جاپان میں نہانے کے لیے جدید ‘انسانی واشنگ مشین’ متعارف، یہ کیسے کام کرتی ہے؟
اشاعت کی تاریخ: 1st, December 2025 GMT
جاپان کی ایک ٹیکنالوجی کمپنی نے جدید کیپسول طرز کی ‘انسانی واشنگ مشین’ مارکیٹ میں متعارف کرائی ہے، جس نے اوساکا کے عالمی ایکسپو میں خاصی توجہ حاصل کی تھی۔
یہ کیپسول صارفین کو اندر لیٹنے اور ڈھکن بند کرنے کی سہولت دیتا ہے، اس کے بعد وہ مکمل آرام کے ساتھ جسمانی صفائی کا لطف اٹھا سکتے ہیں اور پرسکون موسیقی کے ساتھ آرام دہ تجربہ حاصل کر سکتے ہیں۔
اس مشین کو ‘مستقبل کی انسانی واشر’ کے نام سے بھی جانا جا رہا ہے۔ 6 ماہ تک جاری رہنے والے اوساکا ایکسپو کے دوران، جس میں 27 ملین سے زائد زائرین شامل ہوئے، اس نے لوگوں کی توجہ اپنی جانب مبذول کرائی۔ یہ مشین 1970 کے اوساکا ایکسپو میں پیش کی گئی ایک مشین کا جدید ورژن ہے، جسے کمپنی کے موجودہ صدر نے بچپن میں دیکھا تھا۔
کمپنی کی ترجمان سچیکو مائیکورا کے مطابق، یہ مشین صرف جسمانی صفائی ہی نہیں بلکہ ‘روح کی صفائی’ بھی کرتی ہے اور دوران استعمال صارف کے دل کی دھڑکن اور دیگر اہم علامات کو سینسرز کے ذریعے مانیٹر کرتی ہے۔
اوساکا کے ایک ہوٹل نے پہلے یونٹ کی خریداری کی ہے تاکہ اپنے مہمانوں کو یہ منفرد سروس فراہم کی جا سکے۔
انسانی واشنگ مشین کیسے کام کرتی ہے؟۔کیپسول میں داخلہ: صارف 2.
۔خودکار صفائی: مشین مائیکروببلز اور باریک جھرمٹ کے ذریعے جسم کو نرم طریقے سے صاف کرتی ہے۔
۔صحت کی نگرانی: سینسرز دورانِ صفائی صارف کی حیاتیاتی علامات کو ٹریک کرتے ہیں۔
۔آرام دہ تجربہ: صفائی کے دوران پرسکون مناظر اور موسیقی چلائی جاتی ہے۔
۔خشک کرنا: صفائی کے بعد مشین خودکار طریقے سے جسم کو خشک کرتی ہے۔
۔ترو تازہ باہر نکلنا: تقریباً 15 منٹ میں صارف مکمل طور پر صاف، آرام دہ اور مانیٹر شدہ حالت میں باہر آتا ہے۔
جاپان کے الیکٹرانکس ریٹیلر یماڈا نے بھی ایک یونٹ خرید لیا ہے، جسے 25 دسمبر سے ڈسپلے اور تجربہ کارنر کے طور پر پیش کیا جائے گا۔ کمپنی اس کی محدود تعداد میں صرف 50 یونٹس تیار کرے گی۔ مقامی میڈیا کے مطابق قیمت تقریباً 60 ملین ین (تقریباً 385,000 ڈالر) رکھی گئی ہے۔
کمپنی کے چیئرمین یاسوآکی آویاما کا کہنا ہے کہ ہم چاہتے ہیں کہ وہ لوگ جو ایکسپو میں نہیں آ سکے، وہ بھی اس جدید ٹیکنالوجی کا تجربہ کر سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹیکنالوجی جاپان صفائی واشنگ مشینذریعہ: WE News
کلیدی لفظ: ٹیکنالوجی جاپان صفائی واشنگ مشین واشنگ مشین کرتی ہے
پڑھیں:
پنجاب: وزیراعلیٰ سپیشل اینیشیٹو برائے کینسر پیشنٹ کارڈ متعارف کرانے کا فیصلہ
وزیراعلیٰ پنجاب مریم نواز شریف نے صوبے میں تاریخی قدم اٹھاتے ہوئے کینسر اور دل کے عارضے میں مبتلا مریضوں کے علاج کیلئے ’وزیراعلیٰ سپیشل اینیشیٹو کارڈ‘ متعارف کرانے کا فیصلہ کر لیا۔وزیراعلیٰ مریم نواز شریف کی زیرصدارت اجلاس ہوا جس میں کینسر اور کارڈیک سرجری کے لئے خصوصی کارڈ متعارف کرانے کا فیصلہ کیا گیا۔اس موقع پر سیکرٹری سپیشلائزڈ ہیلتھ کیئر اینڈ میڈیکل ایجوکیشن نے وزیراعلیٰ مریم نواز شریف کو تفصیلی بریفنگ دی۔بریفنگ میں بتایا گیا کہ پنجاب میں کینسر اور دل کے عارضہ میں مبتلا افراد کے علاج کا مکمل خرچ حکومت ادا کرے گی، مہنگے علاج کے خوف سے بے فکر امراضِ قلب میں مبتلا ہر مریض سی ایم سپیشل اینیشیٹو کارڈ کے ذریعے 10 لاکھ تک کے علاج کی سہولت حاصل کرے گا۔پہلے مرحلے میں 45 ہزار مریضوں کو نیا سی ایم سپیشل اینیشیٹو کارڈ جاری کیا جائے گا، جس کے بعد یہ مریض مہنگے اور پیچیدہ علاج کے مالی بوجھ سے آزاد ہو جائیں گے، چیف منسٹر کارڈیک سرجری پروگرام کے تحت کارڈ ہولڈرز کی مفت کارڈیک سرجری کی جائے گی۔وزیراعلیٰ پنجاب مریم نوازشریف نے سٹروک / فالج کے بروقت علاج کے لئے پروگرام پلان طلب کر لیا۔بریفنگ میں کہا گیا کہ 17 جنوری تک نواز شریف انسٹیٹیوٹ کینسر ٹریٹمنٹ اینڈ ریسرچ لاہور کے او پی ڈی بلاک کو فعال کر کے ہزاروں مریضوں کی زندگی بچانے کا عزم پورا کیا جائے گا، انسٹیٹیوٹ آف کینسر ٹریٹمنٹ اینڈریسرچ کے بورڈ آف گورنر نے پہلے مرحلے میں 219 اسامیوں پر بھرتی کی منظوری دے دی۔نواز شریف انسٹیٹیوٹ آف کارڈیالوجی سرگودھا میں آئی پی ڈی، ایمرجنسی، پتھالویالوجی اور یڈیالوجی 31 جنوری تک مکمل فنکشنل کر دیئے جائیں گے، بورڈ آف گورنر نے پہلے فیز میں 258 اسامیوں پر بھرتی کی منظوری دی ہے۔اس کے علاوہ لاہور میں جناح انسٹیٹیوٹ آف کارڈیالوجی 15 فروری سے فنکشنل ہوگا، بورڈ آف گورنر نے جناح انسٹیٹیوٹ آف کارڈیالوجی کے لئے 1104 اسامیوں پر بھرتی کی بھی منظوری دے دی۔وزیراعلیٰ نے ہدایت کی کہ تمام منصوبوں کو مقررہ ڈیڈ لائنز کے اندر فعال کیا جائے اور مریضوں کی جانیں بچانے کیلئے کوئی کسر نہ چھوڑی جائے۔
بحرین نیشنل گارڈز کے کمانڈر جنرل شیخ محمد بن عیسی بن سلمان الخلیفہ کی فیلڈمارشل عاصم منیرسےملاقات