دوطرفہ اور ٹرانزٹ ٹریڈ کے لیے بارڈر پر کسٹم ڈیوٹی کی سخت نگرانی یقینی بنائی جائے، وزیراعظم شہباز شریف
اشاعت کی تاریخ: 3rd, December 2025 GMT
وزیراعظم محمد شہباز شریف کے زیر صدارت کسٹم ڈیوٹی اور تجارتی شعبے میں اصلاحات کے لیے قائم ذیلی ورکنگ گروپ کی سفارشات کا جائزہ اجلاس منعقد ہوا، جس میں ملکی صنعتی پیداوار، برآمدات میں اضافے اور تجارتی عمل میں شفافیت سے متعلق اہم تجاویز پیش کی گئیں۔
اجلاس سے خطاب کرتے ہوئے وزیراعظم نے کہا کہ مقامی صنعت و تجارت کے فروغ اور عوام کے لیے صنعتی مصنوعات کی پیداواری لاگت میں کمی حکومت کی اولین ترجیح ہے۔
انہوں نے اس امر پر افسوس کا اظہار کیا کہ ایکسپورٹ ڈویلپمنٹ فنڈ دہائیوں سے ریسرچ اور تربیت کے لیے مؤثر طریقے سے استعمال نہیں ہوا۔
مزید پڑھیں: ایڈز سے پاک پاکستان کے لیے متحد ہونا ہوگا، ایڈز کے عالمی دن پر وزیراعظم شہباز شریف کا پیغام
وزیراعظم نے ہدایت کی کہ برآمدات اور درآمدات سے متعلق تمام پالیسی سفارشات درست، قابلِ تصدیق اور حقیقت پر مبنی اعدادوشمار کی بنیاد پر تیار کی جائیں۔
انہوں نے کہا کہ حکومت کی منظور کردہ قومی ٹیرف پالیسی ایک ’انقلابی قدم‘ ہے جو ملکی صنعت کو ترقی دینے، سرمایہ کاری میں اضافہ کرنے اور عالمی منڈی میں مسابقت بڑھانے میں کلیدی کردار ادا کرے گی۔
Islamabad: Prime Minister Muhammad Shehbaz Sharif chairs meeting on the briefing by Working Group on reforms in Custom, Tariff and Trade Sector, December 3, 2025.
— Media Talk (@mediatalk922) December 3, 2025
وزیراعظم نے اس بات پر بھی زور دیا کہ دو طرفہ اور ٹرانزٹ تجارت کے لیے بارڈر پر کسٹم ڈیوٹی کی سخت نگرانی یقینی بنائی جائے، تاکہ غیر ضروری رساؤ اور مالی نقصانات کو روکا جا سکے۔
ذیلی ورکنگ گروپ کے نمائندگان، جن میں محمد علی ٹبہ اور دیگر کاروباری رہنما شامل تھے، نے وزیراعظم کو کسٹم اور ٹیکس وصولی سے متعلق مسائل اور تجاویز پر تفصیلی بریفنگ دی۔
ورکنگ گروپ نے بتایا کہ پائیدار، برآمدات پر مبنی معاشی ترقی سرمایہ کاری، پیداواری صلاحیت کے اضافے، حکومتی سرپرستی اور انفراسٹرکچر کی بہتری سے ہی ممکن ہے۔
مزید پڑھیں: آذربائیجان کے صدر سے وزیراعظم شہباز شریف اور فیلڈ مارشل عاصم منیر کی ملاقات
وزیراعظم نے گروپ کی تجاویز کا خیرمقدم کرتے ہوئے متعلقہ وزارتوں اور سرکاری اداروں کو اس سلسلے میں فوری اقدامات کی خصوصی ہدایات جاری کیں۔
اجلاس میں وفاقی وزرا محمد اورنگزیب، عطااللہ تارڑ، ڈاکٹر مصدق ملک، سردار اویس احمد لغاری، احد خان چیمہ، علی پرویز ملک، وزیر مملکت اظہر بلال کیانی، وزیراعظم کے معاون خصوصی ہارون اختر، چیئرمین ایس آئی ایف سی، صنعت و تجارت کے نمائندگان اور سینئر سرکاری حکام شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرانزٹ ٹریڈ کسٹم ڈیوٹی وزیراعظم محمد شہباز شریف
ذریعہ
ذریعہ: WE News
کلیدی لفظ: ٹرانزٹ ٹریڈ کسٹم ڈیوٹی وزیراعظم محمد شہباز شریف کسٹم ڈیوٹی شہباز شریف کے لیے
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ