پاکستان وائٹ بال کرکٹ ٹیم کا غیر ملکی سپورٹ اسٹاف چھٹیوں پر چلا گیا
اشاعت کی تاریخ: 1st, December 2025 GMT
ہیڈ کوچ پاکستان وائٹ بال کرکٹ ٹیم مائیک ہیسن کے بعد پاکستان وائٹ بال کرکٹ ٹیم کا غیر ملکی سپورٹ اسٹاف چھٹیوں پر چلا گیا۔
ذرائع کے مطابق چھٹیوں پر جانے والے اسٹاف میں بولنگ کوچ ایشلے نوفکے، فیلڈنگ کوچ شین میکڈرمٹ، فزیو کلف ڈیکن اور اسٹرنتھ اینڈ کنڈیشنگ کوچ گرانٹ لوڈن شامل ہیں۔
غیر ملکی سپورٹ اسٹاف کے اراکین اپنے اپنے وطن میں فیملی کے ساتھ چھٹیاں گزاریں گے، غیر ملکی سپورٹ اسٹاف کرسمس اور نیو ایئر منانے کے بعد ٹیم کو جوائن کرے گا۔
پاکستان وائٹ بال ٹیم کی مصروفیات نہ ہونے کی وجہ سے اسٹاف چھٹیوں پر گیا ہے، پاکستان ٹی ٹوئنٹی اسکواڈ نے جنوری کے پہلے ہفتے میں سری لنکا کا دورہ کرنا ہے۔
واضح رہے کہ ہیڈ کوچ مائیک ہیسن ٹرائی سیریز کے فائنل کے بعد ہی نیوزی لینڈ روانہ ہوگئے تھے۔
.ذریعہ: Daily Mumtaz
کلیدی لفظ: پاکستان وائٹ بال چھٹیوں پر
پڑھیں:
کرکٹ سے محبت کرنے والے ملک کا ’اکلوتا ٹینس اسٹار‘ اعصام الحق کا پروفیشنل سفر ختم
پاکستان کے ٹینس کا چمکتا ہوا ستارہ اعصام الحق نے پروفیشنل ٹینس سے ریٹائرمنٹ کا اعلان کر دیا۔ اعصام الحق نے پاکستان کی نمائندگی کرتے ہوئے اے ٹی پی سرکٹ میں کھیل کا شرف حاصل کیا۔ پی ٹی ایف ٹینس کمپلیکس میں کھیلے گئے چیلنجرز کپ کے ڈبلز مقابلوں کے سنسنی خیز فائنل میں پاکستانی جوڑی اعصام الحق اور مزمل مرتضیٰ کو سخت مقابلے کے بعد شکست کا سامنا کرنا پڑا اور اعصام الحق اپنے آخری انٹرنیشنل ایونٹ کا فائنل نہ جیت سکے۔
یہ بھی پڑھیں:قومی ٹینس اسٹار اعصام الحق کا اپنے آخری ٹورنامنٹ میں نیا سنگ میل
تاریخ میں پہلی بار اے ٹی پی چیلنجر کپ کا پاکستان میں انعقاد ہوا، اور مینز ڈبلز میں پاکستانی جوڑی نے رسائی حاصل کی۔ ایونٹ کے ڈبلز فائنل میں چیک ریپبلک کے ڈومینک پلان اور قازقستان کے ڈینس ایوسیو نے شاندار کارکردگی دکھاتے ہوئے فائنل 6-7 اور 4-6 سے اپنے نام کیا۔
ڈبلز ایونٹ کے اختتام کے ساتھ ہی پاکستان کے مایہ ناز ٹینس اسٹار اعصام الحق انٹرنیشنل ٹینس سرکٹ سے ریٹائرڈ ہو گئے، جس پر شائقینِ ٹینس نے انہیں خراج تحسین پیش کیا۔
واضح رہے کہ پاکستان پہلی مرتبہ اے ٹی پی چیلنجرز کپ کی میزبانی کر رہا ہے، جسے ملکی ٹینس کے لیے ایک اہم سنگِ میل قرار دیا جا رہا ہے۔ اے ٹی پی چیلنجرز کپ کے سنگلز مقابلوں کا فائنل اتوار کو کھیلا جائے گا۔
Frpm having covered @aisamhqureshi from his early days to his ascent to GrandSlam Finals n to calling him on stage for the very last time was def a very fulfilling experience.
What him and his family have done for Tennis in Pak is absolutely unmatched!!
Go well champ ???? #Legend pic.twitter.com/VWnAzFX7xo
— altamish jiwa (@altamishjiwa) November 27, 2025
اپنے آخری ٹورنامنٹ کے اختتام پر گفتگو کرتے ہوئے اعصام الحق نے کہا کہ پاکستان کا نام روشن کرنے پر بہت خوشی ہے اور سب کی سپورٹ پر وہ شکر گزار ہیں۔ انہوں نے کہا کہ پاکستان میں ہونے والا ڈیوس کپ ان کے لیے یادگار رہے گا اور ان کی سب سے بڑی کامیابی یو ایس اوپن فائنل میں راجر فیڈرر کو شکست دینا تھی۔
اعصام الحق نے کہا کہ کرکٹ کے شائقین والے ملک میں نام بنانا مشکل تھا، لیکن محنت کے بل بوتے پر کامیابی حاصل کی۔ وہ نئے کھلاڑیوں کو زیادہ سے زیادہ پروموٹ کرنے اور پاکستان میں مزید انٹرنیشنل ٹورنامنٹس لانے کی کوشش کریں گے۔ اب ان کی مکمل توجہ بطور صدر پی ٹی ایف کھیل کے فروغ پر مرکوز رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعصام الحق اے ٹی پی چیلنجر کپ ٹینس
دیوبند کا سب سے بڑا محسن : محمد علی جناح