مسٹر بیسٹ اور بالی ووڈ کے تینوں خانز کی ملاقات، ’کیا کوئی بڑا پراجیکٹ آرہا ہے؟‘
اشاعت کی تاریخ: 17th, October 2025 GMT
عالمی شہرت یافتہ یوٹیوبر جمی ڈونلڈسن المعروف ’مسٹر بیسٹ‘ کی بالی ووڈ کے مایہ ناز فنکاروں شاہ رخ خان، سلمان خان اور عامر خان کے ہمراہ تصویر سوشل میڈیا پر وائرل ہوگئی ہے۔
مسٹر بیسٹ نے یہ تصویر اپنی انسٹاگرام اسٹوری پر شیئر کی، جس کے ساتھ انہوں نے لکھا کہ ’ہیلو انڈیا، کیا ہم سب کو اکٹھے کچھ کرنا چاہیے؟‘۔ ان چاروں شخصیات کی ایک ساتھ موجودگی نے سوشل میڈیا پر مداحوں کو حیرت میں مبتلا کر دیا ہے۔
مداحوں نے اس تصویر پر مختلف ردِعمل دیا ایک صارف نے لکھا کہ ’امبانی کے بعد صرف مسٹر بیسٹ ہی ہیں جنہوں نے تینوں خانز کو ایک فریم میں لا کھڑا کیا‘۔ جبکہ ایک اور صارف کا کہنا تھا کہ ’مسٹر بیسٹ اگلے بڑے کولیب کی تیاری میں ہیں کیا؟‘۔
یہ بھی پڑھیں: ’اب ہم جیسوں کا کیا بنے گا‘، معروف یوٹیوبر مسٹر بیسٹ اے آئی سے خوفزدہ
اس تصویر کے بعد یہ قیاس آرائیاں زور پکڑ گئی ہیں کہ شاید مسٹر بیسٹ اور بالی ووڈ کے تینوں خانز کے درمیان کوئی بڑا بین الاقوامی منصوبہ زیر غور ہے، جس کا اعلان جلد متوقع ہے۔
واضح رہے کہ تینوں کو آخری بار ایک ساتھ عامر خان کی فلم ستارے زمین پر کی اسکریننگ میں دیکھا گیا تھا۔ اس کے علاوہ وہ آریان خان کی ڈائریکٹوریل ڈیبیو ویب سیریز میں بھی نظر آئے، اگرچہ انہوں نے کوئی مشترکہ سین نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ سلمان خان شاہ رخ خان عامر خان مسٹر بیسٹ.ذریعہ: WE News
کلیدی لفظ: بالی ووڈ شاہ رخ خان بالی ووڈ
پڑھیں:
پاکستان میں انتہائی ٹیلنٹڈ باکسرز ہیں: باکسر عامر خان
—فائل فوٹوپاکستانی نژاد برطانوی باکسر عامر خان کا کہنا ہے کہ پاکستان میں انتہائی ٹیلنٹڈ باکسرز ہیں۔
لاہور میں میڈیا سے گفتگو کرتے ہوئے انہوں نے کہا کہ لاہور آکر اچھا لگا، یہاں 15 ممالک کے باکسرز نے اس ایونٹ میں شرکت کی، یہاں کے فینز اور سیکیورٹی سب بہترین تھا۔
عامر خان کا کہنا ہے کہ اس چیمپئن شپ سے پاکستان میں کھیلوں کو فروغ ملے گا، میزبانی شاندار تھی، اس سے پاکستان کے ٹورازم میں مدد ملے گی۔
انہوں نے کہا کہ باکسنگ میں پاکستان کا مستقبل روشن ہے، ایک دن پاکستان کا بھی محمد علی اور مائیک ٹائسن جیسا چیمپئن آئے گا، یہاں ہم نے جو مقابلے دیکھے وہ شاندار تھے۔
ان کا کہنا تھا کہ پاکستان آرمی کا بے حد شکر گزار ہوں کہ اتنا اچھا ایونٹ منعقد کیا، پاکستان آرمی نے تمام غیرملکی باکسرز اور مہمانوں کو بہترین سیکیورٹی فراہم کی۔
وی ایکسکلوسیو: نظام کی بقا کے لیے خود کو مائنس کیا ورنہ اسمبلی توڑ دیتا تو آج بھی وزیراعظم ہوتا، چوہدری انوارالحق