ٹی سی ایس ملازم کی جانب سے حساس بینک ڈیٹا کے غلط استعمال کا انکشاف، ویڈیو سوشل میڈیا پر وائرل
اشاعت کی تاریخ: 27th, November 2025 GMT
سوشل میڈیا پر ایک ایسا واقعہ منظرِ عام پر آیا ہے جس میں انکشاف ہوا ہے کہ کس طرح ٹی سی ایس میں کام کرنے والے ایک ملازم نے کورئیر سروس کے ذریعے حاصل کردہ معلومات کا غلط استعمال کیا۔ اس واقعہ کی وائرل ویڈیو نے ڈیٹا سیکیورٹی کی اہمیت کو اجاگر کیا ہے اور واضح کیا کہ صارفین کے بینک اور دیگر حساس ڈیٹا کا تحفظ کس قدر ضروری ہے۔
وائرل ویڈیو میں دکھایا گیا ہے کہ سکندر نامی شخص نے ایچ بی ایل کے ڈیبٹ کارڈ پر موجود معلومات نکال کر ایک خاتون کو مسلسل ہراساں کیا۔ متاثرہ خاتون کے شوہر نے اس معاملے کی ویڈیو بنا کر سوشل میڈیا پر اپلوڈ کر دی، تاکہ اس غیر قانونی اور غیر اخلاقی عمل کو اجاگر کیا جا سکے۔
اب خود بتائیں ان جیسے نامرادوں کا کیا علاج ہونا چاہئے.
— Ather Salem® (@Atharsaleem01) November 26, 2025
متاثرہ شخص کے مطابق، سکندر نے ان کی بیوی کو مسلسل میسجز بھیجے اور گزشتہ دنوں ملاقات کے لیے بھی آئے لیکن وہ اصل میں میری بیوی نہیں مجھ سے بات کر رہا تھا جس کا اسے اندازہ نہیں ہوا۔ ویڈیو بنانے والے نے سکندر کے والد سے بات بھی کی اور سکندر سے سوال کیا کہ کیا ان کے ساتھ بدتمیزی ہوئی یا انہیں مارا گیا، جس کا جواب سکندر نے نفی میں دیا۔
ویڈیو بنانے والے کا کہنا ہے کہ یہ ویڈیو ٹی سی ایس اور ایچ بی ایل کو بھیجی جا رہی ہے تاکہ لوگوں کو یہ باور کرایا جا سکے کہ حساس معلومات اور اپنے اختیارات کا غلط استعمال سنگین نتائج کا سبب بن سکتا ہے۔ ویڈیو میں مزید بتایا گیا کہ سکندر نے متاثرہ شخص سے کہا کہ معاملہ ختم کر دیا جائے کیونکہ ان کی بہن کی شادی قریب ہے۔ تاہم ویڈیو بنانے والے نے واضح کیا کہ یہ ایک مثال کے طور پر پیش کیا جائے گا تاکہ مستقبل میں کورئیر سروسز یا بینکوں میں حساس معلومات کے غلط استعمال سے لوگ باز رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹی سی ایس حساس معلومات ویڈیو وائرل
ذریعہ
ذریعہ: WE News
کلیدی لفظ: ٹی سی ایس حساس معلومات ویڈیو وائرل غلط استعمال ٹی سی ایس
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ