ٹک ٹاکر ایمان پر تشدد اور بال کاٹنے کی اصل وجہ سامنے آ گئی — سالگرہ کی تقریب میں کیا ہوا تھا؟
اشاعت کی تاریخ: 27th, November 2025 GMT
ٹک ٹاکر ایمان پر تشدد اور اس کے بال کاٹنے کے واقعے کی ابتدائی تفتیش میں اہم حقائق سامنے آ گئے ہیں۔ تحقیقات کے مطابق معاملہ ایک سالگرہ کی تقریب کے دوران بظاہر معمولی بات سے شروع ہو کر سنگین صورتحال اختیار کر گیا۔
ذرائع کا کہنا ہے کہ تھانہ نصیرآباد اور تھانہ لوہی بھیر کی حدود میں پیش آئے واقعے میں ایمان کو نظار خان عرف ارمان خان اور اس کے ساتھیوں نے تشدد کا نشانہ بنایا۔ ابتدائی معلومات کے مطابق سالگرہ کی تقریب میں ایمان نے نظار خان کے شادی شدہ ہونے کے باوجود مبینہ طور پر کسی دوسری لڑکی سے اس کے تعلقات کا ذکر کر دیا تھا۔ بدقسمتی سے یہ بات نظار خان کی اہلیہ نے بھی سن لی، جس کے بعد معاملہ بگڑ گیا۔
اسی دوران ملزمان نے ایمان پر تشدد کیا، اس کے بال کاٹے اور واقعے کی ویڈیو بھی بنائی۔ ایف آئی آر کے مطابق چاروں مرکزی ملزمان—نظار خان عرف ارمان خان، انیس خان عرف دورانی، جلیل عرف مٹھو اور جبار خان—تاحال گرفتار نہیں ہو سکے، جبکہ واقعے میں ملوث کچھ لڑکیاں بھی روپوش ہیں۔ اطلاعات کے مطابق ایک ملزم انیس عرف دورانی خیبر پختونخوا فرار ہو چکا ہے۔
ایس ایس پی انویسٹی گیشن ڈاکٹر تنویر سپرا نے ملزمان کی گرفتاری کے لیے چار الگ ٹیمیں تشکیل دے دی ہیں۔ اسلام آباد پولیس کی جانب سے حوالگی میں موجود تین ملزمان سے بھی تفتیش کی جا رہی ہے، جبکہ پولیس نے واقعے کی ویڈیو اور دیگر شواہد کے لیے ملزمان کے موبائل فونز کا ڈیٹا حاصل کرنے کی درخواست متعلقہ اتھارٹی کو دے دی ہے۔
مقدمہ پولیس کی مدعیت میں تھانہ نصیرآباد میں درج کیا گیا ہے۔ تحقیقات میں یہ بھی سامنے آیا کہ سالگرہ کی تقریب میں موجود ثنا نامی لڑکی سمیت چار لڑکیاں اور چار لڑکے بھی واقعے کے وقت وہاں موجود تھے، جن کی تلاش جاری ہے۔ پولیس نے مختلف مقامات پر چھاپے مارے لیکن تاحال کوئی بڑی کامیابی نہیں مل سکی۔
ذرائع کے مطابق ایمان کو تقریب میں اس کی سہیلی ثنا نے اس وجہ سے بلایا تھا کہ اس کا ٹک ٹاک اکاؤنٹ تیزی سے مقبول ہو رہا تھا اور تقریب میں اسے خصوصی طور پر مدعو کیا گیا تھا۔
ذریعہ
ذریعہ: Daily Mumtaz
کلیدی لفظ: سالگرہ کی تقریب کے مطابق
پڑھیں:
ٹرمپ پر قاتلانہ حملے کے بعد منسوخ ہونے والے وائٹ ہاؤس پریس ڈنر کے دوبارہ انعقاد کا فیصلہ
واشنگٹن: امریکی صدر ڈونلڈ ٹرمپ پر قاتلانہ حملے کے بعد منسوخ کر دیے گئے وائٹ ہاؤس پریس ڈنر کو دوبارہ منعقد کرنے کا اعلان کر دیا گیا ہے۔ تقریب اب 24 جولائی کو منعقد ہوگی اور صدر ٹرمپ اس میں شرکت کریں گے۔
امریکی میڈیا رپورٹس کے مطابق صدر ڈونلڈ ٹرمپ نے تقریب میں شرکت کی دعوت قبول کر لی ہے۔ یہ تقریب واشنگٹن میں صحافیوں اور میڈیا نمائندوں کے اعزاز میں منعقد کی جاتی ہے اور امریکی سیاسی و میڈیا حلقوں کی اہم تقریبات میں شمار ہوتی ہے۔
صدر ٹرمپ نے اس حوالے سے اپنے بیان میں کہا کہ وہ ’پاگل عناصر‘ کو اپنی طرزِ زندگی یا اپنے شیڈول میں تبدیلی لانے کی اجازت نہیں دے سکتے۔ ان کا کہنا تھا کہ عوامی سرگرمیاں اور سرکاری تقریبات معمول کے مطابق جاری رہیں گی۔
انہوں نے یہ بھی کہا کہ فی الحال یہ کہنا مشکل ہے کہ آیا وہ تقریب میں پہلے کی طرح سخت اور دوٹوک انداز میں خطاب کریں گے یا نہیں، تاہم اس بارے میں جلد ہی صورتحال واضح ہو جائے گی۔
صدر ٹرمپ کے مطابق یہ تقریب پنسلوانیا ایونیو پر واقع والڈورف آسٹوریا کے بال روم میں منعقد ہوگی۔ انہوں نے کہا کہ اس مقام کی تعمیر میں ان کا بھی کردار رہا ہے۔
یاد رہے کہ رواں سال اپریل میں واشنگٹن میں وائٹ ہاؤس کے میڈیا نمائندوں کے اعزاز میں منعقدہ عشائیے کے دوران فائرنگ کا واقعہ پیش آیا تھا۔ اس واقعے میں صدر ٹرمپ محفوظ رہے جبکہ حملہ آور کو موقع پر گرفتار کر لیا گیا تھا۔
بعد ازاں امریکی حکام نے ملزم پر صدر ڈونلڈ ٹرمپ کو قتل کرنے کی کوشش کا باضابطہ الزام عائد کیا تھا، جس کے بعد سکیورٹی خدشات کے پیش نظر پریس ڈنر کو منسوخ کر دیا گیا تھا۔
اب تقریب کی دوبارہ میزبانی کے اعلان کو صدر ٹرمپ کی معمول کی سرگرمیوں کی بحالی اور سکیورٹی اداروں کے اعتماد کا اظہار قرار دیا جا رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ