹس نے زندگی بدل دینے والی کن 5 کتب کو پڑھنے کا مشورہ دیدیا
دنیا کے امیر ترین شخصیات میں سے ایک اور مائیکروسافٹ کے بانی بل گیٹس کے زرخیز ذہن کی وجہ ان کے مطالعے کا جنون کی حد تک شوق ہے اور وہ وقتاً فوقتاً سب کو کتب تجویز بھی کرتے رہتے ہیں۔
نئے سال کا آغاز ہوا ہی چاہتا ہے اور متعدد ممالک میں دسمبر کے آخر میں کرسمس سے لے کر سال کی ابتدا تک طویل چھٹیاں ملتی ہیں۔
بل گیٹس نے ان چھٹیوں کو مفید بنانے کے لیے اس سال بھی نہ صرف خود کتب بینی کا فیصلہ کیا ہے بلکہ سب کو مطالعے کی دعوتِ عام دی ہے۔
بل گیٹس نے نئے سال کی چھٹیوں میں 5 نئی کتب پڑھنے کے لیے ایک فہرست تیار کی ہے جو موسمِ سرما کے لمحاتِ تنہائی اور مطالعے کے لیے موزوں ہیں۔
ان کی منتخب کردہ کتابیں زندگی کے مختلف پہلوؤں کے بارے میں نئے زاویے پیش کرتی ہیں۔
بل گیٹس کے بقول یہ کتب بڑھتی عمر میں مقصد کے حصول، موسمیاتی تبدیلیوں کے سائنسی پہلوؤں، تخلیقی دنیا کے ارتقا، انسانی رویوں کی نفسیات اور امریکا میں سست ہوتے ترقیاتی عمل جیسے بنیادی سوالات کا جائزہ لیتی ہیں۔
گیٹس کی منتخب کردہ کتابوں میں پہلا انتخاب شیلبی وان بیلٹ کا ناول "Remarkably Bright Creatures" ہے، جس کی کہانی ایکویریئم میں کام کرنے والی ایک معمر خاتون اور ایک ذہین آکٹوپس کے درمیان منفرد تعلق کے گرد گھومتی ہے۔
بل گیٹس کا کہنا ہے کہ یہ ناول دنیا کو نئے نقطۂ نظر سے دیکھنے پر مجبور کردے گا۔
فہرست میں شامل دوسری کتاب "Clearing the Air" ہے جس کی مصنفہ ہانا رچی ہیں۔ جو موسمیاتی بحران سے متعلق پچاس اہم سوالات کا سائنسی اور غیر جذباتی انداز میں جواب دیتی ہے۔
بل گیٹس کا کہنا ہے کہ یہ کتاب آب و ہوا کے چیلنج کو حیرت انگیز حد تک واضح کرتی ہے۔
تیسری کتاب امریکی میڈیا کی صنعت کے اہم کردار بیری ڈیلر کی سوانح "Who Knew" ہے۔
بل گیٹس نے اعتراف کیا کہ اس کتاب نے ان کے قریبی دوست کے کیریئر سے متعلق کئی نئے پہلو ان پر کھول دیے خصوصاً یہ کہ کس طرح انھوں نے ٹی وی اور انٹرنیٹ میں بڑی تبدیلیوں کی بنیاد رکھی۔
بل گیٹس کی تجویز کردہ چوتھی کتاب ہارورڈ کے مشہور نفسیات دان اسٹیون پنکر کی "When Everyone Knows That Everyone Knows" ہے۔
یہ کتاب اس بات کی وضاحت کرتی ہے کہ سماج میں مشترکہ طور پر تسلیم شدہ معلومات کس طرح انسانی تعلقات اور اجتماعی فیصلوں پر اثرانداز ہوتی ہیں۔
بل گیٹس کی فہرست میں آخری کتاب "Abundance" ہے، جس کے مصنفین اِزرا کلائن اور ڈیرک تھامسن ہیں۔
یہ کتاب اس مسئلے کا جائزہ لیتی ہے کہ امریکا بڑے ترقیاتی منصوبے بنانے کی تیز رفتار کیوں مدھم پڑ گئی ہے اور ضابطہ جاتی رکاوٹوں میں کمی لا کر کس طرح ترقی کا نیا دور شروع ہو سکتا ہے۔
بل گیٹس کے مطابق یہ کتابیں نہ صرف معلومات فراہم کرتی ہیں بلکہ قاری کے تجسس اور سوچنے کی صلاحیت کو بھی متحرک کرتی ہیں اور یہی وجہ ہے کہ وہ ان کتب کو بہترین مطالعہ قرار دیتے ہیں۔
پاکستان میں اگلے سال تک سولر پینلز کی بجلی نیشنل گرڈ سے تجاوز کریگی