ملٹری اکیڈمی کاکول میں تربیت مکمل کرنیوالے کیڈٹس کا دفاعِ وطن کیلئے ہر قربانی دینےکے عزم کا اعادہ
اشاعت کی تاریخ: 18th, October 2025 GMT
ویب ڈیسک : پاکستان ملٹری اکیڈمی کاکول میں ایک شاندار اور پروقار پاسنگ آؤٹ پریڈ کا انعقاد کیا گیا جس میں تربیت مکمل کرنے والے کیڈٹس نے وطنِ عزیز کے دفاع اور قوم کی خدمت کے لیے ہر ممکن قربانی دینے کے عزم کا اعادہ کیا۔
کاکول میں تقریب کے دوران نوجوان کیڈٹس نے نظم و ضبط، حب الوطنی، اور پیشہ ورانہ مہارت کی اعلیٰ مثالیں پیش کیں۔ کیڈٹس نے کہا کہ پی ایم اے نے اُنہیں نہ صرف عسکری تربیت دی بلکہ کردار، قیادت، اور خدمتِ وطن کا جذبہ بھی پیدا کیا۔
دکی ؛ کوئلے کی کان میں مٹی کا تودہ گرنے سے دو کان کن جاں بحق
اکیڈمی سینئر انڈر آفیسر احمد مجتبٰی عارف راجہ نے کہا کہ "میں نے پاکستان ملٹری اکیڈمی میں قوم سے گہری محبت اور وابستگی کے اظہار کے لیے شمولیت اختیار کی۔ جوش، لگن اور عزم کے ساتھ ہمیشہ قوم کی توقعات پر پورا اترنے کی کوشش کروں گا۔
پریزیڈنٹ گولڈ میڈل حاصل کرنے والے بٹالین سینئر انڈر آفیسر زوہیر حسین نے کہا کہ "پی ایم اے نے شخصیت نکھارنے کے ساتھ قوم کی خدمت، وفاداری اور بہادری کا گہرا احساس پیدا کیا۔"
وزیراعلیٰ سندھ سے قمر زمان کائرہ کی ملاقات،سیاسی صورتحال اور پارٹی امور پر گفتگو
جینٹل مین کیڈٹ سید حاشر حسن نے کہا کہ "پی ایم اے نے حوصلے اور ایمانداری کے ساتھ پاکستان کا دفاع کرنے کا جذبہ پیدا کیا۔"
کورس انڈر آفیسر شہیر علی نے کہا کہ "پی ایم اے میں گزارا وقت ایک بہترین اور سبق آموز سفر رہا جس نے ہمیں چیلنجز سے بھرپور دنیا میں عزت و وقار کے ساتھ خدمت کے لیے تیار کیا۔"
نیپال سے تعلق رکھنے والے کمپنی جونیئر انڈر آفیسر ٹیکراج راوت کو چیئرمین جوائنٹ چیفس آف اسٹاف کمیٹی اوورسیز گولڈ میڈل سے نوازا گیا۔ اُنہوں نے کہا کہ "پاکستان میں اپنے وطن نیپال کی نمائندگی کرنا میرے لیے بے حد اعزاز کی بات ہے۔ یہ سفر نظم و ضبط، دوستی اور ناقابلِ فراموش یادوں سے بھرپور رہا۔"
محمد رضوان کی ون ڈے کی کپتانی خطرے میں، نیا کپتان کون ہوگا؟
کورس انڈر آفیسر سید محمد ہادی نے کہا کہ "مجموعی طور پر بہترین کیڈٹ ہونے پر کمانڈنٹ کین حاصل کرنا فخر کا لمحہ ہے۔ پی ایم اے نے ہمیں مشکل حالات میں ثابت قدم رہنے اور صلاحیتوں کو نکھارنے کا موقع دیا۔"
کورس انڈر آفیسر ہادیہ نے کہا کہ "مجھے اپنے کورس کی بہترین لیڈی کیڈٹ ہونے پر کمانڈنٹ کین سے نوازا گیا، قوم کی خدمت کا خواب دیکھنے والی نوجوان خواتین کے لیے ایک رول ماڈل بننا چاہتی ہوں۔"
بنگلہ دیش سے تعلق رکھنے والی کورس سپورٹس سارجنٹ جنتُ ال ماویٰ کو بہترین فرینڈلی کنٹری لیڈی کیڈٹ قرار دیا گیا۔ اُنہوں نے کہا کہ "پی ایم اے میں تربیت کے دوران ترقی، نظم و ضبط، اور دوستی کا سفر گزرا۔ مشترکہ چیلنجز اور کامیابیوں نے دائمی دوستی کے رشتے کو جنم دیا۔"
پنجاب حکومت کا جدید آپریشنل گاڑیاں خریدنے کا فیصلہ
اکیڈمی اسپورٹس سارجنٹ شاہ فیاض نے کہا کہ "یہ سفر عزم، غیرت اور ایمان کا سفر تھا۔"سارجنٹ عاصم منظور نے کہا کہ "یہ وردی صرف لباس نہیں بلکہ ذمہ داری، عزت اور شہداء کی امانت ہے۔"
کمپنی سارجنٹ میجر محمد ابراہیم نے کہا کہ "پاک فوج میں شمولیت اختیار کرنے کا مقصد قوم کا دفاع اور ملک کی خدمت ہے۔ میرے علاقے بلوچستان کے لوگ کسی بھی میدان میں کسی سے کم نہیں۔"
جینٹل مین کیڈٹ احمد نے کہا کہ "میرے والد اور بڑے بھائی وطن کی بقا کے لیے اپنی جانوں کا نذرانہ پیش کر چکے ہیں، میں بھی انہی روایات کے مطابق ملک کی حفاظت کے لیے جان دینے سے دریغ نہیں کروں گا۔"
ایف آئی اےڈائریکٹرزاورانسپکٹرزخود ہیومن سمگلنگ میں ملوث نکلے
کمپنی جونیئر انڈر آفیسر احمد نعمان نے کہا کہ "بچپن سے اپنے والد صاحب کو اس وردی میں دیکھ کر پاک فوج میں شمولیت کا جذبہ پیدا ہوا۔پریڈ کے اختتام پر پرچم کشائی اور قومی ترانہ گایا گیا۔
.
ذریعہ
ذریعہ: City 42
کلیدی لفظ: پی ایم اے نے انڈر آفیسر نے کہا کہ کے ساتھ کی خدمت قوم کی کے لیے
پڑھیں:
پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا
پاکستان اور آذربائیجان نے دیرینہ دوستی مزید مضبوط بنانے کے عزم کا اعادہ کردیا WhatsAppFacebookX 0 24 July, 2026 سب نیوز
اسلام آباد(سب نیوز)آذربائیجان کے سفیر خضر فرہادوف نے وفاقی وزیر برائے قومی غذائی تحفظ و تحقیق رانا تنویر حسین سے الوداعی ملاقات کی۔
ملاقات کے دوران پاکستان اور آذربائیجان کے درمیان آزمودہ اور برادرانہ تعلقات کو تجارت، سرمایہ کاری، سیاحت، تعلیم، رابطہ کاری اور عوامی خدمات کی فراہمی کے شعبوں میں مزید مضبوط بنانے پر زور دیا گیا۔
دونوں جانب سے حالیہ برسوں کے دوران دوطرفہ تعلقات میں ہونے والی نمایاں پیش رفت کا جائزہ لیا گیا، جس میں اعلیٰ سطحی روابط میں اضافہ، عوامی سطح پر تعلقات کا فروغ، فضائی رابطوں میں بہتری، سیاحت میں وسعت اور اقتصادی تعاون میں اضافہ شامل ہے۔
ملاقات میں سرمایہ کاری، عوامی خدمات، تعلیم اور علاقائی رابطہ کاری کے شعبوں میں تعاون کو مزید گہرا کرنے کے نئے مواقع پر بھی تبادلہ خیال کیا گیا۔
ملاقات میں دونوں ممالک کے درمیان سفری روابط میں تیزی سے ہونے والے اضافے کو بھی اجاگر کیا گیا۔ آذربائیجان کا سفر کرنے والے پاکستانی شہریوں کی تعداد میں اضافہ ہو رہا ہے، جبکہ سیاحت، تعلیم اور کاروباری سرگرمیوں کے فروغ کے لیے فضائی رابطوں کو مزید بہتر بنانے کی کوششیں بھی جاری ہیں۔
دونوں جانب سے اس عزم کا اعادہ کیا گیا کہ مضبوط سیاسی تعلقات کو وسیع تر اقتصادی اور ترقیاتی شراکت داری میں تبدیل کیا جائے گا، جس سے دونوں ممالک کے عوام کو عملی اور ٹھوس فوائد حاصل ہوں۔
فریقین نے تجارت، سرمایہ کاری، تعلیم، سیاحت اور عوامی خدمات میں جدت کے شعبوں میں مسلسل تعاون کی اہمیت پر بھی زور دیا۔
ملاقات کا اختتام پاکستان اور آذربائیجان کے تعلقات کو مزید مضبوط بنانے اور باہمی اعتماد، احترام اور دیرینہ دوستی کی مضبوط بنیاد پر دوطرفہ تعاون کو آگے بڑھانے کے مشترکہ عزم کے ساتھ ہوا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرکیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد اگلی خبرعطاء اللّٰہ خان عیسیٰ خیلوی کا اپنی قبر تیار کرنے کا انکشاف اسپیکر قومی اسمبلی سردار ایاز صادق کی ڈپٹی سیکرٹری وزارتِ خزانہ عائشہ جاوید کو بین الاقوامی اعزاز پر مبارکباد کیوبا کے سفارتخانے میں فوٹو نمائش کے ذریعے فیڈل کاسترو کی صد سالہ تقریبات کا انعقاد چینی وزیر خارجہ سے ملاقات، علاقائی امن کے لیے پاکستان کی سفارتی کوششوں کو سراہنے پر اسحاق ڈار کا اظہارِ تشکر برطانوی ہائی کمیشن میں گلاسگو 2026 دولتِ مشترکہ کھیلوں کے آغاز کی تقریب پاکستان کے زرمبادلہ میں اضافے کے لیے سرمایہ کاری ناگزیر، قونصلیٹ ہر ممکن تعاون کرے گا: قونصل جنرل سید مصطفیٰ ربانی وزیراعظم نے لیفٹیننٹ جنرل عامر رضا کو فور اسٹار جنرل کے عہدے پر ترقی دے دیCopyright © 2026, All Rights Reserved
رابطہ کریں ہماری ٹیم
بھارت سے جنگ اور افغانستان میں کارروائی خارج ازامکان نہیں، وزیردفاع