وزیراعظم نے مبارکباد کے لیے کال کی، ان سے کہا عمران خان سے ملاقات کروائیں مگر کوئی جواب نہیں ملا، سہیل آفریدی
اشاعت کی تاریخ: 16th, October 2025 GMT
وزیراعلیٰ خیبرپختونخوا علی امین گنڈاپور نے کہا کہ وزیراعظم شہباز شریف نے انہیں وزیراعلیٰ بننے پر کال کرکے مبارکباد دی ہے، میں نے ان سے کہا کہ بانی پی ٹی آئی سے ملاقات کروائیں مگر کوئی جواب نہیں ملا۔
خیبرپختونخوا کے نومنتخب وزیراعلیٰ سہیل آفریدی نے راولپنڈی میں اڈیالہ جیل کے باہر میڈیا سے گفتگو میں کہا کہ صوبائی کابینہ کی تشکیل کا فیصلہ پاکستان تحریک انصاف (پی ٹی آئی) کے بانی عمران خان سے مشاورت کے بعد کیا جائے گا۔
یہ بھی پڑھیں: بانی پی ٹی آئی عمران خان سے پوچھے بغیر کوئی کام نہیں کروں گا، وزیراعلیٰ خیبرپختونخوا سہیل آفریدی
سہیل آفریدی نے کہا کہ وہ بانی چیئرمین سے ملاقات کے خواہش مند ہیں لیکن انہیں اڈیالہ جیل میں ملاقات کی اجازت نہیں دی جا رہی۔
سہیل آفریدی کا کہنا تھا کہ یہ سوچنے کی بات ہے، ایک صوبے کا وزیراعلیٰ اپنے بانی سے ملنا چاہتا ہے مگر اجازت نہیں دی جا رہی، یہ کسی ایک فرد کا نہیں بلکہ جمہوری عمل کا سوال ہے۔
شہباز شریف نے کال کرکے مبارک باد دی، میں کہا عمران خان سے ملاقات کروائیں، ابھی تک ان کا جواب نہیں آیا، سہیل آفریدی کی میڈیا سے گفتگو۔۔۔!!! pic.
— Mughees Ali (@mugheesali81) October 16, 2025
انہوں نے کہا کہ حکومتِ خیبرپختونخوا نے باقاعدہ طور پر وفاقی حکومت اور پنجاب حکومت کو مراسلہ ارسال کیا ہے تاکہ وزیراعلیٰ کی اڈیالہ جیل میں عمران خان سے ملاقات کے لیے ضروری انتظامات کیے جائیں۔
یہ بھی پڑھیں: پاکستان کے جھنڈے کی جگہ پی ٹی آئی کا جھنڈا، نو منتخب وزیراعلیٰ سہیل آفریدی تنقید کی زد میں
انہوں نے کہا کہ یہ کہا جاتا ہے کہ پی ٹی آئی احتجاج کی سیاست کرتی ہے، فرض کریں اگر عدالتیں ہمیں انصاف نہ دیں، ہم انصاف کے تمام دروازے کھٹکھٹائیں اور ہمیں پھر بھی انصاف نہ ملے تو پُرامن احتجاج واحد حل ہے، پی ٹی آئی نے ہمیشہ پُرامن احتجاج کیا ہے۔
ان سے سوال کیا گیا کہ آپ کے اوپر ایڈوائزری کونسل بیٹھا دی گئی ہے تو کیا آپ کو کٹھ پتلی بنایا گیا ہے؟ اس سوال کے جواب میں انہوں نے کہا کہ ایسا کس نے کہا، وزیراعلیٰ میں ہوں، کابینہ بھی میں خود تشکیل دوں گا۔
ان کو قائد اعظم کی تصویر صرف نوٹوں پر نظر آتا ہے میرے آفس میں ان کو قائد اعظم کی تصویر نظر نہیں آئی!!!
وزیراعلی سہیل آفریدی کا اڈیالہ جیل کے باہر میڈیا سے گفتگو pic.twitter.com/zU2ldQkSyY
— Wasim Al Waziri (@wasimwaziri804) October 16, 2025
قائداعظم کی تصویر ہٹانے کے حوالے سے سوال کے جواب میں انہوں نے کہا کہ اس بات میں کوئی سچائی نہیں ہے، جو یہ بات کر رہے ہیں ان کو قائداعظم کی تصویر صرف نوٹوں پر نظر آتی ہے،میرے آفس میں انہیں یہ تصویر نظر نہیں آتی۔ وہاں پر قائداعظم کی تصویر بھی تھی اور پاکستان کا جھنڈا بھی۔
یہ بھی پڑھیں: سہیل آفریدی نے بطور وزیراعلیٰ خیبرپختونخوا عہدے کا حلف اٹھا لیا
عمران خان کی رہائی کے حوالے سے سوال کے جواب میں انہوں نے کہا کہ عمران خان نے مجھے وزیراعلیٰ بنایا ہے، میں یقین دلاتا ہوں کہ میں آپ کو مایوس نہیں کروں گا۔ ہمیں نظم و ضبط کا مظاہرہ کرنا ہے، اپنے قائد کی ہدایات کا انتظار کرنا ہے۔ ہم ایک سیاسی جماعت ہیں اور ہم نے آئین و قانون کے دائرے میں رہ کر بانی کو رہا کروانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اڈیالہ جیل ٹیلیفون راولپنڈی سہیل آفریدی عمران خان وزیراعظم شہباز شریف وزیراعلیٰ خیبرپختونخواذریعہ: WE News
کلیدی لفظ: اڈیالہ جیل ٹیلیفون راولپنڈی سہیل ا فریدی وزیراعظم شہباز شریف وزیراعلی خیبرپختونخوا میں انہوں نے کہا کہ سہیل ا فریدی سہیل آفریدی اڈیالہ جیل سے ملاقات کی تصویر
پڑھیں:
عمران خان کو 4 نومبر سے آئیسولیشن میں رکھا گیا ہے، عالمی میڈیا سے تشویشناک خبریں آرہی ہیں: سہیل آفریدی
عمران خان کو 4 نومبر سے آئیسولیشن میں رکھا گیا ہے، عالمی میڈیا سے تشویشناک خبریں آرہی ہیں: سہیل آفریدی WhatsAppFacebookTwitter 0 30 November, 2025 سب نیوز
اسلام آباد (آئی پی ایس )صوبہ خیبرپختونخوا کے وزیراعلی سہیل آفریدی نے کہا ہے کہ پاکستان تحریک انصاف کے بانی عمران خان کو 4 نومبر سے آئیسولیشن میں رکھا گیا ہے اور بین الاقوامی میڈیامیں ان سے متعلق تشویش ناک خبریں آرہی ہیں۔پشاور میں پریس کانفرنس کرتے ہوئے سہیل آفریدی کا کہنا تھاکہ اسلام آباد ہائیکورٹ کے سامنے احتجاج کریں گے پھراڈیالہ جیل بھی جائیں گے۔
انہوں نے کہا کہ 4 نومبر سے بانی پی ٹی آئی کو آئیسولیشن میں رکھا گیا ہے، بین الاقوامی میڈیا سے بانی پی ٹی آئی سے متعلق تشویش ناک خبریں آرہی ہیں، ہم اڈیالہ گئے وہاں دو منٹ کیلئے نہیں ملنے دیا گیا، ہائیکورٹ بھی گئے پھر بھی ملاقات نہ ہوسکی۔ان کا کہنا تھاکہ پارلیمانی پارٹی اجلاس میں فیصلہ ہوا کہ این ایف سی ایوارڈ میں شرکت کریں گے، وہاں پر ضم اضلاع اور صوبے کی حقوق کیلئے لڑیں گے، 2018 سے اب تک صوبے کو این ایف سی میں اپنا حصہ نہیں مل رہا، ضم اضلاع کو اپنے حق سے محروم کیا جارہا ہے۔
سہیل آفریدی کا کہنا تھاکہ ایک ہزار 350 ارب روپے 7 سال کے وفاق پر این ایف سی ایوارڈ میں واجب الادا ہے، صوبے بھر کے جامعات میں این ایف سی ایوارڈ سے متعلق سیمینار کررہے ہیں، tمام سیاسی جماعتوں کے ساتھ بھی صوبے کے حقوق کیلئے مٹینگ کرنی ہے۔
ان کا مزید کہنا تھاکہ سب کو مل کر صوبے کیلئے لڑنا ہوگا، سیاسی جدوجہد الگ، این ایف سی ایوارڈ سمیت صوبے کے حقوق کیلئے مشترکہ لڑنا ہوگا۔ وزیراعلی نے کہا کہ ہمیں تصادم کی طرف لے جانے کی کوشش ہورہی ہے لیکن ہم نہیں جائیں گے، میں بحیثیت وزیر اعلی اور پارٹی کارکن بھی کام کر رہا ہوں، صوبے کے وزیر اعلی کا نام اسٹاپ لسٹ میں ڈالا گیا، اس صوبے کے وزیر اعلی کے ساتھ امتیازی سلوک کیا جا رہا ہے۔
انہوں نے مزید کہا کہ یہ غلط بات ہیکہ یہاں گڈ گورننس نہیں، یہاں کام ہو رہا ہے اس لیے ہمیں ووٹ ملتا ہے۔سہیل آفریدی کا کہنا تھاکہ تیراہ میں میری خاندانی زمین ہے، ذاتی کوئی زمین نہیں، میرے خلاف پروپیگنڈا کیا جارہا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراٹھارہویں ترمیم اور این ایف سی ایوارڈ کے ساتھ کھیلنے والے آگ کے ساتھ کھیل رہے ہیں: بلاول اٹھارہویں ترمیم اور این ایف سی ایوارڈ کے ساتھ کھیلنے والے آگ کے ساتھ کھیل رہے ہیں: بلاول گردی جنگل کیمپ سے تمام 70 ہزار افغان مہاجرین کو افغانستان بھیج دیا گیا، خالی گھر مسمار کرنے کا عمل شروع راستہ تبدیل نہیں ہوگا، ضرورت پڑی تو اسلام آباد کا رخ کریں گے: مولانا فضل الرحمان کے پی میں گورنر راج کے نفاذ پر غور،قیادت کون کرے گا؟مشاورت جاری انڈر 17 ایشین کپ کوالیفائر: پاکستان نے گوام کیخلاف تاریخی فتح حاصل کرلی قواعد نہ ہونے کے باوجود آئینی عدالت میں اعلی ترین تعیناتیوں کی منظوری، 8 سینئر عہدے تخلیق کر دیے گئےCopyright © 2025, All Rights Reserved
رابطہ کریں ہماری ٹیم
کریڈٹ کارڈ بنانےوالی خاتون سےجنسی زیادتی، نازیبا ویڈیو بنانےوالے مفرور ملزم نےمزید تصاویر وائرل کردیں