عازمینِ حج کیلیے خوشخبری؛ آبِ زم زم اب آپ کی دہلیز پر
اشاعت کی تاریخ: 18th, October 2025 GMT
سعودی عرب نے ایک بار پھر مسجد الحرام آنے والے اللہ کے مہمانوں کے لیے ایک نئی سہولت کا اعلان کیا ہے۔
سعودی میڈیا کے مطابق وزارت حج و عمرہ نے پہلی بار "زم زم من نسک" کے نام سے ایک نئی سروس کا آغاز کیا ہے۔
اس ایپ کے ذریعے عازمینِ حج اور عام افراد اب چھوٹی بوتلوں (330 ملی لیٹر) میں آبِ زم زم گھر بیٹھے منگوا سکیں گے۔
یہ صرف سہولت نہیں بلکہ روحانی تحفہ ہے ایک مقدس امانت، جو اب محبت اور عقیدت کے ساتھ ہر دروازے تک پہنچائی جائے گی۔
وزیر حج ڈاکٹر توفیق الربیعہ نے اس سروس کا افتتاح کرتے ہوئے بتایا کہ آبِ زم زم محض پانی نہیں، یہ شفا ہے، برکت ہے، دعا ہے۔
انھوں نے مزید کہا کہ اب نسک پلیٹ فارم کے ذریعے صرف چند کلکس کی مدد سے آبِ زم زم کی فراہمی ممکن ہوگی خواہ آپ مکہ میں ہوں، مدینہ میں یا سعودی عرب کے کسی بھی شہر میں مقیم ہوں۔
یاد رہے کہ گزشتہ حج سیزن میں مکہ مکرمہ کی قیام گاہوں پر زم زم وینڈنگ مشینز لگائی گئی تھیں، جہاں عازمین دن میں تین مرتبہ بوتل حاصل کر سکتے تھے۔
تاہم اب سے یہ مقدس پانی صرف ایک ایپ کی بدولت ہر گھر اور ہر زائر تک پہنچا دی جائے گی۔
.
ذریعہ: Express News
پڑھیں:
ایک ساتھ 2 چھٹیاں، عوام کے لئے بڑی خوشخبری
data-id="863a0a8" data-element_type="widget" data-widget_type="theme-post-content.default">
اسلام آباد: وفاقی حکومت نے رواں سال کے دوران ہی سرکاری تعطیلات کے حوالے سے نوٹیفکیشن جاری کر دیا ہے، جس میں یوم قائداعظم اور کرسمس کے بعد کی تعطیلات کی تفصیلات شامل ہیں۔
میڈیا رپورٹس کےمطابق جاری کردہ نوٹی فکیشن میں بتایا ہےکہ 25 دسمبر 2025 بروز جمعرات کو یوم قائداعظم کی عام تعطیل ہوگی، جس میں وفاقی اداروں، دفاتر اور سرکاری محکمہ جات میں تعطیل ہوگی، اس موقع پر ملک بھر میں قائداعظم محمد علی جناح کی یاد میں خصوصی تقریبات اور پروگرام منعقد کیے جائیں گے۔
دوسری جانب، 26 دسمبر 2025 بروز جمعہ کو مسیحی برادری کے لیے کرسمس کے بعد کی عام تعطیل ہوگی، جس میں مسیحی ملازمین کو سرکاری دفاتر میں غیر حاضری کی اجازت ہوگی۔ اس روز ملک بھر میں چرچ میں خصوصی عبادات اور تقریبات منعقد کی جائیں گی۔
وفاقی حکومت کی جانب سے جاری یہ نوٹیفکیشن سرکاری و نجی ملازمین، طلبہ اور عوام کو تعطیلات کے شیڈول سے آگاہ کرنے کے لیے کیا گیا ہے تاکہ وہ اپنی ذاتی اور پیشہ ورانہ منصوبہ بندی آسانی سے کر سکیں۔
مزید براں اس سال کے دوران دیگر سرکاری تعطیلات کا شیڈول بھی مختلف محکمہ جات اور ریاستی اداروں کو بروقت فراہم کر دیا جائے گا تاکہ کسی بھی قسم کی الجھن یا انتظامی مشکلات سے بچا جا سکے۔
یہ نوٹیفکیشن وفاقی حکومت کی جانب سے عوامی سہولیات کو مدنظر رکھتے ہوئے بروقت جاری کیا گیا ہے تاکہ شہری اور ملازمین تعطیلات کی منصوبہ بندی کر سکیں اور ملکی تعطیلات کے دنوں کو بہتر طریقے سے استعمال کیا جا سکے۔
پاکستان ہمارا دوسرا گھر، فلسطین کے مسئلے کا پرامن حل ضروری ہے، ایران