کولمبیا کا بڑا اعلان، منشیات فروشوں سے ضبط شدہ سونا غزہ بھیجا جائے گا
اشاعت کی تاریخ: 17th, October 2025 GMT
بوگوٹا: کولمبیا کے صدر گستاوو پیٹرو نے اعلان کیا ہے کہ منشیات کے اسمگلروں سے ضبط کیا گیا سونا اب غزہ کے متاثرہ فلسطینیوں کی مدد کے لیے بھیجا جائے گا۔
صدر پیٹرو نے سوشل میڈیا پر جاری بیان میں کہا کہ یہ سونا جنگ سے متاثرہ فلسطینی بچوں کے علاج اور غزہ کی تعمیر نو کے لیے استعمال کیا جائے گا۔ ان کے مطابق، یہ اقدام انسانیت اور عالمی یکجہتی کی مثال ہے۔
صدر کا کہنا تھا کہ کولمبیا انسانیت کی بنیاد پر فلسطینی عوام کے ساتھ کھڑا ہے اور وہ غزہ کی بحالی کے لیے عملی اقدامات اٹھا رہے ہیں۔
انہوں نے مزید کہا کہ وہ اقوام متحدہ میں ایک قرار داد پیش کریں گے، جس کے ذریعے غزہ کی تعمیر نو اور بحالی کے لیے عالمی فورس تشکیل دینے کی تجویز دی جائے گی۔
یاد رہے کہ صدر گستاوو پیٹرو کو فلسطین کے مضبوط حامی کے طور پر جانا جاتا ہے۔ وہ ماضی میں اسرائیلی فوجی کارروائیوں اور انسانی حقوق کی خلاف ورزیوں پر سخت تنقید کر چکے ہیں۔
کولمبیا نے گزشتہ سال بھی درجنوں زخمی فلسطینی بچوں کو بوگوٹا کے اسپتالوں میں علاج کی سہولت فراہم کی تھی، جسے عالمی سطح پر سراہا گیا تھا۔
.
ذریعہ: Express News
کلیدی لفظ: کے لیے
پڑھیں:
آسٹریلیا کی ’ٹرمینیٹر‘ تیراکی چیمپیئن ’ایری آرن ٹائٹمس‘ کا حیران کن ریٹائرمنٹ اعلان
آسٹریلیا کی 4 بار کی اولمپک گولڈ میڈلسٹ ایری آرن ٹائٹمس نے محض 25 سال کی عمر میں تیراکی سے ریٹائرمنٹ کا اعلان کر دیا۔
یہ بھی پڑھیں:پاکستانی تیراکوں نے ورلڈ جونیئر سوئمنگ چیمپیئن شپ میں کئی ریکارڈ توڑ ڈالے
یہ فیصلہ نہ صرف آسٹریلیا بلکہ عالمی کھیلوں کی دنیا کے لیے بھی حیران کن ثابت ہوا، کیونکہ وہ لاس اینجلس 2028 اولمپکس میں واپسی کا ارادہ رکھتی تھیں۔
شاندار کیریئر کا اختتام
ٹائٹمس نے جمعرات کے روز اپنے فیصلے کی تصدیق کرتے ہوئے کہا کہ یہ ایک مشکل مگر خوشگوار فیصلہ ہے۔ میں نے تیراکی سے ہمیشہ محبت کی ہے، مگر زندگی میں کچھ چیزیں اب میرے لیے زیادہ اہم ہو گئی ہیں۔
وہ اپنے کیریئر میں آٹھ اولمپک تمغے، چار عالمی ٹائٹل اور بے شمار یادگار کامیابیاں حاصل کر چکی ہیں۔
’ریس آف دی سنچری‘ کی فاتح
ٹائٹمس نے 2024 کے پیرس اولمپکس میں 400 میٹر فری اسٹائل کے فائنل میں امریکی اسٹار کیٹی لیڈیکی اور کینیڈا کی سمر میک انٹوش کو شکست دے کر تیسرا انفرادی سونا جیتا۔
یہ مقابلہ ’ریس آف دی سنچری‘ کہلایا۔ پیرس کے بعد انہوں نے ایک سال کے وقفے کا اعلان کیا اور ورلڈ چیمپئن شپ سے دور رہ کر بطور تبصرہ نگار خدمات انجام دیں۔
صحت کے مسائل اور نئی ترجیحات
اولمپکس سے 8 ماہ قبل ٹائٹمس نے بیضہ دانیوں سے غیرمہلک رسولیاں نکالنے کی سرجری کرائی تھی۔ اس تجربے نے انہیں زندگی کی اہمیت اور کھیل سے باہر کی ترجیحات پر غور کرنے پر مجبور کیا۔
انہوں نے کہا کہ صحت کے مسائل نے مجھے سوچنے پر مجبور کیا کہ میرے لیے کیا سب سے زیادہ اہم ہے۔ میں تیراکی سے آگے بڑھ کر ذاتی زندگی میں بھی بہت کچھ حاصل کرنا چاہتی ہوں۔
آسٹریلوی تیراکی کا نمائندہ چہرہ
ٹائٹمس گزشتہ دو اولمپکس میں آسٹریلوی تیراکی کا چہرہ سمجھی جاتی تھیں۔ ان کی ریٹائرمنٹ سے ٹیم ایک ایسے قائد سے محروم ہو گئی ہے جس نے ملک کو دوبارہ تیراکی کی سپر پاور بنانے میں کلیدی کردار ادا کیا۔
’ٹرمینیٹر‘ کے نام سے شہرت
تسمانیہ میں پیدا ہونے والی ٹائٹمس نے کم عمری میں کوئنز لینڈ کا رخ کیا، جہاں کوچ ڈین باکسل کی تربیت میں انہوں نے غیر معمولی کارکردگی دکھائی۔
2018 کامن ویلتھ گیمز میں 400 اور 800 میٹر کے خطاب جیتنے کے بعد انہیں “ٹرمینیٹر” کا لقب ملا۔
2019 میں انہوں نے لیڈیکی کو عالمی چیمپئن شپ میں شکست دے کر بین الاقوامی سطح پر اپنی پہچان بنائی۔
لیڈیکی کے ساتھ یادگار رقابت
ٹائٹمس اور لیڈیکی کے درمیان مقابلہ تیراکی کی تاریخ کے یادگار ترین ابواب میں شمار کیا جاتا ہے۔ ٹوکیو 2021 میں 400 میٹر فری اسٹائل میں ان کی جیت کو ’تاریخی پلٹ وار‘ قرار دیا گیا۔
یہ بھی پڑھیں:کھیلوں میں عالمی ریکارڈ توڑنا مشکل ہوتا جا رہا ہے، کیوں؟
ریٹائرمنٹ کے بعد لیڈیکی نے انسٹاگرام پر انہیں خراج تحسین پیش کرتے ہوئے لکھا کہ ایک شاندار حریف، چیمپئن اور بہترین انسان!‘۔
نئی منزلوں کی تلاش
ٹائٹمس 200 میٹر فری اسٹائل کی عالمی ریکارڈ ہولڈر کے طور پر کھیل سے رخصت ہو رہی ہیں۔ ان کا کہنا ہے کہ اب وہ اپنی ذاتی زندگی اور نئے اہداف کی تکمیل کے لیے پرجوش ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا اولمپک گولڈ میڈلسٹ ایری آرن ٹائٹمس ٹائٹمس ٹرمینیٹر سوئمنگ
کراچی، اورنگی ٹاؤن میں پولیس مقابلہ، دو زخمی ڈاکو گرفتار