فلسطینی عوام کی جدوجہدِ آزادی میں پاکستان ان کے ساتھ کھڑا رہے گا، دفتر خارجہ
اشاعت کی تاریخ: 30th, November 2025 GMT
اسلام آباد(ڈیلی پاکستان آن لائن)پاکستان نے فلسطینی عوام سے اظہارِ یکجہتی کے عالمی دن پر ان کی غیر متزلزل سفارتی حمایت کا اعادہ کیا ہے۔
دفتر خارجہ نے جاری کردہ بیان میں کہا کہ فلسطینی عوام نسلوں سے جارحیت، محرومی اور بدترین انسانی بحران کا سامنا کر رہے ہیں۔
دفتر خارجہ کے مطابق اسرائیلی مظالم نے انسانی ضمیر کو جھنجھوڑ دیا ہے، یہ بربریت برداشت نہیں کی جاسکتی، اسرائیل کے جنگی جرائم اور نسل کشی جیسے اقدامات پر جواب دہی ناگزیر ہے۔
ترجمان دفتر خارجہ نے کہا کہ دو ریاستی حل اور غزہ امن منصوبہ پائیدار امن کا حقیقی موقع فراہم کرتے ہیں، فوری اور مستقل جنگ بندی وقت کی اہم ضرورت ہے۔
پیپلزپارٹی کا یوم تاسیس: صدر مملکت کا پارٹی کے بانی رہنماؤں کو خراجِ عقیدت
ترجمان دفتر خارجہ نے مزید کہا کہ غزہ کی فوری بحالی اور تعمیرِ نو کے لیے غیر مشروط انسانی رسائی یقینی بنائی جائے۔
دفتر خارجہ نے کہا کہ مقبوضہ مغربی کنارے میں اسرائیلی بستیاں دو ریاستی حل کو شدید نقصان پہنچا رہی ہیں، پاکستان اقوام متحدہ کی قراردادوں کے مطابق آزاد، خودمختار ریاستِ فلسطین کے قیام کی حمایت دہراتا ہے۔
دفتر خارجہ کے مطابق پاکستان القدس الشریف کو فلسطین کا دائمی دارالحکومت تسلیم کرتا ہے، فلسطینی عوام کی جدوجہدِ آزادی میں پاکستان ہمیشہ ان کے ساتھ کھڑا رہے گا۔
ایف سی ہیڈ کوارٹرز خودکش دھماکا: تینوں حملہ آوروں کے افغان شہری ہونے کی تصدیق
مزید :.ذریعہ: Daily Pakistan
کلیدی لفظ: دفتر خارجہ نے فلسطینی عوام کہا کہ
پڑھیں:
ہمارےنظریےکی بنیادعوام کی خدمت ہے،بلاول زرداری
data-id="863a0a8" data-element_type="widget" data-widget_type="theme-post-content.default">
کراچی:پاکستان پیپلز پارٹی کے چیئرمین بلاول زرداری نے کہا ہے کہ پی پی پی کا 58واں فاوَنڈیشن ڈے صرف ایک سیاسی جماعت کا یومِ تاسیس نہیں بلکہ جمہوریت، باوقار مساوات اور سماجی انصاف کی جدوجہد سے جنم لینے والی عوامی تحریک کا جشن ہے۔
میڈیا سیل بلاول ہائوس سے جاری پریس ریلیز کے مطابق چیئرمین پی پی پی نے اپنے پیغام میں کہا کہ قائدِ عوام شہید ذوالفقار علی بھٹو کی عوام کو بااختیار بنانے کی تاریخی آواز سے لے کر شہید محترمہ بینظیر بھٹو کی جمہوریت کے لیے بے مثال جدوجہد تک، پاکستان پیپلز پارٹی ہمیشہ مظلوموں کے حقوق کی ڈھال بنی رہی ہے۔
انہوں نے کہا کہ ہماری پارٹی کا سفر ہمارے شہداءکی قربانیوں سے رقم ہے اور ہمارے کارکنوں کی ثابت قدمی و استقامت نے اسے مضبوط بنایا ہے۔
بلاول زرداری نے کہا کہ صدر آصف علی زرداری کی قیادت میں پاکستان نے آئین کی بحالی، تاریخی 18ویں ترمیم، صوبائی خود مختاری اور مفاہمت و جمہوری تسلسل کے لیے بے مثال کامیابیوں کا دور دیکھا۔
انہوں نے اس عزم کا اعادہ کیا کہ پاکستان پیپلز پارٹی غریبوں، محروم طبقات، کسانوں، مزدوروں، خواتین اور اقلیتوں کی آواز بنتی رہے گی۔ انہوں نے مزید کہا کہ ہمارے نظریے کی بنیاد عوام کی خدمت ہے۔ جب تک عدم مساوات، ناانصافی اور غربت موجود ہیں، پیپلز پارٹی کی جدوجہد جاری رہے گی۔
ویب ڈیسک
Faiz alam babar
ضمنی انتخابات: ن لیگ نے میدان مار لیا، کارکنوں کا جشن، بھنگڑے، مٹھائیاں تقسیم