فیلڈ مارشل سید عاصم منیر کا پریڈ معائنہ ، نمایاں کیڈٹس کو ایوارڈز دیئے
اشاعت کی تاریخ: 18th, October 2025 GMT
کاکول/راولپنڈی (اُردو پوائنٹ اخبارتازہ ترین - این این آئی۔ 18 اکتوبر2025ء) پاکستان ملٹری اکیڈمی (پی ایم ای) کاکول میں ہفتہ کو 152ویں پی ایم اے لانگ کورس،71ویں انٹیگریٹڈ کورس،26ویں لیڈی کیڈٹ کورس اور 37ویں ٹیکنیکل گریجویٹ کورس کے کیڈٹس کی پاسنگ آؤٹ پریڈ منعقد ہوئی۔آئی ایس پی آر کی جانب سے جاری پریس ریلیز کے مطابق عراق، فلسطین، قطر، مالی، نیپال، مالدیپ، سری لنکا، یمن، بنگلہ دیش اور نائجیریا سمیت متعدد دوست ممالک کے کیڈٹس بھی پاکستان ملٹری اکیڈمی سے پاس آئوٹ ہوئے۔
چیف آف آرمی سٹاف فیلڈ مارشل سید عاصم منیر تقریب کے مہمان خصوصی تھے۔چیف آف آرمی سٹاف نے پریڈ کا معائنہ کیا اور نمایاں کیڈٹس کو ایوارڈز دیئے۔ اعزازی شمشیر (سورڈ آف آنر )152ویں پی ایم اے لانگ کورس کے سینئر انڈر آفیسر احمد مجتبیٰ عارف راجہ کو دی گئی۔(جاری ہے)
پریذیڈنٹ گولڈ میڈل بٹالین سینئر انڈر آفیسر زوہیر حسین ( 152ویں پی ایم اے لانگ کورس) کودیا گیا۔
چیئرمین جوائنٹ چیف آف سٹاف کمیٹی اوورسیز گولڈ میڈل دوست ملک کے کمپنی جونیئر انڈر آفیسر ٹیک راج ( 152ویں پی ایم اے لانگ کورس) کو دیا گیا۔ چیف آف آرمی سٹاف مارکسمین میڈل کیڈٹ سید حاشر حسن (152ویں پی ایم اے لانگ کورس)کو دیا گیا۔چیف آف آرمی سٹاف کین کورس انڈر آفیسر شاہیر علی(37ویں ٹیکنیکل گریجویٹ کورس) کو دیا گیا۔ کمانڈنٹ کا اوورسیز میڈل کورس سپورٹس سارجنٹ موسٹ جنت الماوا (26ویں لیڈی کیڈٹ کورس) کو دیا گیا۔ کمانڈنٹ کے کینز کورس انڈر آفیسر سید عبدالہادی(71ویں انٹیگریٹڈ کورس) اور کورس انڈر آفیسر ہادیہ فیاض کو کو دیئے گئے۔.
ذریعہ
ذریعہ: UrduPoint
کلیدی لفظ: تلاش کیجئے چیف ا ف ا رمی سٹاف انڈر ا فیسر کو دیا گیا
پڑھیں:
سونے کی قیمت میں نمایاں کمی،فی تولہ نئی قیمت جانئے
اسلام آباد(نیوز ڈیسک)آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 18 سو روپے سستا ہو گیا ہے، جس کے بعد نئی قیمت 4 لاکھ 32 ہزار 36 روپے ہو گئی ہے۔
اسی طرح 10 گرام سونے کی قیمت بھی ایک ہزار 5 سو 43 روپے کی کمی کے بعد 3 لاکھ 70 ہزار 401 روپے پر آ گئی ہے۔
یاد رہے کہ ایک روز قبل یعنی بدھ کو سونے کی فی تولہ قیمت میں 46 سو روپے کا اضافہ ہوا تھا، جس کے بعد یہ 4 لاکھ 33 ہزار 836 روپے تک پہنچ گئی تھی۔ قبل ازیں منگل کو بھی سونے کی فی تولہ قیمت 4 ہزار 700 روپے اضافے کے بعد 4 لاکھ 29 ہزار 236 روپے ہو گئی تھی۔
بین الاقوامی مارکیٹ میں بھی سونے کی قیمت میں کمی دیکھنے میں آئی، جہاں قیمت 18 ڈالر کم ہو کر 4 ہزار 96 ڈالر فی اونس (20 ڈالر پریمیم کے ساتھ) ہو گئی۔
دوسری جانب چاندی کی قیمت میں بھی کمی ریکارڈ کی گئی ہے، اور فی تولہ چاندی 33 روپے سستی ہو کر 6 ہزار 3 سو 70 روپے پر آ گئی ہے۔
تجزیہ کاروں کے مطابق ملک میں سونے اور چاندی کی قیمتوں میں کمی کی بنیادی وجہ عالمی مارکیٹ میں قیمتوں کے اتار چڑھاؤ اور ڈالر ریٹ کے باعث واقع ہوئی ہے۔
مزید پڑھیں۔پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی