رسائی کا بحران: معذور افراد کی باعزت زندگی کا سفر مظفرآباد میں ادھورا
اشاعت کی تاریخ: 3rd, December 2025 GMT
ہر سال 3 دسمبر کو دنیا بھر میں معذور افراد کا عالمی دن اس عزم کے ساتھ منایا جاتا ہے کہ معاشرے میں وہ تمام رکاوٹیں ختم کی جائیں جو جسمانی کمزوری کے باعث کسی بھی شہری کو مکمل زندگی گزارنے سے روکتی ہیں۔
لیکن آزاد جموں و کشمیر کے دارالحکومت مظفرآباد میں یہ دن محض ایک رسمی کارروائی محسوس ہوتا ہے کیونکہ شہر میں سہولیات کی وہ بنیادی شکل بھی میسر نہیں جو ایک معذور شہری کی آزادانہ نقل و حرکت کے لیے ضروری ہوتی ہے۔
یہ بھی پڑھیں:
مظفرآباد کی گلیاں، بازار، عوامی دفاتر اور پبلک پوائنٹس وہ تمام بنیادی تقاضے پورے نہیں کرتے جو کسی بھی بیسٹ پریکٹس شہر میں معذور افراد کے لیے لازمی سمجھے جاتے ہیں۔
نہ وہیل چیئر کے لیے تیار شدہ راستے موجود ہیں نہ اسٹیٹ آفسز اور اہم عمارتوں میں رسائی کے لیے ریمپ نہ ہی سڑک پار کرنے کے محفوظ پوائنٹس، جسمانی معذوری کے ساتھ جینے والے شہریوں کے لیے شہر گویا مسلسل رکاوٹوں کا ایک جال بن چکا ہے۔
پیدائشی معذوری کے باعث وہیل چیئر پر انحصار کرنیوالے مظفرآباد کے رہائشی محمد عدیل کے مطابق مسئلہ صرف جسمانی کمزوری کا نہیں بلکہ شہر کے ڈھانچے کی کمزوری کا ہے۔
مزید پڑھیں:
’ہمارے لیے شہر کا ہر راستہ ایک چیلنج ہے، دفاتر میں داخل ہونا ہو بازار جانا ہو یا سڑک پار کرنا ہر جگہ ہمیں یہ احساس دلایا جاتا ہے کہ شاید اس شہر کی تعمیر میں ہماری موجودگی کو کبھی مدنظر ہی نہیں رکھا گیا۔‘
رسائی کے اس بحران کے باعث معذور افراد عملی طور پر اپنے گھروں تک محدود ہونے کو ترجیح دیتے ہیں۔
معذور افراد اس بات پر زور دیتے ہیں کہ حکومت کو رسائی کے مسئلے کو عارضی اقدامات سے نہیں بلکہ مستقل اور سوچے سمجھے منصوبوں کے ذریعے حل کرنا ہوگا۔
وہ چاہتے ہیں کہ شہر کی تعمیر و ترقی میں انہیں برابر شہری سمجھا جائے اور انفراسٹرکچر ایسے اصولوں کے تحت تیار کیا جائے جو ہر فرد کے لیے قابلِ استعمال ہو۔
مزید پڑھیں:
ان کے مطابق مظفرآباد میں وہیل چیئر کے لیے مخصوص راستوں کی فراہمی سرکاری و نجی عمارتوں میں درست زاویے والے ریمپس اور اسپتالوں و تعلیمی اداروں میں مناسب سہولیات کی شمولیت نہ صرف ضرورت ہے بلکہ بنیادی شہری حق ہے۔
جب تک شہری منصوبہ بندی میں یہ نکات شامل نہیں کیے جائیں گے معذور افراد کی شمولیت خود مختاری اور باعزت زندگی کا سفر ادھورا ہی رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آزاد جموں و کشمیر چیلنج رسائی عالمی دن مظفرآباد معذود منصوبہ بندی وہیل چیئر.
ذریعہ
ذریعہ: WE News
کلیدی لفظ: چیلنج عالمی دن وہیل چیئر معذور افراد وہیل چیئر کے لیے
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع