پی ایم اے کاکول میں شاندار پاسنگ آؤٹ پریڈ؛ فیلڈ مارشل سید عاصم منیر مہمان خصوصی
اشاعت کی تاریخ: 18th, October 2025 GMT
ایبٹ آباد: پاکستان ملٹری اکیڈمی کاکول ایک بار پھر عزم، وقار اور حب الوطنی کے خوبصورت امتزاج کا مظہر بن گیا، جہاں 152ویں پاسنگ آؤٹ پریڈ کی پروقار تقریب منعقد ہوئی۔
اس موقع پر فیلڈ مارشل سید عاصم منیر بطور مہمانِ خصوصی شریک ہوئے، جنہیں پی ایم اے کے چاق و چوبند دستوں نے شاندار انداز میں سلامی پیش کی۔ پریڈ کے آغاز پر نظم و ضبط، تربیت اور عسکری مہارت کی روایتی جھلک دیکھی گئی جو پاکستان آرمی کے اعلیٰ معیار کی علامت سمجھی جاتی ہے۔
تقریب میں لانگ کورس، ٹیکنیکل کورس، لیڈی کیڈٹ کورس اور اینٹیگریٹڈ کورس مکمل کرنے والے کیڈٹس شریک تھے، جنہوں نے برسوں کی سخت تربیت کے بعد اپنے خوابوں کو حقیقت میں بدلتے ہوئے ملک کے دفاع کا عہد دہرایا۔ کیڈٹس کے چہروں پر عزم اور فخر کی چمک نمایاں تھی جبکہ فضا میں “اللہ اکبر” اور “پاکستان زندہ باد” کے نعروں کی گونج سماں باندھ رہی تھی۔
پاسنگ آؤٹ پریڈ میں ملکی و غیر ملکی معززین، مختلف ممالک کے سفرا، اعلیٰ حکومتی شخصیات، عسکری قیادت اور دفاعی اداروں کے نمائندے بڑی تعداد میں شریک ہوئے۔ تقریب میں دفاعی دنیا سے وابستہ افراد اور پاس آؤٹ ہونے والے کیڈٹس کے اہل خانہ بھی موجود تھے۔
تقریب میں فیلڈ مارشل سید عاصم منیر نے پریڈ کا معائنہ کیا اور نوجوان کیڈٹس کے عزم و حوصلے کو سراہا۔
پریڈ کے دوران کیڈٹس نے مارچ پاسٹ اور مختلف عسکری مظاہرے پیش کیے جنہیں حاضرین نے بھرپور داد دی۔ پورے میدان میں حب الوطنی کی فضا طاری رہی، جہاں ہر کوئی ان جوانوں کے جذبے کو سلام پیش کر رہا تھا جو وطن کے دفاع کے لیے اپنے جان و دل کی بازی لگانے کے لیے تیار ہیں۔
یہ تقریب نہ صرف ایک فوجی روایت کی پاسداری کا مظہر ہے بلکہ پاکستان کی نئی نسل کے اس عزم کی بھی نمائندہ ہے کہ وطن کی سرزمین کو کسی بھی خطرے سے محفوظ رکھنا ان کا پہلا اور آخری فرض ہے۔
.ذریعہ: Al Qamar Online
پڑھیں:
فیلڈ مارشل سید عاصم منیر سے ترک وزیر توانائی کی ملاقات، توانائی کے شعبے میں تعاون بڑھانےپرزور
سٹی42: مسلح افواج کے سربراہ فیلڈ مارشل سید عاصم منیر سے ترک وزیر توانائی الپ ارسلان بیرکتار نے جی ایچ کیو میں ملاقات کی۔ اس اہم ملاقات میں باہمی دلچسپی کے امور اور توانائی کے شعبے میں تعاون پر تبادلہ خیال کیا گیا۔
آئی ایس پی آر کنے بتایا کہ مسلح افواج کے سربراہ فیلڈ مارشل سید عاصم منیر سے ترک وزیر توانائی ملاقات کے دوران پاک ترکی توانائی تعاون کے فروغ اور اسٹریٹجک شراکت داری پر بات چیت ہوئی اور دوطرفہ تعلقات مزید مضبوط بنانے اور مشترکہ اہداف پر اتفاق کیا گیا۔
سیمنٹ کی برآمدات میں 26.53 فیصد کی نمایاں کمی ریکارڈ
اس موقع پر فیلڈ مارشل سید عاصم منیر نے پاکستان اور ترکی کے تاریخی برادرانہ تعلقات کو اجاگر کیا۔
ترکی کی جانب سے عالمی فورمز پر پاکستان کی بھرپور حمایت پر اظہارِ تشکر کیا گیا،ترک وزیر توانائی نے توانائی کے شعبے میں تعاون بڑھانے کی خواہش کا اظہار کیا۔پاکستان کی علاقائی امن، استحکام اور پائیدار ترقی کے لیے کوششوں کو سراہا گیا
Waseem Azmet
پاک افغان بارڈر بندش سے پریشان تاجر مدد کیلئے فضل الرحمان کے پاس پہنچ گئے