سہ ملکی سیریز میں افغانستان کے نکلنے کے بعد زمبابوے کی شمولیت، شیڈول بھی جاری ہوگیا
اشاعت کی تاریخ: 18th, October 2025 GMT
سہ ملکی سیریز میں افغانستان کے نکلنے کے بعد زمبابوے کی شمولیت کے بعد سیریز کا باضابطہ شیڈول جاری کردیا گیا ہے۔
یہ بھی پڑھیں: سہ فریقی سیریز: افغانستان کی طرف سے عدم شرکت کے اعلان کے بعد پی سی بی کا بڑا فیصلہ آگیا
زمبابوے کرکٹ بورڈ نے پاکستان کرکٹ بورڈ (پی سی بی) کی دعوت قبول کرتے ہوئے پاکستان میں ہونے والی سہ ملکی ٹی ٹوئنٹی سیریز میں شرکت کی تصدیق کر دی ہے، جس میں سری لنکا کی ٹیم بھی شریک ہوگی۔ یہ سیریز 17 سے 29 نومبر تک راولپنڈی اور لاہور میں کھیلی جائے گی۔
یہ پاکستان کی سرزمین پر ہونے والی پہلی سہ ملکی ٹی 20 سیریز ہوگی، جس کا مقصد اگلے سال بھارت اور سری لنکا میں ہونے والے آئی سی سی مینز ٹی 20 ورلڈ کپ کی تیاری کے لیے تینوں ٹیموں کو عملی تجربہ فراہم کرنا ہے۔
سیریز کا آغاز 17 نومبر کو پاکستان اور زمبابوے کے درمیان راولپنڈی کرکٹ اسٹیڈیم میں میچ سے ہوگا، دوسرا میچ 19 نومبر کو اسی مقام پر سری لنکا اور زمبابوے کے درمیان کھیلا جائے گا۔
یہ بھی پڑھیں: ون ڈے ٹیم کے کپتان کی تبدیلی کا فیصلہ کب ہوگا؟ ترجمان پی سی بی نے بتا دیا
ان ابتدائی 2 میچز کے بعد سیریز کے بقیہ پانچ میچز لاہور کے قذافی اسٹیڈیم میں ہوں گے، جہاں 29 نومبر کو فائنل بھی کھیلا جائے گا۔
17 نومبر: پاکستان بمقابلہ زمبابوے – راولپنڈی کرکٹ اسٹیڈیم
19 نومبر: سری لنکا بمقابلہ زمبابوے – راولپنڈی کرکٹ اسٹیڈیم
22 نومبر: پاکستان بمقابلہ سری لنکا – قذافی اسٹیڈیم لاہور
23 نومبر: پاکستان بمقابلہ زمبابوے – قذافی اسٹیڈیم لاہور
25 نومبر: سری لنکا بمقابلہ زمبابوے – قذافی اسٹیڈیم لاہور
27 نومبر: پاکستان بمقابلہ سری لنکا – قذافی اسٹیڈیم لاہور
29 نومبر: فائنل – قذافی اسٹیڈیم لاہور
اس سے قبل افغانستان کرکٹ بورڈ (اے سی بی) نے باضابطہ طور پر سہ ملکی ٹی20 ایونٹ سے دستبرداری کا اعلان کرتے ہوئے کہا تھا کہ موجودہ حالات میں وہ شرکت نہیں کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغانستان پاکستان ٹی 20 زمبابوے سری لنکا سہ ملکی سیریز کرکٹ.ذریعہ: WE News
کلیدی لفظ: افغانستان پاکستان ٹی 20 زمبابوے سری لنکا سہ ملکی سیریز کرکٹ قذافی اسٹیڈیم لاہور پاکستان بمقابلہ بمقابلہ زمبابوے سری لنکا سہ ملکی کے بعد
پڑھیں:
ٹی20 ورلڈ کپ سے قبل قومی کرکٹ ٹیم کے دورہ سری لنکا کا اعلان
ٹی20 ورلڈکپ سے قبل پاکستان کرکٹ بورڈ نے ٹیم کے دورہ سری لنکا کا اعلان کردیا۔
پی سی بی کے ترجمان کے مطابق قومی ٹیم 3 ٹی20 میچوں کی سیریز کھیلنے کے لیے سری لنکا روانہ ہوگی۔
یہ میچز 7، 9 اور 11 جنوری کو دمبولا میں شیڈول ہیں اور ورلڈکپ کی تیاریوں کا حصہ سمجھے جا رہے ہیں۔
یاد رہے کہ آئی سی سی نے 25 نومبر کو 2026 کے مینز ٹی20 ورلڈکپ کا شیڈول جاری کیا تھا۔
بھارت اور سری لنکا میں منعقد ہونے والا یہ دسواں ایڈیشن 20 ٹیموں کے درمیان 2024 والے فارمیٹ کے مطابق کھیلا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان سری لنکا ٹی20 ورلڈ کپ دورے کا اعلان قومی کرکٹ ٹیم وی نیوز
ضمنی انتخابات میں ٹرن آؤٹ کتنا رہا؟ اعداد و شمار جاری